Ntalu 35:1-34
35 Yave ovovese Mose muna makanga ma Moabe, muna nlambu a Yodani,+ vana ndambu a Yeriko, oku vo:
2 “Vovesa Aneyisaele vo, muna vua dina betambula, bavana e zaka mbanza kwa Anelevi bazingila.+ Bafwete mpe vana kwa Anelevi o madilu ma twelezi mena muna kinzieta kia zimbanza.+
3 Anelevi bezingila muna mbanza zozo, o madilu mekala se ma twelezi yau, ma lekwa yau ye bulu yau yankaka.
4 Muna mbanza zina nuvana kwa Anelevi, o madilu ma twelezi mekala ye 1.000 dia yinkonso* tuka muna yaka, muna kinzieta kiawonso kia mbanza.
5 Kuna mbazi a mbanza, nufwete tanga 2.000 ma yinkoso kuna ndambu ya este, 2.000 ma yinkoso kuna ndambu ya sude, 2.000 ma yinkoso kuna ndambu ya weste, 2.000 ma yinkoso kuna ndambu ya node; e mbanza ikala vana kati. Omama mekala se madilu ma twelezi ma mbanza zau.
6 “E mbanza zina nuvana kwa Anelevi, zikala mbanza 6 za tinina,+ kimana o mumponda-muntu katinina kûna,+ nubavana mpe mbanza 42 zankaka.
7 E mbanza zawonso zina nuvana kwa Anelevi, 48, kumosi yo madilu mau ma twelezi.+
8 E mbanza zina nukubavana muna vua dia Aneyisaele zituka.+ Avo e buka kianene, nubonga mbanza zayingi; avo e buka kiakete, nubonga mbanza zakete.+ Konso kanda divana e zaka mbanza zandi kwa Anelevi mun’owu wa vua betambula.”
9 Yave okwamanene vovesa Mose vo:
10 “Vovesa Aneyisaele vo: ‘Se nusauka o nkoko a Yodani yo kwenda kuna nsi ya Kenani.+
11 Nufwete sola mbanza zina vo ke zampasi ko kwa yeno mu lwaka, zikala se mbanza za tinina, kimana o mumponda-muntu ona ovondele muntu* lembi wo kana katinina kûna.+
12 E mbanza zozo zikala se tininu dieno mu kuma kia nlandi a kunda kia menga,+ kimana o mumponda-muntu kalembi vondwa yavana kefundiswa vana vena nkutakani.+
13 E mbanza sambanu za tinina zina nusola zilungisa e kani diadi.
14 Nusola mbanza tatu oku simu diadi dia Yodani,+ mbanza tatu kuna nsi ya Kenani,+ zikala se mbanza za tinina.
15 E mbanza sambanu zazi zikala se mbanza za tinina kwa Aneyisaele, kwa munduti a nzila+ ye kwa nzenza una vana kati kwau, kimana ndiona ovondele muntu* lembi wo kana+ katinina kûna.
16 “‘Kansi, avo lekwa kia sengwa kamvamini yo fwa, oyandi mumponda-muntu. O mumponda-muntu kafwete vondwa kikilu.+
17 Avo tadi dilenda kumvonda kamvamini, kafwa, oyandi mumponda-muntu. O mumponda-muntu kafwete vondwa kikilu.
18 Avo sadilwa kia baya kilenda kumvonda kamvamini, kafwa, oyandi mumponda-muntu. O mumponda-muntu kafwete vondwa kikilu.
19 “‘O nlandi a kunda kia menga yandi ovonda o mumponda-muntu. Yandi kibeni okumvonda vava kewanana yandi.
20 Avo unungwini wau vo menga ke kumenganga yovo lekwa kanzukidi ye kani diambi,* kafwa,+
21 yovo unwende nkome ye kani diambi, kafwa, ndiona unwende e nkome kafwete vondwa kikilu. Oyandi mumponda-muntu. O nlandi a kunda kia menga ovonda o mumponda-muntu vava kewanana yandi.
22 “‘Kansi, avo ke ku lukanu ko ye ke mu kani diambi ko kanungunuini yovo ke mu kani diambi ko+ kanzukidi e lekwa,*
23 yovo umbwisidi tadi lembi kumona, kansi kakala mbeni andi ko ye kavavanga kumvanga mbi ko, o muntu ndioyo kafwa,
24 ozevo, e nkutakani ifwete zenga o nkanu vana vena o muntu unwende yo nlandi a kunda kia menga, mun’owu wa tuludiku twatu.+
25 I bosi, e nkutakani ivuluza mumponda-muntu vana moko ma nlandi a kunda kia menga, yo kumvutula muna mbanza ya tinina ina katinini, kafwete kala mûna yavana kifwa ngang’ambuta ona wakuswa o mazi mavauka.+
26 “‘Kansi, avo mumponda-muntu ovaikidi yo vioka o mwingilu a mbanza ya tinina ina katinini
27 o nlandi a kunda kia menga kansolola kuna mbazi a mwingilu a mbanza ya tinina yo kumvonda, o nlandi a kunda kia menga kekala mu nkanu a menga ko.
28 Kadi o mumponda-muntu kafwete zingila muna mbanza ya tinina yavana o ngang’ambuta kefwa. Kansi, avo ngang’ambuta ofwidi, mumponda-muntu olenda kwandi vutuka kuna nsi andi akivuila.+
29 O mambu mama mekala kwa yeno se nsiku mia fundisila muna mbandu zeno zawonso, muna fulu yawonso nuzingila.
30 “‘Konso ndiona ovondele muntu kafwete vondwa+ muna nua mia ambangi,+ kadi mumponda-muntu; kansi ke muntu ko ofwete vondelwa muna kimbangi kia muntu mosi kaka.
31 Ke nutambula lukûlu ko mu vuluza mumponda-muntu ona ofwanukini vondwa, kadi kafwete vondwa kikilu.+
32 Ke nutambula lukûlu ko lwa muntu ona itinini muna mbanza ya tinina, yo kumyambula vo kazingila muna nsi andi vitila o ngang’ambuta kafwa.
33 “‘Ke nufunzula e nsi ko ina nuzingilanga, kadi o menga nsi mesafulanga,+ e nsi ke ilendi lombelwa luyambulwilu lwa masumu ko muna menga mabungukidi mo, nanga vo muna menga ma ndiona obungwidi mo.+
34 Ke nufunzula e nsi ko ina nuzingilanga, muna ikalanga; kadi omono Yave, ikalanga vana kati kwa nkangu a Isaele.’”+
Mvovo vana yand'a lukaya
^ Yovo “ovondele moyo.”
^ Yovo “ovondele moyo.”
^ Mvovo wa sina: “lekwa kanzukidi ekolo kakedi waswama.”
^ Mvovo wa sina: “yovo kakedi waswama ko.”
