Obadia 1:1-21
1 Mona meso kia Obadia:*
O Mfumu Yave owu kavovele mu kuma kia Edome:+
“Tuwidi nsangu zitukidi kwa Yave,O nati a nsangu otuminu kazayisa kwa zula vo:
‘Nutelama, twakubama kimana twanuana yandi.’”+
2 “Tala! Ikitwidi se lekwa kiakondwa o mfunu vana vena e zula;Ovezelo kikilu.+
3 O lulendo lwa ntim’aku luvunini,+Ongeye ozingilanga muna nduka mia matadi,*Ozingilanga vana fulu yazanguka, ovovele muna ntim’aku vo,‘Nani okunkulumuna vana ntoto?’
4 Kana nkutu ozingidi muna fulu yazanguka* nze ngo-zulu,Yovo otungidi e nzialwa aku vana vena e ntetembwa,Kulumuna ikukulumuna,” u kavovele o Yave.
5 “Avo olwakilu kwa mivi, kwa asanzi muna fuku,Nga ke bebonga kaka ina bavuidi o mfunu ko?
Avo avedi a uva bezidi kwa ngeye,Nga ke besisa uva zankaka ko mu wonzolola?+
Kansi, ongeye ofwaswa emvimba kwa mbeni zaku.*
6 Babongele lekwa yawonso ya Esau,Ke musidi lekwa ko muna tusalu twandi twaswekama
7 Bakulanese yakuna mwingilu.
Awonso wakanga yau e kangu bavunginikini.
Awana okadilanga yau mu luvuvamu basundidi.
Awana odianga yau e mbolo bekulekela e konde,Kansi, ongeye kubakula wo ko.
8 Muna lumbu kiakina,” u kavovele o Yave,“Nga kifwasa akwa ngangu ko muna Edome+Ye akwa umbakuzi muna zunga kia miongo kia Esau?
9 E Temane,+ makesa maku mezakameswa,+Kadi konso muntu muna zunga kia miongo kia Esau, ofwaswa.+
10 Mu kuma kia mavangu mansoki wavanga kwa mpangi aku Yakobo,+Nsoni ofusuka,+Ofwasuka yakwele mvu.+
11 Muna lumbu kiakina tala kaka watalanga,Muna lumbu kina e mbeni banata makesa mandi kuna kinkole,+Vava mbeni zakota muna mbanz’andi* yo tela Yerusaleme e nkas’a mienze,+Ongeye wakala nze mosi muna yau.
12 Kwadi mona kiese ko muna lumbu kia mpasi+ za mpangi aku,Kwadi yangalala ko mu kuma kia nkangu a Yuda muna lumbu kia lufwasu+ lwau,Ye kwadi vovela kuna lulendo ko muna lumbu kia mpasi zau.
13 Kwadi kota muna mbanz’a* nkangu ame ko muna lumbu kia lufwasu+ lwau,Kwadi yangalela lubangamu lwau ko muna lumbu kia lufwasu lwau,Ye kwadi sia moko maku muna mavua mau ko muna lumbu kia lufwasu+ lwau.
14 Kwadi telama mu mpambu za nzila ko mu vonda awana batinanga,+Kwadi yekola ko awana bavuluka muna lumbu kia lufwasu.+
15 E lumbu kina Yave kefwasa e zula yawonso kifinamene.+
Wauna wavanga kwa yandi, i wau mpe ovangwa.+
Mana ovangidi kwa akaka, i mau mpe ovangwa ongeye.
16 Kadi, wauna nuanuina vana mongo ame avauka,I wau mpe zula yawonso ikwamanena nuina.+
Benua e mbungwa yawonso ya makasi ma Nzambi,Bevila e mvimba, vika sia vo, ke bateka kala ko.
17 Kansi vana Mongo a Zione i bekala awana bevuluka,+O mongo ukituka se wavauka;+E nzo a Yakobo ivua e lekwa yau yawonso.+
18 E nzo a Yakobo ikituka se tiya,E nzo a Yosefe se nlaku a tiya,E nzo a Esau se titi;Besia yo tiya yo bomona yo,Ke vekala ona ovuluka ko muna nzo a Esau,+Kadi i wau kavovele o Yave.
19 Bevua Nengebe ye zunga kia miongo kia Esau,+Sefela ye nsi a Afelesetia.+
Bevua mpe zunga kia Eferaime ye zunga kia Samaria,+O Benyamini ovua zunga kia Ngiladi.
20 Awana bena muna swekameno+ kuna kinkole,O nkangu a Isaele uvua nsi ya esi Kenani yakuna Sarefate.+
Esi Yerusaleme ana bayenda muna kinkole, ana bakala kuna Sefarade, bevua e mbanza za Nengebe.+
21 Avuluzi bemanta vana mongo a ZioneMu fundisa e zunga kia miongo kia Esau,+E kintinu kikituka se kia Yave.”+
Mvovo vana yand'a lukaya
^ Ina ye nsasa vo: “Selo kia Yave.”
^ Yovo “mpukulu za matadi.”
^ Yovo “otimukini muna zulu.”
^ Nanga, “Yamu nkia tezo bekufwasila?”
^ Mvovo wa sina: “vitu diandi.”
^ Mvovo wa sina: “vitu dia.”
