Osea 1:1-11
1 E diadi i diambu dia Yave dina diayiza kwa Osea* wa mwan’a Beri muna lumbu ya Uziya,+ Yotame,+ Akazi+ yo Kizekeya,+ atinu a Yuda+ ye muna lumbu ya Yerobame+ wa mwan’a Yoase+ wa ntinu a Isaele.
2 Vava Yave kayantika vova e diambu diandi kwa nkangu muna Osea, Yave ovovese Osea vo: “Wenda sompa nkento a munta-zumba, wawuta wan’a zumba, kadi muna kuma kia zumba o nkangu a nsi bayambwidi e mvimba landa Yave.”+
3 Dianu vo, Osea wele sompa Ngome wa mwan’a Dibelaime, oyimiti yo kunwutila mwan’a yakala.
4 I bosi Yave umvovese vo: “Umvana e nkumbu a Yizerele,* kadi ke kolo ko ilanda e nzo a Yeu e kunda+ mu kuma kia mbungul’a menga muna mbanz’a Yizerele, sukisa isukisa kintinu kia nzo a Isaele.+
5 Muna lumbu kiakina itolola mfumb’a Isaele muna Ndimb’a Yizerele.”
6 Ngome oyimiti diaka, owutidi mwan’ankento. Nzambi umvovese vo: “Umvana e nkumbu a Lo-rukama,* kadi kifwila diaka nzo a Isaele nkenda ko,+ i dianu vo yinganesa yikubayinganesa.+
7 Kansi, ifwila nzo a Yuda e nkenda.+ Omono Yave wa Nzambi au ikubavuluza;+ kikubavuluzila mu mfumba ko yovo muna nsosolo, vita, mvalu ngatu muna akwa mvalu.”+
8 Vava kayemona Lo-rukama, Ngome oyimiti, owutidi mwan’a yakala.
9 I bosi Nzambi ovovele vo: “Umvana e nkumbu a Lo-ami,* kadi ke nu nkangu ame ko, omono kikala Nzambi eno ko.
10 “O lutangu lwa nkangu a Isaele* lukala nze senge dia kalunga dina ke dilendi tezakana ko ngatu tangakana.+ Vana fulu kina bavoveselwa vo: ‘Ke nu nkangu ame ko,’+ bevoveswa vo: ‘Wan’a Nzambi amoyo.’+
11 O nkangu a Yuda yo nkangu a Isaele ubundakeswa,+ bekuyisolela ntu mosi yo vaika muna nsi yayina, kadi e lumbu kia Yizerele kianene kikala.+
Mvovo vana yand'a lukaya
^ I mpila yankufi yasonekena nkumbu a Osaya, ina ye nsasa vo: “Wavuluzwa kwa YA; YA Wavuluza.”
^ Ina ye nsasa vo: “Nzambi Okuna Mbongo.”
^ Ina ye nsasa vo: “Kafwilwa Nkenda Ko.”
^ Ina ye nsasa vo: “Ke Nkangu Ame Ko.”
^ Mvovo wa sina: “wan’a Isaele.”