Osea 10:1-15
10 “Isaele i nsing’a vinyu wabeba* uwutanga bundu yandi.+
Ekolo bundu yandi iwokelanga, owokesanga mpe maziku mandi;+Ekolo nsi andi itoma wutanga mbongo ambote, oluta tomesa mpe malunzi mandi mavauka.+
2 Akwa umpuki kwau;Owau ngielele bevewa.
O maziku mau wulwa mewulwa, e malunzi mau bangulwa mebangulwa
3 Owau bevova vo: ‘Ke tuna ye ntinu ko,+ kadi ke tuvumini Yave ko.
O ntinu adieyi kalenda vanga mu kuma kieto?’
4 Mvovo mia nkatu bevovanga yo dia ndofi za luvunu+ yo kanga makangu;I dianu vo, unsongi ubendomweno nze nti miampondi muna nkala mia mpatu.+
5 Esi Samaria bemona wonga wa teke kia mwan’a ngombe a Betavene.+
Bedidila kio,Kumosi ye nganga zandi za nzambi zaluvunu ana beyangalelanga kio yo nkembo andi,Kadi kinatwa kuna kinkole, kwandá yo yau.
6 Kinatwa kwa Asuri se lukau lwa ntinu anene.+
Eferaime ofusuka e nsoni,Isaele ofusuka e nsoni mu kuma kia longi kalende.+
7 Samaria yo ntinu andi bekakwa o nua,+Nze tayi kitolokele vana ntandu a maza.
8 E sumu dia Isaele,+ i sia vo, mabata ma Betavene+ mesukiswa.+
E nsende ye nkeka za mfinda zimena vana maziku mau.+
O nkangu uvova kwa miongo vo: ‘Nutufuka!’
Kwa kundubulu vo: ‘Nutubwila!’+
9 E Isaele, osumukanga tuka muna lumbu ya Ngibeya.+
Kwakuna batelamene.
Kuna Ngibeya e vita ke ilwakidi wan’andi a vilwa ko.
10 Vava dikungiangidika ikubatumba.
E nkangu mikutikiswa muna kubanuanisa,Vava masumu mau, mau mole mekubakanga.*
11 Eferaime i mwan’a ngombe watoma longwa ona wazola bunda masa,Muna kuma kiaki, yalunga-lunganga nsingu andi ambote.
Owau isia nkwa mvalu kadiatisa Eferaime.+
Yuda ovata; Yakobo ovatila akaka.
12 Nukunina muna unsongi yo vela walakazi.
Nuvata ntoto una ke wateka vatwa ko+Ekolo ntangwa yakinu muna tomba Yave,+Yavana kekwiza, kanulongela muna unsongi.+
13 Kansi, oyeno nukunini umpumbulu,Nuvelele o vilwa,+Nudidi mbongo a luvunu;Kadi nubundidi e vuvu muna nzila zeno,Muna ulolo wa makesa meno.
14 E nkindu zibundumuka vana kati kwa nkangu aku,Mbanza zeno zawonso zangolo zifwaswa,+Nze una Salemane kafwasila nzo a Betarebe,Muna lumbu kia vita vava angudi bazengononua kumosi yo wan’au.
15 Ediadi idiau divangama kwa ngeye, e Betele,+ kadi o bi waku wingi.
Vava kuma kukia, o ntinu a Isaele ovondwa.”+
