Osea 11:1-12
11 “Vava Isaele kakala nleke, yanzola,+Muna Engipito mbokele mwan’ame.+
2 Vava babokelwanga,*Baluta bembola ndiona wababokelanga.+
Bakelelanga yimenga kwa teke ya Bale+Yo tambika yimenga kwa teke yavalwa.+
3 Kansi mono yalonga Eferaime o kangala,+ yabanata muna moko mame;+Ke bazayididi wo ko vo mono yabawuka.
4 Yakwamanana kubafidila muna nsinga mia wantu,* muna nsinga mia zola;+Yakala kwa yau nze ndiona wakatulanga vangu muna nsingu zauYo vana madia kwa konso muntu kuna ngemba.
5 Ke bevutuka kuna nsi ya Engipito ko, kansi Asuri okala se ntinu au,+Wau vo ke bazolele vutuka kwa mono ko.+
6 E nsosolo uzunga muna mbanza zandi,+Ufwasa mbindi zandi yo vempola nkangu mu kuma kia makani mau mambi.+
7 Nkangu ame utatamene kunsumukina.+
Kanele vo babokelo kuna kayengele,* kavena muntu ko otelamene.
8 Ekuma ikubembolwela, Eferaime?+
Ekuma ikuyekolwela, e Isaele?
Aweyi ndenda kadila yaku nze Adema?
Ekuma ikuyambulwila nze Seboime?+
Mpilukidi o ntima;Vana vau e nkenda zame ziyangumukini.*+
9 Kisonga nsita za makasi mame ko.
Kifwasa diaka Eferaime ko,+Kadi i Nzambi, ki muntu ko,I Mvauki vana kati kweno;Kikunuanisina diaka kuna makasi ko.
10 Belanda Yave, oyandi okwita nze nkosi;+Vava kekwita, wan’andi bekwiza zakami tuka kuna weste.+
11 Bekwiza zakami nze nuni vava bevaika muna Engipito,Nze mayembe vava bevaika kuna nsi ya Asuri;+Ikubasikidisa muna nzo zau,” u kavovele o Yave.+
12 “Eferaime unzungidi ye luvunu,E nzo a Isaele inzungidi yo luvunginiku.+
Kansi Yuda wakinu kangala yo Nzambi,Nkwa kwikizi kwa Mpungu Avauka.”+
Mvovo vana yand'a lukaya
^ I sia vo, angunza ye akaka batumwanga mu longa Isaele.
^ Yovo “nsinga mia ngemba,” nze mina besadilanga mase.”
^ I sia vo, mpila nsambila isundidi zanguka.
^ Mvovo wa sina: “E nkenda zame zayandukidi.”