Osea 12:1-14
12 “Eferaime odianga e tembwa.
Olandidi e tembwa kia weste e lumbu kiamvimba.
Owokese luvunu ye nsoki.
Bakangidi e kangu ye Asuri+ yo nata mazi kuna Engipito.+
2 Yave diambu kena diau yo Yuda;+Otumba Yakobo mun’owu wa nzila zandi,Okumvutulwila mun’owu wa mavangu mandi.+
3 Muna vumu osimbinini e bombo kia mpangi andi,+Muna ngolo zandi onuene yo Nzambi.+
4 Onuene ye mbasi yo sunda.
Odididi yo dodokela dienga diandi.”+
Osolwele Nzambi kuna Betele, i kuna kamokenena yeto,+
5 Yave wa Nzambi a vu,+E Yave i nkumbu a luyindulu lwandi.*+
6 “I dianu vo, vutuka kwa Nzambi aku,+Simbinina walakazi ye unsongi,+Bundanga e vuvu kwa Nzambi aku.
7 O nkiti una ye balanz’a luvunu vana moko;Wazola luvunu.+
8 Eferaime ovovele vo: ‘Nkitukidi mvuama;+Mbakidi kimvuama.
Kansi, ke bemona mbi ko ngatu sumu muna salu kiame kiawonso.’+
9 Kadi mono i Yave wa Nzambi aku tuka kuna Engipito.+
Ikuyambula wazingila diaka muna saba
Nze muna lumbu yasikidiswa.*
10 Yavovanga kwa angunza,+Yawokesa mona-meso yau,Yatanga yingana muna angunza.
11 Muna Ngiladi mwina ye luvunu*+ yo umpuki.
Muna Ngilengale bakelelanga yimenga ya ngombe,+E maziku mau mena nze mazudika ma matadi muna nkala mia mpatu.+
12 Yakobo otinini muna mvivu* wa Arami;*+Isaele+ osadidi kûna mu kuma kia nkento,+Muna kuma kia nkento ovungwidi mameme.+
13 Yave osadidi ngunza mu vaikisa Isaele muna Engipito,+Osadidi ngunza mu kubatanina.+
14 Eferaime ofingidi Nzambi;+O nkanu a menga wakinu muna yandi;E Mfumu andi okumvutulwila muna luvezo lwandi.”+
Mvovo vana yand'a lukaya
^ Yovo “i nkumbu bekunyindulwilanga.”
^ Nanga, “Nze muna lumbu ya nkinzi.”
^ Yovo “mpandu.”
^ Mvovo wa sina: “mpatu.”
^ Yovo “Suria.”
