Osea 13:1-16
13 “Vava Eferaime kavovanga, vakala ye zakamu;Nkwa tunda kakala muna Isaele.+
Kansi, onete nkanu mu kuma kia sambila Bale,+ ofwidi.
2 Owau, basakisi masumu mauBavangidi teke ya sengwa muna palata au;+Kuna ngangu bavangidi e teke, yawonso salu y’akwa umbangu.
Bavovele vo: ‘Yambula wantu ana bekelanga yimenga bafiba wan’a ngombe.’+
3 I dianu vo, bekituka nze matuti ma mene-mene,Nze lowa dilalanga vana vau,Nze vevele ivevomonuanga kwa tembwa vana bundilu,Nze mwisi uvaikanga vana vundu dia nludi a nzo.
4 Kansi, mono i Yave wa Nzambi aku tuka kuna nsi a Engipito;+Kwazaya Nzambi ankaka ko, mono kaka,Kavena mvuluzi ankaka ko, mono kaka.+
5 Muna makanga yazayila,+ muna nsi yayuma.
6 Bayangalela madilu mau,+Bayangalala yo kituka akwa lulendo.
I dianu bamvilakana.+
7 Ikituka nze mwan’a nkosi kwa yau,+Nze ngo ikondelelanga* vana mbel’a nzila.
8 Ikubalwakila nze use ovidisi wan’andi,Itiazuna ntulu zau.*
I kûna ikubadila nze nkosi;E bulu kia mfuta kikubatiazuna.
9 Wau vo untelamene, otelamene nsadisi aku,Ediadi dikufwasa, e Isaele.
10 Ozevo, akweyi kwina ntinu aku, kavuluza muna mbanza zaku zawonso’?+
Ayadi aku ana ovovele vo:‘Umpana ntinu ye zimfumu’?+
11 Yavanina ntinu kuna makasi mame,+Katula ikunkatula kuna makasi mame.+
12 O bi wa Eferaime walundwa;*E sumu diandi diaswekwa.
13 E nsongo mia wuta mikunlwakila.
Kansi oyandi mwana wakondwa e ngangu;Ke kuyisunzula ko muna ntangw’a wutuka.
14 Ikubavevola muna nkum’a Ziami;*Ikubakûla muna lufwa.+
E Lufwa, o manga aku aweyi?+
E Ziami, akweyi wina o nkum’aku wa fwasa?+
E nkenda ziswekama vana meso mame.
15 Kana nkutu okolele vana vena mawu,E tembwa kia este kikwiza, e tembwa kia Yave;Kikwiza tuka muna makanga kiayumisa sima yandi ye nto zandi.
Osanza tusalu twandi, lekwa yandi yawonso yantalu.+
16 Samaria ovewa ngielele,+ kadi Nzambi andi kakolamene.+
Bebwila muna nsosolo,+O wan’au betiazunua,E vumu y’akento au ana bayimita, itiazunua.”
Mvovo vana yand'a lukaya
^ Yovo “ilunganga.”
^ Mvovo wa sina: “Itiazuna fukwa ya ntima miau.”
^ Yovo “wakangama.”
^ Yovo “Seol,” i sia vo, ziami kia wantu awonso. Tala Nsas’a Mvovo.
