Osea 14:1-9
14 “E Isaele, vutuka kwa Yave wa Nzambi aku,+Kadi mu kuma kia bi waku obwididi.
2 Nuvutuka kwa Yave,Numvovesa vo: ‘Loloka o bi weto,+ tambulwila dina diambote,Tukuvana lukau lwa lusanisinu lwa befo yeto+ nga wan’a ngombe.*
3 Asuri ke kutuvuluza ko.+
Ke tukwendela muna mvalu ko,+Ke tuyikila diaka salu kia moko meto ko vo: “E Nzambi eto!”
Kadi ngeye ofwilanga munkondwa se* nkenda.’+
4 Sasula isasula kondwa kwau kwa kwikizi.+
Ikubazolela kuna mvevo,+Kadi mpengomwene makasi mame muna yau.+
5 Ikala nze lowa kwa Isaele;Osakumuka nze mvuma za lengelengeYo sayanesa mianzi muna sina nze nti mia Lebanone.
6 E tayi yandi iyalangana,O wete wandi ukala nze wa olive,E nsunga zandi nze za Lebanone.
7 Bekala diaka kuna nsi a viozi kiandi.
Bekuna masa yo sayana nze nsing’a vinyu.+
Ozayakana* nze vinyu a Lebanone.
8 Eferaime ovova vo: ‘Nkia diambu diaka ngina diau ye teke?’+
Ikumvana e mvutu yo kunlunga-lunga.+
Ikala nze nti uyikilwanga vo sipelese wavuembeta.
E mbongo eno kwa mono ituka.”
9 Nani i nkwa ngangu? Yambula kabakula mambu mama.
Nani i nlungaladi? Yambula kazaya mo.
Kadi e nzila za Yave zasingama,+Asongi bediatila mo;Vo i akuludi a nsiku, betela mo sakuba.
Mvovo vana yand'a lukaya
^ Mvovo wa sina: “tuvana wan’angombe a befo yeto.”
^ Yovo “mwan’a nsona.”
^ Mvovo wa sina: “Luyindulu lwandi lukala.”
