Osea 2:1-23
2 “Nuvovesa mpangi zeno vo: ‘Nkangu ame!’*+
Kwa nsanga zeno vo: ‘Nkento wasongwa e nkenda!’*+
2 Nufunda ngudi eno; numfunda,Kadi ke nkaz’ame ko,+ omono kiyakala diandi ko.
Kafwete yambula tá zumbaYo katula e zumba muna ntulu zandi,*
3 Avo ke wau ko, ikunkola nlele yo kunsisa e nkonga nze mu lumbu kina kawutuka,Ikunkitula se makanga,Nze nsi yakondwa maza,Yo kunyambula kafwa mu kuma kia vuina.
4 O wan’andi kikubafwila nkenda ko,Kadi wan’a zumba.
5 E ngudi au otele zumba.+
Ndiona wabawuta ovangidi mambu mansoni,+ kadi ovovele vo,‘Ikwenda landi azodi ame,+Ana bekumpananga madia yo maza,Ye mvuatu mia mika mia mameme, lino, mazi ye malavu.’
6 Dianu vo, isia nkaku a nsende muna nzil’aku;Itelamesa yaka kia matadi kiankakidila,Kimana kalembi solola nzila zandi.
7 Okwenda landi azodi andi, kansi ke kubabaka ko;+Okwenda kubavava, kansi ke kubasolola ko.
I bosi ovova vo: ‘Yambula yavutuka kwa nkaz’ame wantete,+Kadi muna ntangwa yayina e zingu kiame kiambote kiakala ke mu wau ko.’+
8 Kazeye wo diaka ko vo mono yamvana masa,+ vinyu yampa ye mazi,Mono yamvana ulolo wa palata,Ye wolo una basadilanga muna nsambil’a Bale.+
9 ‘I dianu vo, ibonga masa mame muna ntangw’andiYe vinyu yampa muna nsungi andi,+Ikutumuna mvuatu ame wa mika mia mameme ye lino ina ifukanga nkong’andi.
10 Owau isenzeka nitu andi vana vena azodi andi,Kavena muntu ko okumvuluza vana moko mame.+
11 Sukisa isukisa kiese kiandi,Nkinzi miandi,+ nzangama za ngonde, lumbu ya vundu ye nsungi zandi zawonso za nkinzi.
12 Ifwasa mpatu zandi za vinyu ye nsanda miandi mina kavovela vo:
“Wau i mfutu yatambula kwa azodi ame;”Ikitula zo se mfinda,E bulu ya mfuta bedia yo.
13 Ikumfundisa mu kuma kia lumbu ina katambikanga yimenga kwa teke ya Bale,+Vava kayiviengesanga ye nlunga ye nsanga yo kwenda landi azodi andi,Yo kumvilakana,’+ u kavovele o Yave.
14 ‘I dianu vo leba ikunleba,Ikunata kuna makanga,Yamvovesa kimana yasimba o ntim’andi.
15 Tuka muna ntangwa yayina ikumvutulwila e mpatu zandi za vinyu,+Ikitula ndimb’a Ako+ se mwelo a vuvu;Vavana i kevanina mvutu nze muna lumbu ya kileke kiandi,Nze muna lumbu kina kavaika muna nsi a Engipito.+
16 Muna lumbu kiakina,’ u kavovele o Yave,‘Okungikila vo Nkaz’ame, kukungikila diaka ko vo Mfumu ame.’*
17 ‘Kikunyambula ko kavovela diaka nkumbu za teke ya Bale,+E nkumbu zau ke ziyindulwa diaka ko.+
18 E lumbu kiakina ikanga e kangu ye bulu ya mfuta,+Ye nuni za zulu ye lekwa izanzalanga ova ntoto muna wete dia nkangu ame;+Itolola mfumba, nsosolo yo sukisa e vita,+Ikubayambula bazingila kuna luvuvamu.+
19 Ikuzitikila yakwele mvu;Ikuzitikila kuna unsongi ye ziku,Muna walakazi* ye nkenda.+
20 Ikusonga e kwikizi yakwele mvu,Osinga zaya kieleka Yave.’+
21 ‘Muna lumbu kiakina ivana e mvutu,’ u kavovele o Yave,‘Ivana mvutu kwa zulu,E zulu divana mvutu kwa ntoto;+
22 O ntoto uvana mvutu kwa masa, vinyu ampa ye mazi;Eyayi ivana e mvutu kwa Yizerele.*+
23 Ikunkuna nze mbongo muna ntoto,+Ifwila e nkenda kwa ndiona walembi fwilwa e nkenda;*Awana bena vo ke nkangu ame ko ikubavovesa vo:* “Nu nkangu ame,”+Oyau bevova vo: “U Nzambi ame.”’”+
Mvovo vana yand'a lukaya
^ Yovo “mayeno mandi.”
^ Yovo “Bale ame.”
^ Mvovo wa Kiyibere una ye nsasa vo: “Zola ye walakazi ulembi suka.” Tala Nsas’a Mvovo. “Zola kulembi suka.”
^ Ina ye nsasa vo: “Nzambi Okuna Mbongo.”
