Osea 9:1-17
9 “E Isaele, kuyangalela ko,+Ngatu mona e kiese nze minkangu.
Kadi ovavukidi Nzambi aku muna zumba yaku.+
Ozolele mfutu wa kinkembi muna mabundilu mawonso ma masa.+
2 Kansi, e bundilu dia masa ye kaminu dia vinyu ke dikudikila ko,E vinyu yampa ikutwasila lukendalalu.+
3 Ke bekwamanana zingila muna nsi a Yave ko;+Eferaime ovutuka kuna Engipito,Kuna Asuri, bedia lekwa yafunzuka.+
4 Ke betiamuna diaka tukau twa vinyu ko kuna kwa Yave;+Ke yangalela yimenga yau ko.+
Ina nze mbolo za lufwa;Awonso ana bedianga zo befunzuka.
Kadi e mbolo zau, za yau kibeni kaka;Ke zikoteswa muna nzo a Yave ko.
5 Adieyi nuvanga muna lumbu kia lukutakanu,Muna lumbu kia nkinzi a Yave?
6 Tina betina mu kuma kia lufwasu.+
Engipito ikubakutakesa,+ e Memfi ikubazika.+
E nsende zizingalakana lekwa yau yantalu ya palata,E nkeka za mfinda zimena muna saba yau.
7 E lumbu yalanda e kunda ikwiza,+E lumbu yasendwa ikwiza,Isaele ozaya wo.
O ngunz’au okituka se zowa, muntu ovovanga vo wavumunuinua olauka;Wau vo o bi waku wayingi,e kimbeni osiwa kiayingi.”
8 O nyingidi+ a Eferaime okedi ye Nzambi ame.+
Kansi, e nzila zawonso za ngunza zandi+ zina nze ntambu mia mbaki a nuni;
Kimbeni kina muna nzo a Nzambi andi.
9 Bakivene mvimba muna mavangu ma lufwasu nze muna lumbu ya Ngibeya.+
Oyindula bi wau yo kubatumba muna masumu mau.+
10 “Vava yasolola Isaele, diakala nze mono nsolwele uva muna makanga.+
Yamwena mase meno nze bundu yantete ya nsanda.
Kansi, oyau bayenda kwa Bale-Peo;+Bakiyekola muna lekwa kiansoni,*+Bakituka se angemi nze lekwa kia nzolw’au.
11 O nkembo a Eferaime utilumukini nze nuni;Ke beyimita ko ngatu wuta.+
12 Kana nkutu basansidi wana,Ikubakatula vana bena yavana ke vesala muntu ko;+Elo, tâtu kwa yau vava ikubavavuka!+
13 Eferaime wakunua muna madilu, oku kwa mono wakala nze Turo;+Owau Eferaime kafwete twasa wan’andi bavondwa.”
14 E Yave, ubavana kina ofwete kubavana;Vumu kisululanga ye ntulu zayuma.
15 “E mbi au yawonso yakala muna Ngilengale,+ kadi i kuna yayantikila kubamenga.
Yinga ikubayinga muna nzo ame mu kuma kia mavangu mau mambi.+
Kikubazola diaka ko;+Mfumu zau zawonso akwa ntima mia mbâdi.
16 Eferaime wandwa kewandwa.+
E mianzi miandi yuma miyuma, ke beyima kana mbongo imosi ko.
Kana nkutu bawutidi wana, o wan’au vonda ikubavonda.”
17 Nzambi ame okubabembola,Kadi ke banwididi ko,+Bekituka se ayungani muna zula.+
Mvovo vana yand'a lukaya
^ Yovo “nzambi a nsoni.”
