Kwa Tito 3:1-15
3 Kwamanana kubasusumuna vo basakalelanga yo lemvokela ayadi ye akwa wisa,+ bakubama muna salu yawonso yambote,
2 ke batianguni muntu ko, ngatu tantana, kansi bakala yo ntim’anleka,+ basonga lulembamu kwa wantu awonso.+
3 Kadi oyeto mpe mazowa twateka kala, akolami, twavukumunua yo bundunua kwa maketo ye nkembo mia mpila mu mpila, twavanganga o bi, akwa kimpala twakala, angemi yo mengaziana.
4 Kansi, vava kiasengomoka o wete wa Nzambi wa Mvuluzi eto+ yo zola kwandi muna wantu
5 (ke mu kuma kia mavangu ma unsongi twavanga ko,+ kansi mu kuma kia nkenda zandi),+ watuvuluzila muna nsukula ina yatutwasila o moyo+ yo kutukitula se wantu ampa muna mwand’avelela.+
6 Watubungulwila mwanda wau kuna mvevo muna Yesu Kristu wa Mvuluzi eto,+
7 kimana vava tulungisilwa muna nkenda zandi,+ twakala se avingidi a vua+ mun’owu wa vuvu kia moyo a mvu ya mvu.+
8 O mambu mama maziku, nzolele vo wasiamanana mo longa, kimana awana bekwikila muna Nzambi bakala ye tima dia vanga mambu mambote. Mambu mama mambote, mfunu mena kwa wantu.
9 Kansi, uyikenga muna mpaka za uzowa ye tuvila yo tantanena e Nsiku, kadi ke metwasanga nluta ko ye makondwa o mfunu.+
10 Venga konso muntu+ osayanesanga malongi maluvunu,+ musungula avo olukisu mu nkumbu antete ye yanzole,+
11 kadi muntu ndioyo ovengomokene muna nzila, osumukanga, e fu yandi ikuntumbanga.
12 Vava ikutumina Atema yovo Tikiko,+ vanga wawonso wiza wanana yame kuna Nikopole, kadi i kûna nzolele viokesela e nsungi a sivu.*
13 Vana lusadisu lwafwana kwa Zena, ona otomene zaya o Nsiku yo Apolo kimana balembi kondwa lekwa muna nkangalu au.+
14 Mpangi zeto mpe, yambula balongoka kuyivana muna salu yambote kimana basadisanga ankaka muna ntangw’ampasi,+ balembi kala miolo.*+
15 Awonso bena yame banutumini mavimpi. Vana mavimpi kwa awana bekutuzolanga muna lukwikilu.
Yambula e nsambu zakala kwa yeno awonso.
