Nkand’a Yakobo 5:1-20
5 Nuwá, yeno amvuama, nudila yo yayana mu kuma kia mambu ma mpasi mekunulwakila.+
2 E kimvuama kieno kikuyifwila, e mvuatu mieno midiwa kwa nselele.+
3 O wolo weno ye palata ikituka se mbumbu, e mbumbu au ikala se kimbangi kwa yeno yo dia e nitu zeno. Ina nulundanga ikala nze tiya muna lumbu yambaninu.+
4 Nutala, o mfutu una nualembi futa kwa asadi ana basadila muna mpatu zeno, ukazanga, e kazu kia asadi bevavanga lusadisu kilueke muna matu ma Yave* a vu.+
5 Nuzingilanga muna umvuama ye nkembo ova nza. Nuvongese ntima mieno muna lumbu kia mponda.+
6 Nutumbidi; nuvondele muntu ansongi. Nga ke kunusia kitantu ko e?
7 Ampangi, nuzindalala yamuna ngiz’a Mfumu.+ O mvati ovingilanga mbongo yambote ya ntoto, ozindalalanga yavana kinoka e mvula zantete ye mvula zansuka.+
8 Oyeno mpe nuzindalala;+ nusikidisa ntima mieno, kadi e ngiz’a Mfumu ifinamene.+
9 Ampangi, ke nuyidimina muntu yo nkwandi ko, kimana nualembi fundiswa.+ O Mfundisi otelamene ova mwelo.
10 Ampangi, muna diambu ditadidi zizidila e mpasi+ yo songa luzindalalu,+ nulanda e mbandu ya angunza, ana bavovela muna nkumbu a Yave.*+
11 Tubadikilanga ana bazindalala vo akwa kiese.*+ Nuawá o luzindalalu lwa Yobi+ ye nsendo una Yave* kamvana,+ numwene vo Yave* nkwa walakazi wayingi ye nkenda.+
12 Vana ntandu a mambu mawonso, e mpangi zame, nuyambula dia e ndofi, kana ya zulu yovo ya ntoto, ngatu ndofi yankaka. Kansi “Elo” eno, yambula yakala elo, e “Ve” dieno, ve,+ kimana nualembi fundiswa.
13 Nga vena yo muntu omonanga mpasi vovo nuina? Yambula kazizidila muna sambu.+ Nga vena yo muntu una ye kiese? Yambula kayimbila e nkunga.+
14 Nga vena yo muntu oyelele vovo nuin’e? Yambula kabokela akuluntu+ a nkutakani, bansambidila yo kunkusa mazi+ muna nkumbu a Yave.*
15 E sambu kia nkwa lukwikilu kisasula ndiona oyelele,* o Yave* okuntelamesa. Avo sumuka kasumukini, ololokwa.
16 Dianu vo, nufunguna masumu+ kwa muntu yo nkwandi yo sambidila muntu yo nkwandi, kimana nuasasulwa. E ndodokela za muntu ansongi zivuidi nkuma.+
17 Eliya muntu kakala nze yeto, kansi vava kadodokela vo mwalembi noka e mvula, ke mwanoka mvula ko muna nsi yayina mu mvu tatu ye ngonde sambanu.+
18 I bosi wasamba diaka, e zulu dianokesa e mvula, o ntoto wayima mbongo.+
19 E mpangi zame, avo muntu ovengomokene muna ludi ye wankaka umvutulwisi,
20 nuzaya wo vo konso ona osadisa nsumuki kayambula nzila zandi zambi,+ okumvuluza* muna lufwa yo fuka ulolo wa masumu.+
