Yeremiya 11:1-23
11 Ediadi i diambu dia Yave diayiza kwa Yeremiya, oku vo:
2 “Nuwá mvovo mia kangu diadi, e yeno nkangu!
“Samuna* mio kwa esi Yuda yo nkangu a Yerusaleme,
3 ubavovesa vo: ‘I wau wuwu kavovele o Yave wa Nzambi a Isaele: “Wasibwa o muntu olembi lemvokela mvovo mia kangu diadi,+
4 mina yakanikina kwa mase meno muna lumbu yabavaikisa muna nsi a Engipito,+ muna fûlu dia zezesela sengwa,+ oku vo: ‘Nulemvokela nding’ame, nuvanga mawonso inukanikini, ozevo nukala se nkangu ame, mono ikala se Nzambi eno.+
5 Muna wau ilungisa e ndofi yadila mase meno, ya kubavana e nsi ifwafumukanga kimvumina yo wiki+ nze una numwene o unu.’”’”
I bosi, mvutwidi vo: “Amen,* e Yave.”
6 I bosi, Yave umpovese vo: “Samuna e mvovo miami miawonso muna mbanza za Yuda, ye muna nzila za Yerusaleme, oku vo, ‘Nuwá mvovo mia kangu diadi yo sadila mio.
7 Kadi yatoma lukisa mase meno muna lumbu yabavaikisa muna nsi a Engipito yamu lumbu kiaki, yabavovesanga ntangwa ke ntangwa* vo: “Nulemvokela nding’ame.”+
8 Kansi ke bawá ko ngatu tamba matu mau, konso muntu muna yau wakwamanana landa ntim’andi wambi.+ Muna kuma kiaki, yabatwasila mvovo miame miawonso mia kangu diadi, kansi ke bazola mio lemvokela ko.’”
9 O Yave umpovese vo: “Ntelameno ina vana vena Ayuda y’esi Yerusaleme.
10 Bavutukidi muna mbi ya mase mau, ana ke bazola lemvokela mvovo miame ko.+ Yau mpe balanda nzambi zankaka yo kubasadila.+ E nzo a Isaele ye nzo a Yuda bakulwidi kangu diame dina yakanga yo mase mau.+
11 Ozevo, i wau wuwu kavovele o Yave: ‘Ikubatwasila mpasi+ zina ke balendi venga ko. Vava bekumbokela muna lomba lusadisu, kikubawila ko.+
12 I bosi, esi mbanza za Yuda y’esi Yerusaleme bekwenda lomba lusadisu kwa nzambi zina bekelelanga yimenga,*+ kansi ke zikubavuluza ko muna ntangw’a mpasi.
13 Kadi e nzambi zaku ziwokele wauna wawokela e mbanza zaku, e Yuda, nuvangidi maziku mayingi kwa lekwa kiansoni* nze mabala-bala mayingi ma Yerusaleme, maziku ma yokela yimenga kwa Bale.+
14 “Vo i ngeye, kusambi muna wete dia nkangu wau ko. Kutumbula kazu ko, yovo samba ngatu kundodokela muna wete diau,+ kadi kikubawila ko e ntangwa ina bekumbokela muna mpasi zau.
15 O nkangu ame anzolwa nkia nswa bena wau wa kala muna nzo ame,Wau vo ayingi bevanganga mambu mambi mun’owu wa makani mau?
Nga muna mbizi yavauka* balenda kakidila e mpasi avo zibalwakidi?
Nga omona kiese muna ntangwa yayina?
16 Yave wavàna e nkumbu vo olive yasakumuka,Yambote, ya mbongo ambote.
Muna mazu mangolo, okwikidi mo tiya,E tayi yandi itolokele.
17 “Yave a vu ona wakuna,+ wavova vo mpasi zikulwakila, mu kuma kia mbi ivangilu muna nzo a Isaele ye nzo a Yuda, ana bankendeleka muna yoka yimenga kwa Bale.”+
18 Yave umpovese kimana yazaya dio;Muna ntangwa yayina unsongele mana bavanganga.
19 Yakala nze meme dianlemvo dinatwanga kuna vondelo.
Kiazaya wo ko vo mfulu bandekela, oku vo:+
“Yambula twafwasa e nti ye bundu yandi;Yambula twankatula muna nsi y’awana bena moyo,Kimana e nkumbu andi yavilakanua.”
20 Kansi o Yave a vu ofundisanga e mfundis’a unsongi;Ofimpanga nsi a mbundu yo ntima.+
Yambula yamona kunda olanda muna yau,Kadi kwa ngeye ngiekekele mfundu ame.
21 Ozevo, i wau wuwu kavovele o Yave mu kuma kia esi Anatote+ ana bevavanga katula moyo aku, ana bevovanga vo: “Kusakula muna nkumbu a Yave ko,+ wana vonda tukuvonda;”
22 muna kuma kiaki, i wau wuwu kavovele o Yave a vu: “Tumba ikubatumba. Matoko befwila muna nsosolo,+ wan’au amakala yo wan’amakento befwila muna nzala.+
23 Ke musala muntu ko muna yau, e kuma kadi mpasi itwasa kwa esi Anatote+ muna mvu una ikubafundisa.”
Mvovo vana yand'a lukaya
^ Nanga nkanikinu wau kwa Yeremiya wavewa.
^ Yovo “Yambula diakala wowo.”
^ Mvovo wa sina: “yabundumukanga muna mene-mene yo kubalukisa.”
^ Yovo “beyokelanga ndumbu.”
^ Yovo “nzambi a nsoni.”
^ I sia vo, yimenga yatambikwanga muna tempelo.
