Yeremiya 12:1-17
12 E Yave, u nkwa unsongi,+ vava itatanga kwa ngeye,Vava ivovanga mambu ma mfundu kwa ngeye.
Kansi, ekuma nzil’a yimpumbulu isikididi e?+
Ekuma ayekodi bavuvamene?
2 Ngeye ubakunini, basimamene e mianzi.
Bakolele yo yima e mbongo.
Ongeye wina muna tubini twau, kansi ovavukidi nsi zau za mbundu.+
3 Kansi, ongeye tomene kunzaya, e Yave,+ umbwene;Ofimpidi ntim’ame, omwene vo ntwadi wina yo ngeye.+
Ubavambwidi nze mameme mevondwa,Ubalundidi mu kuma kia lumbu kia mponda.
4 Yamu nkia kolo iyuma e nsi,E titi ya yana yawonso ilengela?+
Muna kuma kia bi wa nkangu a nsi,E bulu ye nuni zavempoka.
Kadi bavovele vo: “Kemona ko dina dikutubwila.”
5 Avo oyoyele wau otikwini kia malu yo wantu,Aweyi olenda tikunuina kumosi ye mvalu?+
Kana nkutu obundidi e vuvu muna nsi ya luvuvamu,Aweyi ovanga vava okala muna mfinda za nlambu a Yodani?
6 Kadi e mpangi zaku nkutu, esi nzo a se diaku,Bayekwele.+
Oyau bàkazidi.
Kubakwikila ko,Kana nkutu bavovese mambu mambote.
7 “Mbembwele nzo ame;+ nsisidi e vua diame.+
Ngiekwele nzolw’ame vana moko ma mbeni zandi.+
8 E vua diame dikitukidi kwa mono nze nkosi muna mfinda.
Unkwitidi.
I dianu imengene.
9 E vua diame dina nze nuni yambaki ya matona;E nuni zankaka zambaki zinzietele yo kunuanisa.+
Nuiza, nulungalakana, e yeno bulu yawonso ya mfuta.
Nuiza dia.+
10 Avungudi ayingi bafwatakese e mpatu ame a vinyu;+Badiatakese kunku kiame kia ntoto.+
Bakitwidi kunku kia ntoto ame wambote se makanga.
11 Ukitukidi se mfuta.
Uyumini;*Usidi e nkatu ova ndose ame.+
E nsi yawonso ifwasilu,Kansi ke vena muntu ko otokanene dio.+
12 Afwasi bezidi muna nzila zawonso za makanga,Kadi o nsosolo a Yave ufwasidi e nsi tuka nsuka eyi yakuna nsuka ina.+
Ke vena muntu* ko una mu luvuvamu.
13 Bakunini witi,* kansi nsende bakutikidi,+Bafuntukidi, kansi e nluta nkatu.
E salu kiau nsoni kikubatwasilaMu kuma kia nsita za makasi ma Yave.”
14 I wau wuwu kavovele o Yave mu kuma kia afinangani ame awonso ambi, ana basimba e vua dina yavana kwa nkangu ame Isaele:+ “Ibavuzidi muna nsi au,+ ivuza mpe nzo a Yuda vana bena.
15 Kansi, avo mbene kubavuza, se yabafwila diaka e nkenda yo vutula konso muntu muna vua diandi ye muna nsi andi.”
16 “Avo batomene longoka e nzila za nkangu ame yo dia ndofi muna nkumbu ame, ‘I nkal’a Yave kaka!’ Wauna balongela nkangu ame badila e ndofi muna Bale, oyau mpe besikila vana vena nkangu ame.
17 Kansi, avo ke bewá ko, vuza ivuza e zula kiaki; fwasa ifwasa kio,” u kavovele o Yave.+
Mvovo vana yand'a lukaya
^ Nanga, “udididi.”
^ Yovo “nitu.”
^ Witi i mbwaza zivangilwanga e mfumfu a mbolo.