Yeremiya 15:1-21
15 O Yave umpovese vo: “Kana nkutu Mose yo Samuele batelamene ova ntadisi ame,+ kifwila nkangu wau nkenda ko.* Ubayinga ova ntadisi ame. Yambula benda.
2 Avo bavovese: ‘Akweyi tukwenda?’ ubazayisa vo: ‘I wau wuwu kavovele o Yave:
“Ndiona ofwene fwila muna vuku, muna vuku!
Ndiona ofwene fwila muna nsosolo, muna nsosolo!+
Ndiona ofwene fwila muna mvengele, muna mvengele!
Ndiona ofwene kwenda muna kinkole, muna kinkole!”’+
3 “‘Mambu maya mampasi* ikubatwasila,’+ u kavovele o Yave, ‘o nsosolo muna kubavonda, e mbwa kimana za dia nitu zau, e nuni za zulu ye bulu ya ntoto yabadia yo kubafwasa.+
4 Ikubakitula se kuma kia wonga muna yintinu yawonso ya nza+ muna diambu dia Manase wa mwan’a Kizekeya wa ntinu a Yuda, mu kuma kia mambu kavangidi muna Yerusaleme.+
5 Nani okufwila e nkenda, e Yerusaleme?
Nani okufiaulwisa,Nani oningama kimana kayuvula o vimpi waku?’
6 ‘Ungiambwidi,’ u kavovele o Yave.+
‘Umfididi e nima.*+
Muna kuma kiaki, ilambula o koko mu ngeye, yafwasa.+
Ngioyele muna kufwila e nkenda.
7 Ikubavevomona muna tembwa nze titi muna mavitu ma nsi yayi.
Kikubasisila wana ko.+
Fwasa ifwasa nkangu ame,Kadi ke bazolele yambula nzila zau ko.+
8 Akento au bafwilwa akala besunda lutangu ova ngina ke mu senge dia kalunga ko.
Ikubatwasila mfwasi muna midi, kafwasa angudi ye matoko.
Ikubatwasila nkindu ye zakamu kuna kinsalukisa.
9 O nkento owutidi wana nsambwadi otovokele;Ovavanga fulumuna.
E ntangw’andi idimukini una kwakinu mwini,Otwese nsoni ye luvezo.*
Akete ana basidi muna yauIkubayekola muna nsosolo vana ndose a mbeni zau,’ u kavovele o Yave.”+
10 Tâtu kwa mono, e mama, wau wanguta.+
I tuku dia ntantani ye nzonzi kwa nza yawonso.
Kididi mfuka ko ngatu sompeka lekwa;Kansi, awonso bansibidi.
11 O Yave ovovele vo: “Kieleka, ikusadisa;*Kieleka, ikuvovela vana vena mbeni,Muna ntangw’ambi ye muna ntangw’ampasi.
12 Nga o muntu olenda tufakesa sengwa,E sengwa kitukanga kuna node ye nsongo?
13 Vana ivana e salanganu yo tusalu twaku se sanzu,+Ke mu ntalu ko, kansi mu kuma kia masumu maku mawonso, muna mvivu miaku miawonso.
14 Ivana lekwa yayi kwa mbeni zenoKimana banata yo muna nsi ina ke nuzeye ko.+
Kadi o tiya tukweme muna makasi mame,Tukuyokanga.”+
15 E Yave, zaya wo,Ungindula yo kunsia diaka e sungididi.
Landa abangiki ame kunda.+
Kuyambula ko yafwa muna kuma kia luzindalalu lwaku.
Zaya wo vo mu kuma kiaku nzizididi luvezo lwalu.+
16 Wau nsolwele mvovo miaku, ndidi mio;+E diambu diaku diakituka se yangi ye kiese kia ntim’ame,Kadi nkumbu aku inatanga, e Yave wa Nzambi a vu.
17 Kivuende kumosi ye minzodi a nsaka ko, ngatu yangalela yau.+
Mfongele mono mosi kaka muna kuma kia koko kwaku kuna omu mono,Kadi unzadisi ye kudi.*+
18 E ndunzi zame ekuma zilembi maninanga, e ndwadi zame ekuma zilembi sasukilanga?
Kazizolele sasuka ko.
Nga okala kwa mono se nkoko a luvunuUna ke ulendi bundwa vuvu ko?
19 I dianu vo, i wau wuwu kavovele o Yave vo:
“Avo ovutukidi, ozevo, ikuvangamesa,Yo telama vava ngina.
Avo ovambwidi e lekwa yantalu muna lekwa yakondwa o mfunu,Okala nze nu’ame.*
Bevutuka kwa ngeye,Kansi kuvutuka kwa yau ko.”
20 “Ikukitula se yaka kia nsongo kwa nkangu wau.+
Bekunuanisa,Kansi ke balendi kusunda ko,+Kadi ngina yaku, yavuluza yo kukûla,” u kavovele o Yave.
21 “Ikuvuluza vana moko ma kimpumbuluYo kukûla vana moko ma akwa nsoki.”
Mvovo vana yand'a lukaya
^ Yovo “moyo ame ke ukala yo nkangu wau ko.”
^ Nanga, “mfundisa yá.” Mvovo wa sina: “vumu yá.”
^ Nanga, “Kunima okangalelanga.”
^ Nanga, “Ofusulwisu e nsoni yo vumiswa.”
^ Mvovo wa sina: “ikusadila muna wete.”
^ Yovo “nsangu za lufwasu.”
^ Yovo “Okala se kimpovela kiame.”
