Yeremiya 16:1-21
16 E diambu dia Yave dizidi diaka kwa mono, oku vo:
2 “Kubongi nkento ko, ngatu wuta wan’amakala yo wan’amakento va fulu kiaki.
3 Kadi i wau wuwu kavovele o Yave mu kuma kia wan’amakala yo wan’amakento ana bewutukilanga va fulu kiaki, muna kuma kia ngudi zau ana babawuta yo mase mau ana babawuta mwamu nsi yayi:
4 ‘Befwila muna mayela mampasi,+ kansi ke vekala muntu ko okubadila ngatu kubazika; bekala se mbole vana ntoto.+ Befwila muna nsosolo yo muna mvengele,+ o mavimbu mau mekala se madia ma nuni za zulu ye bulu ya ntoto.’
5 Kadi i wau wuwu kavovele o Yave:
‘Kukoti mu nzo a dilu ko,’Ngatu kwenda dila yovo fiaulwisa.’+
‘Kadi nkatwidi luvuvamu lwame kwa nkangu wau,’ u kavovele o Yave,‘Kumosi yo walakazi wame ye nkenda.+
6 Ambuta ye aleke fwa befwa mwamu nsi.
Ke bezikwa ko,Wantu ke bekubadila ko,Yovo kuyilweka ngatu kuyitenda luvanda mu kuma kiau.*
7 Ke muntu ko ovana madia kw’awana befwilwa,Kimana bafiaulwiswa mu kuma kia mafwa mau;Ngatu muntu okubavana mbungw’a lufiaulwisuBanua mu kuma kia lufwa lwa se diau yovo ngudi au.
8 Kukoti muna nzo ina nkinzi koWavuanda yau kimana wanua yo dia.’
9 “Kadi i wau wuwu kavovele o Yave a vu, wa Nzambi a Isaele: ‘Va fulu kiaki, muna lumbu yaku, vana meso maku isukisila nding’a yangi ye kiese, nding’a toko diansompi ye nding’a ndumb’a nsompi.’+
10 “Vava osamuna mambu mama mawonso kwa nkangu wau, oyau bekuyuvula vo: ‘Ekuma Yave kakanini kututwasila mpasi zazi zawonso? Nkia mbi ye nkia sumu tuvangidi kwa Yave wa Nzambi eto?’+
11 Okubavutula vo: ‘“Wau vo mase meno bangiambula,”+ u kavovele o Yave, “bakwamanana landa nzambi zankaka, sadila zo yo kubavumbamena.+ Vo i mono, bangiambula, o nsiku ame ke balunda wo ko.+
12 Oyeno nulutidi vanga o bi ke mu mase meno ko,+ kadi konso muntu olandanga makani ma ntim’andi wambi, ke nuangwila ko.+
13 Muna kuma kiaki, ikunuyinga mwamu nsi yayi, yanufila muna nsi ina ke nuazaya ko oyeno yo mase meno,+ kwakuna nusadila nzambi zankaka fuku yo mwini,+ kadi kikunusonga dienga ko.”’
14 “‘Kansi, muna lumbu ikwiza,’ u kavovele o Yave, ‘ke bevova diaka ko vo: “I nkal’a Yave kaka, ona wavaikisa nkangu a Isaele muna Engipito!”+
15 kansi bevova vo: “I nkal’a Yave kaka, ona wavaikisa nkangu a Isaele kuna nsi ya node yamuna nsi zawonso kabamwanganesa!” Ikubavutula muna nsi au, ina yavana kwa mase mau.’+
16 ‘Owau se yatwika abaki ayingi a mbizi za maza,’ u kavovele o Yave,‘Oyau bekubabaka.
I bosi, ituma nkongo zayingi,Bekubakonda muna miongo miawonso ye muna kundubulu yawonsoYe muna nduka mia matadi.
17 Kadi o meso mame memonanga mavangu mau mawonso.*
Ke baswekamene ko ova ndose ame,Ngatu o bi wau waswekama ova meso mame.
18 Entete, ikubavutulwila mun’owu wa bi wau yo masumu mau,+Kadi basafwidi e nsi ame muna mavimbu ma teke yau yangemiBazadisi vua diame ye lekwa yangemi.’”+
19 E Yave, nkum’ame ye swekameno diame diangolo,E tininu diame muna lumbu kiampasi,+E zula kwa ngeye ikwiza tuka muna nsuka za nza,Bevova vo: “E vua batambula mase meto, luvunu,Vavala ye lekwa yakondwa o mfunu.”+
20 O muntu nga olenda kukivangila nzambiZina vo ke nzambi kwandi ko e?+
21 “I dianu vo, ikubayambula bazaya,Elo, owau ikubayambula bazaya ngolo zame ye nkum’ame,Zaya bezaya wo vo Yave i nkumbu ame.”
Mvovo vana yand'a lukaya
^ Fu kia kifwidi kia esi zula kina balandanga Aneyisaele ana bavengomoka.
^ Mvovo wa sina: “Kadi o meso mame mena muna nzila zau zawonso.”
