Yeremiya 2:1-37
2 E diambu dia Yave dizidi kwa mono, oku vo:
2 “Wenda samuna muna matu ma esi Yerusaleme vo: ‘I wau wuwu kavovele o Yave:
“Iyindula vumi* wa kileke kiaku,+O zola wasonga vava wazitikilwa,+E mpila wandandila muna makanga,Muna nsi yalembi kunua e mbongo.+
3 Isaele yavauka yakala kuna kwa Yave,+ i mbongo antete muna nkutika andi.”’
‘Awonso bavavanga yo fwasa, nkanu banatanga.
Sumbula kiabalwakilanga,’ u kavovele o Yave.”+
4 Nuwá e diambu dia Yave, e nzo a Yakobo,Yo yeno makanda mawonso ma nzo a Isaele.
5 I wau wuwu kavovele o Yave:
“Nkia vilwa basolola mase meno muna mono,+Muna kumpavuka,Yo landa teke yakondwa mfunu+ yo kituka se fwafwala ya wantu e?+
6 Ke bayuvula ko vo: ‘Akweyi kena o Yave,Ona watuvaikisa muna nsi a Engipito,+Ona watufila muna makanga,Muna nsi ya nzanza+ yo mawulu,Muna nsi yakondwa maza,+ yabukama e tombe,Muna nsi ke iviokelanga wantu koMuna nsi ke ikalanga wantu ko e?’
7 I bosi inutwese muna nsi iyimanga mbongo,*Kimana nuadia mbongo andi ye lekwa yandi yambote.+
Kansi vava nulweke, nusafwidi e nsi ame;Nukitwidi vua diame se lekwa kiangemi.+
8 Anganga ke bavova ko vo: ‘Nuvava Yave.’+
Alongi a Nsiku ke banzeye ko,Avungudi bantelamene,+Angunza basakwidi muna nkumbu a Bale,+Balende awana ke balendi twasa nluta ko.
9 ‘I dianu vo semba ikunusemba diaka,’+ u kavovele o Yave,‘Semba isemba atekolo eno.’
10 ‘Nusauka kuna nlambu a* Kitimi,+ nuatala.
Elo, nutuma muntu kuna Keda,+ nuatoma tala;Nuatala kana vo diambu diadi diavangama kala kwakuna.
11 Nga vena ye zula kiasoba nzambi zau muna lekwa ina vo ke nzambi ko e?
Kansi o nkangu ame basobele nkembo ame muna eki kiakondwa o mfunu.+
12 E zulu, nutala yo kuyizengeneka muna diambu diadi;Nuzakama mu kuma kia wonga wayingi,’ u kavovele o Yave,
13 ‘Kadi nkangu ame bavangidi mambu mole mambi:
Bambembwele, omono wa nto a maza mamoyo,+Bayitimini* e sima,Sima yawudika ina ke ilendi kala maza ko.’
14 ‘Nga Isaele selo yovo ntaudi wawutukila muna nzo?
Ekuma kayambwilu vo kasanzwa?
15 E wan’a nkosi* bankwitidi;+Batatwidi e ndinga zau.
Bakitwidi nsi au se kuma kia mbubu.
E mbanza zandi ziyokelo, ke mwina diaka wantu ko.
16 O nkangu a Nofe*+ ye Takepankese+ bakwempele* nsuki za mbat’a ntu aku.
17 Nga ke ngeye kibeni ko watwasa e diambu diadiVava wayambula Yave wa Nzambi aku+Ekolo kafilanga muna nzila e?
18 Ekuma ozolele landila e nzil’a Engipito+Yo kwenda nua maza ma Siko e?*
Ekuma ozolele landila e nzil’a Asuri+Yo kwenda nua maza ma Nzadi e?*
19 E mbi aku yafwana kusingika,O kondwa kwaku kwa kwikizi kwafwana kutumba.
Zaya e kuma dinina diambi ye diandudi+Edi dia yambula Yave wa Nzambi aku;Kumvumini ko,’+ u kavovele o Mfumu Yave a vu.
20 ‘Kadi se kolo yabangula vangu kiaku+Yo tabula tuvambu twaku.
Kansi ovovele vo: “Kikusadila ko,”Kadi muna kundubulu yawonso yazanguka ye kuna nsi a nti miawonso miasavuka+I kûna walekanga muna tá zumba.+
21 Yakuna se sing’a vinyu wambote+ uyimanga uva zambwaki, wa mbongo yambote-mbote;Ozevo, aweyi okitukidi se ntombo za mfuta za nsing’a vinyu a nzenza kwa mono?’+
22 ‘Kadi kana una vo wayisukula ye mungwa* ye masabuni mayingi,O bi waku ukala kaka se dimbu ova ngina,’+ u kavovele o Mfumu Yave.
23 Aweyi ovovele vo: ‘Kifunzukidi ko.
Nga kilende teke ya Bale ko e’?
Tala dina ovangidi vana ndimba.
Badika dina ovangidi.
Ongeye una nze mwan’a samo wakento ona odiatanga nswalu,Ovumvulanga muna nzila zandi,
24 E buluku dia mfuta diayukwa muna makanga,Divolanga e tembwa muna zola kwandi kwayingi kwa vava koko.
Nani olenda kunkakidila avo se kevukana ye koko?
Makoko mana mekumvava ke meyoya ko.
Solola bekunsolola muna nsungi* andi.
25 Kuyambula malu maku ko makondwa nsampatuNgatu yambula vo laka diaku diamona vuina.
Kansi ovovele vo: ‘Ve! Ke vena vuvu ko!+
Nzolele anzenza,*+Yau kaka ilanda.’+
26 Nze una mwivi kemweswanga nsoni avo obakamene,I una e nzo a Isaele imweseswa e nsoni,Oyau ye atinu au ye akuluntu au,Nganga zau ye ngunza zau.+
27 Bavovele kwa nti vo: ‘Ngeye u se diame,’+Kwa tadi vo: ‘Ngeye wanguta.’
Kansi, bamfididi e nima, ke ndose ko.+
Muna ntangw’ampasi zau bevova vo,‘Telama, watuvuluza!’+
28 E nzambi zina wayivangila akweyi zina?+
Yambula zatelama kana vo zilenda kuvuluza muna ntangw’ampasi zaku,Kadi e nzambi zaku ziwokele muna mbanza zaku, e Yuda.+
29 ‘Ekuma nukwamanene kumfundila?
Ekuma nuntelamene yeno awonso?’+ u kavovele o Yave.
30 Nkosomwene wan’eno nkatu-nkatu.+
Ke batambulwidi longi ko;+O nsosolo eno usukisi e ngunza zeno,+Nze nkosi amfwasi.
31 E yeno wantu a mbandu yayi, nusia diambu dia Yave e sungididi,Nga nkitukidi se makanga kuna kwa IsaeleYovo nsi ya tombe kina bu?
Ekuma yau, nkangu ame bavovele vo: ‘Mu luvevoko tuna.
Ke tuvutuka diaka kwa ngeye ko’?+
32 Nga ndumba* olenda vilakana lekwa yandi yakuyiviengesela?+
Nga ndumb’ansompi olenda vilakana mvuatu miandi?
Ozevo, o nkangu ame bamvilakene mu lumbu ilembi tangakana.
33 E nkento, ekwe ndekwa osadidi muna kubika nzila yavavila o zolwa!
Watoma longoka nzila zambi.+
34 Muna mvuatu miaku nkutu musolokele menga ma asukami akondwa kuma,+Kana una vo kibasolwele ko vo nzo aku bebangulanga;Kansi menga mau muna mvuatu miaku miawonso mena.+
35 Kansi, ovovele vo: ‘I munkondwa-kuma.
O makasi mandi ke mena diaka omu mono ko.’
Owau ikutwasila tumbuKadi ovovele vo: ‘Kisumukini ko.’
36 Ekuma ovezele ngienda zaku za soba-soba?
Omwena mpe Engipito e nsoni,+Nze una wamwena Asuri e nsoni.+
37 I dianu vo vaika ovaika yo zinga moko vana ntu aku,+Kadi Yave obembwele awana obundidi e vuvu;Ke bekutwasila nluta ko.”
Mvovo vana yand'a lukaya
^ Yovo “walakazi.”
^ Yovo “nsi yazala ye mpatu.”
^ Yovo “sanga ya.”
^ Yovo “bayitozele; bayizokele,” nanga muna tadi.
^ Yovo “mwan’a nkosi a mika miayingi muna nsingu.”
^ Yovo “Memfise.”
^ Mvovo wa sina: “badidi.”
^ I sia vo, Uferate.
^ I sia vo, nsuku a Nzadi a Nile.
^ I lekwa kiyikilwanga vo soda muna Kiyibere.
^ Mvovo wa sina: “muna ngonde andi.”
^ Yovo “nzambi za nzenza.”
^ Yovo “mwenze.”