Yeremiya 22:1-30
22 I wau wuwu kavovele o Yave: “Kulumuka kuna nzo a* ntinu a Yuda, zayisa nsangu zazi.
2 Vova vo: ‘Wá e diambu dia Yave, e ntinu a Yuda ovuende vana kunda kia kimfumu kia Davidi, ongeye ye ntaudi zaku, nkangu aku ana bekotelanga muna mavitu mama.
3 I wau wuwu kavovele o Yave: “Nutatidila unsongi yo songa e ziku. Nuvuluza ndiona oyibwanga vana moko ma abangiki. Ke nubangiki anzenza ko, yovo wan’a nsona* ngatu akento ana bafwilwa akala.+ Ke nubungudi menga ma munkondwa-kuma ko ova fulu kiaki.+
4 Kadi avo nutomene lunda mambu mame, atinu ana bevuanda vana kunda kia kimfumu kia Davidi,+ bekotela muna mavitu ma nzo yayi, bediatila muna makalu ye mvalu, oyau ye ntaudi zau ye nkangu au.”’+
5 “‘Kansi avo ke nulemvokela mambu mama ko, ndidi e ndofi omu mono kibeni,’ u kavovele o Yave, ‘e nzo yayi ikituka se fulu kiafwasakana.’+
6 “Kadi i wau wuwu kavovele o Yave muna diambu dia nzo a ntinu a Yuda:
‘Ongeye i Ngiladi oku ngina,Nze mbat’a mongo a Lebanone.
Kansi ikukitula se makanga;E mbanza zaku zawonso nkatu zisala.+
7 Ikukubikila* afwasi,Konso mfwasi ye nuaninua yandi.+
Bekesa nsedele miaku miamboteYo tuba mio vana tiya.+
8 “‘E zula yayingi iviokela mu mbanza yayi, bevovaziana vo: “Ekuma Yave kavangidi diambu diadi mu mbanza yayi yanene?” +
9 Bevutula vo: “Kadi bayambwidi kangu dia Yave wa Nzambi au yo fukamena nzambi zankaka yo sadila zo.”’+
10 Ke nudidi ndiona wafwa ko,Ngatu kumfwila e nkenda.
Kansi, nudila kikilu ndiona okwenda,Kadi kevutuka diaka ko keza mona e nsi ina kawutukila.
11 “Kadi i wau wuwu kavovele o Yave muna diambu dia Salumi*+ wa mwan’a Yosiya, wa ntinu a Yuda ona oyalanga vana fulu kia Yosiya wa se diandi,+ ona wasisa e fulu kiaki: ‘Ke vutuka diaka ko.
12 Kadi ofwila kuna fulu kina kanatwa, ke mona diaka nsi yayi ko.’+
13 Tâtu kwa ndiona otungila e nzo andi muna vilwaO masuku mandi ma ntandu kondwa kwa unsongi,Ona osadisanga nkwandi e salu ya ngovoKe mu kumvana mfutu ko;+
14 Ovovele vo: ‘Tungila ikuyitungila e nzo asanzukaYe masuku ma ntandu mampwena.
Se yatula yo zianeleYafuka yo mabaya ma nsedele, yakusa yo e tinta yambwaki.’
15 Nga okwamanana yala wau oviokele ankaka muna sadila nsedele?
E se diaku mpe wadianga yo nua,Kansi watatidila unsongi ye ziku,+Ye mawonso mambote makala kwa yandi.
16 Watanina e diambu dia mumbona-mpasi ye nsukami,I dianu vo mawonso mambote kikilu makala.
‘Nga ke yau yayi ko e nsas’a kunzaya?’ u kavovele o Yave.
17 ‘Kansi, o meso maku yo ntim’aku una kaka muna nluta mialembi songa,Bungula menga ma munkondwa-kuma,Vunginika yo yiya.’
18 “Muna kuma kiaki, i wau wuwu kavovele o Yave muna diambu dia Yoyakime+ wa mwan’a Yosiya wa ntinu a Yuda:
‘Ke vekala muntu ko okundila vo:
“Ekwe mpangi ame! Ekwe nsang’ame!”
Ke vekala muntu ko okundila vo:
“Ekwe mfumu! Ekwe nkwa nkembo!”
19 Ozikwa nze buluku,+Okokwa yo vetwa kwandá,Kuna mbazi a mavitu ma Yerusaleme.’+
20 Tomboka kuna Lebanone yo kaza,Tumbula e nding’aku muna Basani,Kaza tuka kuna Abarimi,+Kadi azolw’aku awonso bakosomweno.+
21 Vava okedi mu luvuvamu, omono ivovese.
Kansi ovovele vo: ‘Kikulemvokela ko.’+
Ekiaki i fu kiaku tuka muna kileke,Kadi kulemvokelanga nding’ame ko.+
22 E tembwa kivungula avungudi aku,+Makangu maku bekwenda muna kinkole.
I bosi ofusulwiswa e nsoni yo vezwa mu kuma kia mpasi zawonso zikubwila.
23 Ongeye musi Lebanone,+Watungila nzialwa muna nsedele,+Ekwe mpila obumina vava e mpasi zikulwakila,Nsongo nze mia nkento owutanga!”+
24 “‘I nkal’ame kaka,’ u kavovele o Yave, ‘kana nkutu o Konaya*+ wa mwan’a Yoyakime,+ wa ntinu a Yuda, okedi se mpeto ya dimbu muna koko kwame kwalunene, katula ikatula yo mûna!
25 Se yatambika yo vana moko m’awana bevavanga moyo aku, vana moko m’awana omwenene wonga, vana koko kwa Nebukandesa* wa Ntinu a Babele, vana moko ma Akaladi.+
26 Ongeye yo ngudi aku ona wawuta, ikunutuba kuna nsi yankaka ina ke nuawutukila ko, nufwila kûna.
27 Ke bevutuka diaka ko kuna nsi ina bemwena e viangi.*+
28 Nga Konaya ndioyo ke mpasi kinzu ko kiavezwa, kiawudika,Mvungu ke uyangalelwa diaka kwa muntu ko e?
Oyandi ye mbongo andi, ekuma bavetelwa kuna ndimbaYo tubwa muna nsi ina ke bazeye ko e?’+
29 E ntoto,* e ntoto, e ntoto, wá e diambu dia Yave.
30 I wau wuwu kavovele o Yave:
‘Nusoneka muntu ndioyo nze muntu wakondwa wana,Nze muntu ke sikila ko muna zingu kiandi,*Kadi ke musikila muntu ko muna mbongo andiOna ovuanda vana kunda kia kimfumu kia Davidi yo yala diaka muna Yuda.’”+
Mvovo vana yand'a lukaya
^ Yovo “lûmbu lwa.”
^ Yovo “minkondwa mase.”
^ Mvovo wa sina: “Ikuvaulwila.”
^ Oyikilwanga mpe vo Yoakazi.
^ Oyikilwanga mpe vo Yoyakine ye Yekoneya.
^ Mvovo wa sina: “Nebukadrezare,” mpila yankaka yasonekena yo.
^ Yovo “kuna nsi ina bezininanga o moyo.”
^ Yovo “E nsi.”
^ Mvovo wa sina: “muna lumbu yandi.”
