Yeremiya 23:1-40
23 “Tâtu kwa avungudi ana befwasanga yo mwanganisa mameme ma madilu mame!”+ u kavovele o Yave.
2 Ozevo, i wau wuwu kavovele o Yave wa Nzambi a Isaele kwa avungudi ana bevungulanga nkangu ame: “Oyeno numwanganese mameme mame; nukwamanene kubayinga, ke nukubasianga diaka sungididi ko.”+
“I dianu vo, ikunutumba mu kuma kia mavangu meno mambi,” u kavovele o Yave.
3 “I bosi, ikutakesa nsadiswa za mameme mame muna nsi zawonso zina yamwanganesa mo,+ ikubavutula muna madilu mau,+ oyau bewutana yo wokela.+
4 Ikubavana avungudi ana bekubavungula kieleka.+ Ke bekala diaka ye wonga ko ngatu vumiswa, ke vekondwa mosi ko,” u kavovele o Yave.
5 “Nutala, e lumbu ifinamene,” u kavovele o Yave, “ina itelamesena Davidi e tayi kiansongi.*+ O ntinu yala keyala,+ osonga lulungalalu yo tanina unsongi ye ziku muna nsi.+
6 Muna lumbu yandi, o Yuda ovuluzwa,+ o Isaele mu luvuvamu kezingila.+ Eyayi i nkumbu keyikilwa: Yave i Unsongi Weto.”+
7 “Kansi, muna lumbu ikwiza,” u kavovele o Yave, “ina ke bevova diaka ko vo: ‘I nkal’a Yave kaka, ona wavaikisa nkangu a Isaele muna Engipito!’+
8 kansi bevova vo: ‘I nkal’a Yave kaka, ona ovaikisi yo vutula e mbongo a nzo a Isaele kuna nsi ya node ye muna nsi zawonso zina yabamwanganesa,’ bezingila muna nsi au.”+
9 Muna kuma kia angunza:
O ntima ame ubudikidi omu mono.
E visi yame mu zakama ina.
Nkitukidi nze nkwa nkolwaNze muntu osundilu kwa vinyuMuna kuma kia Yave ye mambu mandi mavauka.
10 Kadi e nsi izele ye minta-zumba;+Muna kuma kia sibu, e nsi idilanga+O madilu ma nzanza mayumini.+
E fu yau yambi kikilu, besadilanga e wisa kiau mu mpila yambi.
11 “Angunza ye anganga bafunzuka.*+
Kana nkutu muna nzo ame nsolwele mo o bi wau,”+ u kavovele o Yave.
12 “Muna kuma kiaki, e nzil’au ikala nze fulu kia nlelo ye tombe;+Benungunua yo bwa.
Kadi lufwasu ikubatwasilaMuna mvu una ikubatumba,” u kavovele o Yave.
13 “Mbwene diambu diangemi muna ngunza za Samaria.+
Mana besakulanga kwa Bale metukanga,Bavukumwini nkangu ame Isaele.
14 Mbwene mambu mangemi muna ngunza za Yerusaleme.
Betanga e zumba+ yo diatila muna luvunu;+Bakasakese* yimpumbulu,Ke bayambwidi bi wau ko.
Yau awonso bena nze Sodoma kwa mono,+Ana bekalanga mo nze Ngomora.”+
15 Muna kuma kiaki, i wau wuwu kavovele o Yave a vu kw’angunza:
“Ikubadisa maluluYo kubavana maza masiwa nlongo miampondi banua.+
Kadi e ngunza za Yerusaleme zisayanese umpengomoki muna nsi.”
16 I wau wuwu kavovele o Yave a vu:
“Ke nuwe mambu ma ngunza ko ana bekunusakulwilanga.+
Vuna bekunuvunanga.*
Bevovanga mona-meso kia ntima miau,+Ke kia nua a Yave ko.+
17 Ntangwa ke ntangwa, bevovanga kwa awana bekumvezanga vo:
‘Yave ovovele vo: “Nukala yo luvuvamu.”’+
Kwa awonso ana belandanga ntima miau miabala bavovele vo:
‘Ke vena mpasi ko zikunulwakila.’+
18 Nani wina muna buka kia awana bafinamene YaveKimana bamona yo wá diambu diandi?
Nani osidi e diambu diandi yo tumamena dio?
19 Nutala! E kimbongela kia Yave muna nsita zawonso kivaikila;Nze tembwa kiangolo, kiwandama vana ntu mia yimpumbulu.+
20 O makasi ma Yave ke meviluka koYavana kevanga yo lungisa makani ma ntim’andi.
Muna lumbu yambaninu nutoma bakula e diambu diadi.
21 E ngunza zazi kibatumini ko, kansi balundumukini.
Kibavovese ko, kansi basakwidi.+
22 Kansi, kele vo bakala muna buka ki’awana bamfinamene,Badi sadisa nkangu ame bawa mambu mameYo kubafila bayambula nzila zambi yo mavangu mau mambi.”+
23 “Nga mono i Nzambi ina kaka lukufi,” u kavovele o Yave, “nga ki Nzambi ina mpe kwandá ko e?”
24 “Nga vena ye muntu olenda swekama vana fulu kina ndembi mona?”+ u kavovele o Yave.
“Nga kialungila e zulu ye ntoto ko e?”+ u kavovele o Yave.
25 “Ngwidi angunza ana besakulanga luvunu muna nkumbu ame, oku vo: ‘Ndozi ndotele! Ndozi ndotele!’+
26 Nkia kolo dikala diambu diadi muna ntima mia angunza ana besakula luvunu? Besakulanga luvunu lwa ntima miau.+
27 Bazolele fila nkangu ame wavilakana e nkumbu ame muna ndozi zina besamunanga konso muntu kwa nkwandi, nze una mase mau bavilakana nkumbu ame mu kuma kia Bale.+
28 O ngunza ona olotele ndozi, yambula kazayisa e ndozi, kansi ona una ye diambu diame yambula kavova diambu diame ye ziku kiawonso.”
“E titi se nki vana vena masa?” u kavovele o Yave.
29 “Nga diambu diame ke dina nze tiya ko,”+ u kavovele o Yave, “nze malutelo iwulanga matadi?”+
30 “Muna kuma kiaki, nsidi kitantu kwa angunza,” u kavovele o Yave, “ana beyiyanga mambu mame kwa muntu yo nkwandi.”+
31 “Omono nsidi kitantu kwa angunza,” u kavovele o Yave, “ana bevovanga muna tubini twau vo: ‘I wau wuwu kavovele!’”+
32 “Omono nsidi kitantu kwa angunza besakulanga ndozi za luvunu,” u kavovele o Yave, “ana bezayisanga zo yo vukumuna nkangu ame muna luvunu yo lusanu lwau.”+
Kansi, ke mono ko ibatumini ngatu kubakaninkina. Muna kuma kiaki, ke bekala mfunu ko kwa nkangu wawonso,”+ u kavovele o Yave.
33 “Avo mosi muna nkangu wau yovo ngunza yovo nganga uyuvuidi vo: ‘Adieyi i zitu* dia Yave?’ ofwete kubavutula: ‘“Oyeno nkangu i zitu! Ikunubembola,”+ u kavovele o Yave.’
34 Avo ngunza, yovo nganga yovo muntu muna nkangu ovovele vo: ‘Ediadi i zitu* dia Yave!’ Tumba itumba muntu ndioyo y’esi nzo andi.
35 I wau wuwu nuvovesa konso muntu kwa nkwandi ye konso muntu kwa mpangi andi: ‘Aweyi kavutwidi o Yave? Aweyi kavovele o Yave?’
36 Kansi ke nuvovela diaka zitu* dia Yave ko, kadi e zitu* i diambu dia konso muntu, oyeno nusobele mambu ma Nzambi a moyo, o Yave a vu, wa Nzambi eto.
37 “I wau wuwu ovovesa ngunza vo: ‘Aweyi kavutwidi o Yave? Aweyi kavovele o Yave?
38 Avo nukwamanene vova vo: “E zitu* dia Yave!” i wau kavovele o Yave: “Wau ovovele vo: ‘E diambu diadi i zitu* dia Yave,’ wau mbene kunuvovesa vo: ‘Ke nuvovi ko vo: “Zitu* dia Yave!”
39 ozevo, ikunuzangula yo kunukatula ova ngina yanutuba kwandá, ye mbanza ina yavana kwa yeno yo mase meno.
40 Ikunutwasila lusembo lwa mvu ya mvu yo luvezo lwa mvu ya mvu, luna ke luvilakana ko.”’”+
Mvovo vana yand'a lukaya
^ Yovo “mvingidi ansongi.”
^ Yovo “avengomoki.”
^ Mvovo wa sina: “Basiamisi moko ma.”
^ Mvovo wa sina: “Bekunuzadisanga ye vuvu kiampavala.”
^ Yovo “nsamu wa zita.” O mvovo wa Kiyibere nsasa zole wina: “nsamu a Nzambi wa zita,” yovo “lekwa kia zitu.”
^ Yovo “nsamu wa zita.”
^ Yovo “nsamu wa zita.”
^ Yovo “nsamu wa zita.”
^ Yovo “nsamu wa zita.”
^ Yovo “nsamu wa zita.”
^ Yovo “nsamu wa zita.”
