Yeremiya 30:1-24
-
Nsilu wa luvutulwisu yo wukwa (1-24)
30 E diambu dia Yave diayiza kwa Yeremiya, oku vo:
2 “I wau wuwu kavovele Yave wa Nzambi a Isaele: ‘Mambu mawonso mana ivovese, soneka mo mu nkanda.
3 Kadi “e lumbu ifinamene,” u kavovele o Yave, “ina ikutakesa o nkangu una muna kinkole, nkangu a Isaele ye wa Yuda,”+ u kavovele o Yave, “ikubatwasa mu nsi ina yavana kwa mase mau, bevua yo diaka.”’”+
4 Emiami i mvovo kavovesa o Yave kwa Isaele ye Yuda.
5 I wau wuwu kavovele o Yave:
“Tuwidi nding’a zakamu;Vena ye wonga, ke luvuvamu ko.
6 Nuyuvula, kana vo mwan’ayakala olenda wuta.
Owau, ekuma wan’amakala awonso ankuma besimbilanga e vumu yauNze nkento owutanga?+
Ekuma ndose zau zisebokele?
7 Tâtu! Kadi e lumbu kiakina kiansisi.*+
Kavena lumbu kilenda tezaneswa ye lumbu kiakina ko,Ntangw’a mpasi kwa Yakobo.
Kansi omono ikumvuluza.”
8 “Muna lumbu kiakina,” u kavovele o Yave a vu, “Itolola e vangu kiaku yo katula kio muna nsingu aku, itabula tuvambu* twaku, anzenza ke bekubunduna diaka ko.
9 Nkangu ame usadila Yave wa Nzambi au yo Davidi wa ntinu, ona isengomona mu kuma kiau.”+
10 “Vo i ngeye, e Yakobo wa selo kiame kumoni wonga ko,’ u kavovele o Yave,“E Isaele, kuvumiswa ko,+Kadi ikuvuluza tuka kwandáYe mbongo aku, tuka kuna nsi ya kinkole.+
Yakobo ovutuka, okala muna luvuvamu,Ke vekala muntu ko okubamwesa wonga.”+
11 “Kadi ngina yaku,” u kavovele o Yave, “muna kuvuluza.+
Kansi ifukisa emvimba e zula yawonso muna yamwanganesa;+Vo i ngeye, kikufukisa ko.
Ikutumbila* muna tezo,Kikuyambula wowo ko lembi kutumba.+
12 Kadi i wau wuwu kavovele o Yave:
“E mput’aku ke iwukwa ko.+
E ndwadi zaku ke zisasuka ko.
13 Kavena muntu ko ovovela mfundu aku,Kavena nlongo ko mia mput’aku.
Kavena luwuku ko kwa ngeye.
14 Awonso bazolanga bavilakene.+
Ke bekuvavanga diaka ko.
Kadi ikosomwene nze una ukosomwenenuanga e mbeni+Ye tumbu kiampwena,Kadi e ngielele aku yanene, masumu maku mengi.+
15 Ekuma okazilanga mu kuma kia mput’aku?
E mpasi zaku ke zifokoka ko!
Kadi e ngielele aku yingi mu kuma kia masumu maku mayingi+Mpangidi wo kwa ngeye.
16 Kansi, awonso bekuminanga yau mpe beminua,+Mbeni zaku zawonso bekwenda mpe muna kinkole.+
Awana bekusanzanga, yau mpe besanzwa,Iyekola awonso bekusanzanga muna sanzu.+
17 “Kansi, vutula ivutula o vimpi waku yo wuka e mputa zaku,”+ u kavovele o Yave,“Kana una vo bayikila vo nkento ona wabembolwa:
‘Zione, ona wantu balembi vavanganga.’”+
18 I wau wuwu kavovele o Yave:
“Ikutika ana bena muna kinkole bavuilu kwa saba ya Yakobo,+Ifwila saba yandi e nkenda.
E mbanza itungululwa vana mongo andi,+E nzo yandá itelameswa vana fulu kiandi.
19 Bevutula matondo yo yengoloka ye kiese+Ikubawokesa, ke bekala akete ko;+Isinga kubakitula ayingi,*Ke bekala diaka andwelo ko.+
20 Wan’andi bekala una bakadila muna ntama,E nkutakani au isikila vana ndose ame.+
Isinga tumba mbeni zau zawonso.+
21 O mfumu au okala se mosi muna yau,Vana kati kwandi i vevaikila o nyadi andi.
Ikunsietola, oyandi okumfinama.”
“Avo ke wau ko, nani olenda kala yo unkabu wa* kumfinama?” u kavovele o Yave.
22 “Oyeno nukala nkangu ame,+ mono ikala Nzambi eno.”+
23 E kimbongela kia Yave muna nsita zawonso kivaikila,+Tembwa kiangolo kiwandama vana ntu mia yimpumbulu.
24 E nsita za makasi ma Yave ke ziviluka koYavana kevanga yo lungisa makani ma ntim’andi.+
Muna lumbu yambaninu nubakula e diambu diadi.+
Mvovo vana yand'a lukaya
^ Mvovo wa sina: “kianene.”
^ Mvovo wa sina: “kangwa yaku.”
^ Yovo “Ikusingika.”
^ Nanga, “kubazitisa.”
^ Mvovo wa sina: “nani olenda vana ntim’andi se nsimbi muna.”
