Yeremiya 39:1-18
39 Muna mvu wa vua wa luyalu lwa Sedekiya wa Ntinu a Yuda, muna ngonde ya kumi, o Nebukandesa* wa Ntinu a Babele ye makesa mandi mawonso bezidi muna Yerusaleme, bazungidi yo.+
2 Muna mvu wa 11 wa luyalu lwa Sedekiya, muna ngonde ya nyá, muna lumbu kia vua kia ngonde, babangwidi e yaka kia mbanza.+
3 Mbanda-mbanda zawonso za ntinu a Babele bakotele muna mbanza, bavuende vana Vitu Diakati.+ Ezazi i nkumbu zau: Nengale-sarese wa Sanga-nebu, Sasekime wa Rabi-sarese, Nengale-sarese wa Rabi-mangi* ye mbanda-mbanda zankaka za ntinu a Babele.
4 Vava Sedekiya wa ntinu a Yuda ye makesa mawonso babamwene, batinini,+ o fuku wauna bavaikidi muna mbanza muna nzila ya mpatu a ntinu, muna vitu dina vana kati kwa yaka yau yole, bele muna nzila ya Araba.+
5 Kansi, makesa ma Akaladi babalakamene, babakidi Sedekiya muna makanga ma Yeriko.+ Bankangidi yo kunata kwa Nebukandesa* wa Ntinu a Babele kuna Rebela+ kuna nsi ya Kamati,+ i kûna kanzengela e tumbu kiandi.
6 O ntinu a Babele ovondese wan’a Sedekiya vana meso mandi kuna Rebela, ntinu a Babele, ovondese mpe azitu awonso a Yuda.+
7 I bosi, ovondele meso ma Sedekiya yo kunkanga muna tuvambu twa nsongo yo kunata kuna Babele.+
8 Akaladi bayokele nzo a* ntinu ye nzo zawonso za nkangu,+ bawudidi yaka ya Yerusaleme.+
9 Nebuzadani+ wa mfumu a ayingidi, oyalwidi nkangu una wasiswa muna mbanza, ubanete muna kinkole kuna Babele ye awana bayitambika kwa yandi ye awonso ana bavuka.
10 Kansi, Nebuzadani wa mfumu ayingidi, osisidi nkangu wankaka muna nsi a Yuda ana bakala vo asukami kikilu, ana ke bakala ye lekwa ko. Muna lumbu kiakina, ubavene mpatu za vinyu ye mavia kimana bavatanga.*+
11 Ozevo, Nebukandesa* wa Ntinu a Babele okanikini Nebuzadani wa mfumu a ayingidi mu kuma kia Yeremiya vo:
12 “Umbonga yo kunlunga-lunga, kumvangi mpasi ko, vanga mawonso kekulomba.”+
13 Muna kuma kiaki, Nebuzadani wa mfumu a ayingidi, Nebusabani wa Rabi-sarese,* Nengale-sarese wa Rabi-mangi* ye mbanda-mbanda zawonso za ntinu a Babele bakanikini,
14 vo Yeremiya kakatulwa vana Yanzala kia Ayingidi+ yo tambikwa kwa Ngedaleya+ wa mwan’a Akikami+ wa mwan’a Safani,+ kimana kanata kuna nzo andi. Ozevo, Yeremiya oyantikidi zingila vana vena nkangu.
15 Ekolo kakala se mbakami vana Yanzala kia Ayingidi,+ e diambu dia Yave dizidi kwa Yeremiya, oku vo:
16 “Wenda, vovesa Ebede-meleke+ wa Ntiopia vo, ‘I wau wuwu kavovele o Yave a vu wa Nzambi a Isaele: “Se ilungisa mambu mana yavova mu kuma kia mbanza yayi, ma kubatwasila mpasi ke wete ko, muna lumbu kiakina, ngeye omona dina disinga bwa.”’
17 “‘Kansi, ikuvuluza muna lumbu kiakina,’ u kavovele o Yave ‘kuyekolwa ko vana moko ma wantu ana omwenene wonga.’
18 “‘Kadi vuluza ikuvuluza, kubwila muna nsosolo ko. Obaka moyo aku se sanzu+ wau umbundidi e vuvu,’+ u kavovele o Yave.”
Mvovo vana yand'a lukaya
^ Mvovo wa sina: “Nebukadrezare,” mpila yankaka yasonekena yo.
^ Yovo “mfumu wa afimpi a ntetembwa.”
^ Mvovo wa sina: “Nebukadrezare,” mpila yankaka yasonekena yo.
^ Yovo “lûmbu lwa.”
^ Nanga, salu yangolo.
^ Mvovo wa sina: “Nebukadrezare,” mpila yankaka yasonekena yo.
^ Yovo “mfumu wa afimpi a ntetembwa.”
^ Yovo “mfumu wa mbanda-mbanda za lûmbu.”
