Yeremiya 46:1-28
46 Ediadi i diambu dia Yave diayiza kwa Yeremiya wa ngunza mu kuma kia zula:+
2 Kuna kwa Engipito,+ muna kuma kia makesa ma Faro Neko+ wa ntinu a Engipito, ona wakala vana ndambu a Nzadi a Uferate muna Kankemisi vava katufakeswa kwa Nebukandesa* wa Ntinu a Babele, muna mvu wa nyá wa luyalu lwa Yoyakime+ wa mwan’a Yosiya wa ntinu a Yuda:
3 “Nukubika ngubu zeno zakete* ye zanene,Nuenda nuana e vita.
4 Nukubika mvalu yo manta mio, oyeno akwa mvalu.
Nukiatama yo vuata mpu zeno.
Nusekesa maswanga yo vuata yinkutu ya sengwa.
5 ‘Ekuma bamwenene vo mu zakama bena ye wonga?
Mu tina bena, makesa mau makosomweno.
Bamwangane ye wonga, makesa mau ke batadidi ku nima ko.
Wonga wasaka una muna ndambu zawonso,’ u kavovele o Yave.
6 ‘O nkwa nswalu kalendi tina ko, makesa ke malendi tina ko.
Kuna node vana ndambu a Nzadi a Uferate,Batele e sakuba yo bwa.’+
7 Nani ndioyo otombokanga nze Nzadi a Nile?
Nze nkoko mia maza menikukanga mu ngolo?
8 Engipito itombokele nze Nzadi a Nile,+Nze nkoko mia maza menikukanga mu ngolo,Uvovele vo: ‘Tomboka i tomboka yo fuka o ntoto.
Ifwasa e mbanza ye awana bena mo.’
9 Nutomboka, e yeno mvalu!
Nudiatila kuna kilau, e yeno makalu ma vita!
Yambula makesa benda kuntwala,Esi Kuse ye Puti ana bena ye ngubu,+Esi Ludime+ ana bena ye mfumba yo fumbika* mio.+
10 “E lumbu kiakina, i lumbu kia Mfumu Yave a vu, i lumbu kia landa e kunda, kalandila mbeni zandi e kunda. O nsosolo uvempola yo yukuta, umanisina e vuina muna menga mau, kadi o Mfumu Yave a vu okubikidi kimenga* muna nsi ya node kuna Nzadi a Uferate.+
11 E mwenze wa mwan’ankento a Engipito,Tomboka kuna Ngiladi wabonga balasamu.+
Nkatu-nkatu owokesele nlongo miaku,Kadi kusasuka ko.+
12 E zula iwidi e nsoni zaku,+E kazu kiaku kizele muna nsi.
Kadi o kesa otele e sakuba muna kesa,E buka yau yole ibwidi kumosi.”
13 Ediadi i diambu Yave kavova kwa Yeremiya wa ngunza mu kuma kia Nebukandesa* wa Ntinu a Babele kimana kanuanisa nsi a Engipito:+
14 “Nuteleka dio muna Engipito, nusamuna dio muna Mingedole.+
Nusamuna dio muna Nofe* ye muna Takepankese.+
Nuvova vo: ‘Nukiatama, nukubama,Kadi nsosolo umosi uvempola yawonso izietele.
15 Ekuma akwa nkum’aku basukisilu?
Ke batelamene ngingi ko,Kadi Yave ubabwisidi.
16 Ndonga batele sakuba yo bwa.
Bevovanga kwa muntu yo nkwandi vo:
“Nutelama! Yambula twavutuka kwa nkangu eto ye nsi eto,Muna kuma kia nsosolo wa nsoki.”’
17 Kwakuna besamuna vo,‘O Faro wa ntinu a Engipito mazu mankatu kwandiOna oviokese elau.’*+
18 ‘I nkal’ame kaka,’ u kavovele o Ntinu, ndiona una ye nkumbu vo Yave a vu,‘Okwiza* nze kuna Tabo+ ina vana vena miongoNze Kamele+ vana ndambu a kalunga.
19 Kubika funda kiaku wenda muna kinkole,E mwan’a nkento okalanga muna Engipito.
Kadi Nofe* ikituka se kuma kia mwena wonga;Iyokwa* yo kondwa wantu.+
20 Engipito ngombe ambote-mbote,Kansi mukwiza kalunga tuka kuna node.
21 Kana nkutu makesa mana masumbwa mena nze ngombe za mazi vana kati kwandi,Kansi yau mpe bavutukidi manima yo tina.
Ke basikidi ko,+Kadi lumbu kiampasi kilweke,E ntangw’a lufundisu lwau.’
22 ‘E zú diandi dina nze zú dia nioka okangalanga,Kadi bekunlwakila ye masoka,*Nze wantu bekesanga nti.*
23 Bekesa mfind’andi,’ u kavovele o Yave, ‘kana una vo ina nze nkaku.
Kadi ayingi bena, lutila makonko makondwa lutangu.
24 O mwan’ankento a Engipito ofusulwiswa e nsoni.
Oyekolwa vana moko ma nkangu a node.’+
25 “Yave a vu wa Nzambi a Isaele ovovele vo: ‘Owau isia sungididi kiame kwa Amone+ wa No,*+ kwa Faro, kwa Engipito, kwa nzambi zandi+ ye kwa atinu andi—elo, kwa Faro ye kwa awonso bekunsianga e vuvu.’+
26 “‘Ikubayekola vana moko m’awana bevavanga katula mioyo miau, kwa Nebukandesa* wa Ntinu a Babele+ ye kwa selo yandi. Kansi, muna kolo kilanda Engipito izingila diaka wantu nze kuna ntama,’ u kavovele o Yave.+
27 ‘Vo i ngeye, e Yakobo wa selo kiame, kumoni wonga ko,Kuzakami ko, e Isaele.+
Kadi ikuvuluza vana fulu kiandaO wan’aku* muna nsi ya kinkole.+
Yakobo ovutuka, ovunda yo vuvama,Ke vekala muntu ko okubamwesa wonga.+
28 Ozevo, kumoni wonga ko e Yakobo wa ntaudi ame,’ u kavovele o Yave, ‘kadi ngina yaku.
Ifukisa emvimba e zula yawonso muna yamwanganisa,+Kansi, vo i ngeye kikufukisa ko.+
Ikutumbila* muna tezo,+Kikuyambula wowo ko lembi kutumba.’”
Mvovo vana yand'a lukaya
^ Mvovo wa sina: “Nebukadrezare,” mpila yankaka yasonekena yo.
^ Ngubu zakete zisadilwanga kwa akwa mfumba.
^ Mvovo wa sina: “yo diata.”
^ Yovo “lufwasu.”
^ Mvovo wa sina: “Nebukadrezare,” mpila yankaka yasonekena yo.
^ Yovo “Memfise.”
^ Mvovo wa sina: “ntangwa yasikidiswa.”
^ I sia vo, Ndiona obaka Engipito.
^ Yovo “Memfise.”
^ Nanga, Ikitulwa se makanga.
^ Yovo “sengele.”
^ Yovo “kutika nkuni.”
^ I sia vo, Tebese.
^ Mvovo wa sina: “Nebukadrezare,” mpila yankaka yasonekena yo.
^ Mvovo wa sina: “mbongo aku.”
^ Yovo “Ikusingikila.”
