Yeremiya 48:1-47
-
Ungunza wa lufwasu lwa Moabe (1-47)
48 I wau wuwu kavovele o Yave a vu, wa Nzambi a Isaele, mu kuma kia Moabe:+
Tâtu kwa Nebo+ kadi ofwasilu!
Kireyataime+ ofusulwisu e nsoni yo kutumunua.
E tininu diasikila* difusulwisu e nsoni yo fwasakeswa.+
2 Oyau ke bekembelanga diaka Moabe ko.
Muna Kesebone+ bakanini e mbi muna kumbwisa oku vo:
‘Nuiza, yambula twamfwasa kayambula kala se zula.’
Ongeye mpe, e Madamene, kala pi-i,Kadi o nsosolo ulende.
3 Kuwakane kazu tuka kuna Koronaime,+Zú dia lufwasu ye nkosomona yanene.
4 Moabe okosomweno.
Wan’andi mu dila bena.
5 O wantu bakwamanene dila ekolo betombokanga muna nzil’a Lukiti.
Muna nzila ikulumukanga tuka kuna Koronaime bawidi kazu mu kuma kia lufwasu.+
6 Nutina, nuvuluza mioyo mieno!
Nukala nze nti a sipelese muna makanga.
7 Wau vo obundidi e vuvu muna salu yaku ye muna mavua maku,Ongeye mpe obakama.
E Kemose+ inatwa muna kinkole,Kumosi ye nganga zandi ye akuluntu andi.
8 O mfwasi okota muna mbanza zawonso,Ke vesala mbanza ko.+
O ndimba ufwaswa,O nzanza ufwaswa, wauna Yave kavovele.
9 Tongeka sinsu mu kuma kia Moabe,Kadi itina vava ifwaswa,E mbanza zandi zikituka se lekwa kia mwena wonga,Zakondwa wantu.+
10 Wasibwa ndiona olembi lungisa kiyekwa kia Yave una ufwene!
Wasibwa ona olembi sadila nsosolo andi muna bungula menga!
11 Esi Moabe mu luvuvamu bekalanga tuka muna kileke kiau,Nze vinyu ivuende vana boto.
Ke basidi katulwa mu mbidika ko yo sekolwa mu mbidika yankaka,Ke basidi kwenda mu kinkole ko.
Kiaki i kuma o ntomo andi ke usobele ko yamu wau,E mvumba* zandi ke zisobele ko.
12 “‘Ozevo, e lumbu mukwiza ina,’ u kavovele o Yave, ‘ina itwika wantu ana bekubatiamuna. Bekubatiamuna yo dukumuna e mvungu miau, bewula e mbidika zau zanene mu tini-tini.
13 Esi Moabe bemwena Kemose nsoni, wauna e nzo a Isaele imwenanga Betele e nsoni, eyi yakala se vuvu kiau.+
14 Aweyi nuinina ye unkabu wa vova vo: “Tu makesa mankuma, twakubama muna vita”?’+
15 ‘Moabe ifwasilu,E mbanza zandi zisanzilu,+Matoko mandi masundidi o wete, bavondelo,’+U kavovele o Ntinu, ndiona una ye nkumbu vo Yave a vu.+
16 E mpasi za Moabe se zilwaka ke kolo ko,Lufwasu lwandi lufinamene mu nzaki.+
17 Awonso babazungidi bekubafwila e nkenda,Awonso bazeye e nkumbu zau.
Nubazayisa vo: ‘Aweyi o nti anene utolokele, e nkau ambote-mbote?’
18 Kulumuka tuka muna nkembo aku,Wavuanda ye vuina,* e mwan’ankento a Dibone,+Kadi o mfwasi a Moabe wizidi nuana yaku,Oyandi ofwasakesa e fulu yaku yangolo.+
19 E musi Arowa,+ telama vana ndambu a bala-bala yo tala.
Yuvula kwa yakala otinanga ye kwa nkento otayanga: ‘Nkia diambu divangamene?’
20 Moabe ofusulwisu e nsoni yo zakamaNuyayana yo kaza.
Nusamuna muna Arenone+ vo Moabe ifwasilu.
21 “O lufundisu lulweke muna nzanza+ vana Kolone, Yaza+ ye Mefate;+
22 vana Dibone,+ Nebo+ ye Bete-dibelataime;
23 vana Kireyataime,+ Bete-ngamule ye Bete-mone;+
24 vana Keriote,+ Bozera ye muna mbanza zawonso za nsi a Moabe, ezi zina kwandá y’ezi zina lukufi.
25 ‘O nkum’a* Moabe ufokokele;O koko kwandi kutolwelo,’ u kavovele o Yave.
26 ‘Nunkolesa,+ kadi ukitundidikidi vana vena Yave.+
Moabe olengomokene vana luki yandi,Okitukidi se lekwa kia luvezo.
27 O Isaele nga kakedi se tusevo ko kuna kwa ngeye?+
Nga kasololwa ko vana vena mivi,Kimana ongeye wanikuna o ntu aku yo kunkumba?
28 Nuvaika muna mbanza zandi, nuzingila muna matadi, esi Moabe,Nukala nze yembe otungidi nzialwa andi muna yaka ya yenga.’”
29 “Tuwidi e nsangu za lulendo lwa Moabe—oyandi nkwa lulendo lwasaka—Tuwidi e nsangu za umvuania wandi, lulendo lwandi, kuyisana kwandi ye lulendo lwa ntim’andi.”+
30 “‘Nzeye makasi mandi,’ u kavovele o Yave,‘Kansi, e mvovo miandi miankatu ke mitwasa nluta ko.
Ke bevanga diambu ko.
31 Idianu ididila Moabe,I kaza mu kuma kia Moabe yawonsoYo dila mu kuma kia esi Kire-kerese.+
32 Itoma kudila ke mu Yaze ko,+Idila mu kuma kiaku, e nsing’a vinyu wa Sibema.+
E tayi yaku iyandangiene yamuna kalungailweke muna kalunga, kuna Yaze.
Muna bundu yaku ya nsungi a mvula ye nkutik’a uva zaku,O mfwasi ikakulumukini.+
33 E kiese yo luyangalalu lukatwilu muna mpatu a nti miyimanga bunduYe muna nsi a Moabe.+
Ngiumisi e vinyu muna makaminu.
Ke vekala diaka muntu ko odiata uva ye kazu kiakiese.
Vekala ye kazu, kansi ke kiakiese ko.’”+
34 “‘E kazu kia Kesebone+ kiwakane yakuna Elale.+
Batumbwidi ndinga yakuna Yaza,+Tuka kuna Soare yakuna Koronaime+ ye Engelate-silesia.
Kana nkutu maza ma Nimerime meyuma.+
35 Fukisa ifukisa’ muna Moabe, u kavovele o Yave,‘Ndiona onatanga lukau vana e bataYe ndiona otambikanga yimenga kwa nzambi andi.
36 Kiaki i kuma o ntim’ame udidila nze tutu* mu kuma kia Moabe.+
O ntim’ame udidila* nze tutu mu kuma kia wantu a Kire-kereseKadi mavua mana kakutikidi vila mevila.
37 Kadi e ntu miawonso mivadilu,+E nzevo zawonso zizengelo.
Moko mawonso malwekelo,+E ngoto ina muna luketo lwau!’”+
38 “‘Vana nludi miawonso mia MoabeYe muna mazandu mandi mawonso,Dilu kaka kina mo.
Kadi mfwasidi MoabeNze mbidika ilozelo,’ u kavovele o Yave.
39 ‘Ekwe mpila kazakamene! Ekwe tâtu!
Ekwe mpila kafididi Moabe e nima ye nsoni,Moabe ikitukidi se lekwa kia luvezo,Lekwa kitwasanga wonga kw’awonso banzungidi.’”
40 “Kadi i wau wuwu kavovele o Yave:
‘Nze una ngo-zulu kedimukinanga muna baka mbizi,+O mbeni oyalumuna mave mandi muna Moabe.+
41 E mbanza zikutumunua,E nzo zandi zangolo zikutumunua.
Muna lumbu kiakina, e ntima mia makesa ma MoabeMikala nze ntim’a nkento una muna nsongo.’”
42 “‘E Moabe ifwaswa, ke mukala diaka nkangu ko,+Kadi ukitundidikidi vana vena Yave.+
43 Wonga ye wulu ye ntambu mina ova ntadisi eno,E yeno nuzingilanga muna Moabe,’ u kavovele o Yave.
44 ‘Konso ndiona otina o wonga obwa muna wulu,Konso ndiona otomboka muna wulu obakama muna ntambu.’
‘Kadi itwasa muna Moabe o mvu wa tumbu kiau,’ u kavovele o Yave.
45 ‘Awana betinanga, bakondwa ngolo betelama vana viozi kia Kesebone.
Kadi tiya tutuka kuna KeseboneO nlaku utuka vana kati kwa Sikone.+
Tubomona e mbunzu a MoabeYe ntu mia wan’a mvuanga.’+
46 ‘Nkenda kwa ngeye, e Moabe!
O nkangu a Kemose+ ufukisu.
Kadi o wan’aku amakala baneto se abakami,O wan’aku amakento bele muna kinkole.+
47 Kansi muna lumbu yambaninu, ikutakesa abakami a Moabe,’ u kavovele o Yave.
‘Ovava i vafokokele e mfundis’a Moabe.’”+
Mvovo vana yand'a lukaya
^ Yovo “tininu diazanguka.”
^ Yovo “nsunga.”
^ Nanga, “vana ntoto ayuma.”
^ Mvovo wa sina: “E mpok’a.”
^ I sia vo, tutu dia maniongo diasikwanga vana lufwa.
^ Yovo “uyangama.”
