Yeremiya 5:1-31
5 Nuenda muna mabala-bala ma Yerusaleme.
Nutala muna ndambu zawonso, nusia sungididi.
Nuvava muna ntanda* miandi, nuamonaKana vo nusolola muntu ovanganga unsongi,+
Ona ovavanga songa e kwikizi,Loloka iloloka e mbanza.
2 Kana nkutu bavovele vo: “I nkal’a Yave kaka!”
Kansi, bekwamanananga dia ndofi yaluvunu.+
3 E Yave, nga meso maku ke ziku ko mevavang’e?+
Ubawende, kansi ke dibatwasidi mpasi ko.*
Ubafwasidi, kansi ke bazolele tambulwila longi ko.+
Babadisi ndose zau lutila tadi,+Ka bazolele vutuka manima ko.+
4 Kansi mpovele muna nsi a ntim’ame vo: “Kieleka, asukami kwau.
Bavangidi diambu dia uzowa, kadi ke bazeye nzil’a Yave ko,Ngatu unsongi wa Nzambi au.
5 Kwenda ikwenda kwa akwa tunda, yavovana yau,Kadi bafwete zaya e nzil’a Yave,
O unsongi wa Nzambi au.+
Kadi yau awonso batolwele e vanguBazatwini e kangilwa.”
6 I dianu vo, nkosi a mfinda ubanuanisi,E dievua dia makanga dikubafwatakesanga,E ngo ikondelelanga lukufi ye mbanza zau.
Awonso ana bevaika mo, badilu.
Kadi masumu mau se mengi;O mavangu mau mambi masakidi.+
7 Aweyi ndenda kulolokela muna diambu diadi?
Wan’aku bangiambwidi,Badidi e ndofi muna eki kina vo ke Nzambi ko.+
Kana una vo yalungisa e nsatu zau,Kansi batatamana tá e zumba,Bayendanga mu buka kuna nzo ya nkembi.*
8 Bena nze mvalu bazolele vukana, bena ye nsatu zayingi,Konso muntu okazila nkaz’a nkwandi.+
9 “Nga kifwete kubafundisa ko muna mambu mama?” u kavovele o Yave.
“Nga kifwete landa kunda ko kwa zula kia mpila yayi?”+
10 “Nuiza muna mpatu andi a vinyu, nuafwasa yo,Kansi ke nufwasi yo emvimba ko.+
Nutolola tayi yandi yavuembeta,Kadi ke ya Yave ko.
11 Kadi nzo a Isaele ye nzo a YudaKe basikidi ye kwikizi ko omu mono,” u kavovele o Yave.+
12 “Bavakulwidi Yave nkalu, oku vo:
‘Ke vanga diambu ko.*+
E mpasi ke zikutulwakila ko;Ke tumona nsosolo ko ngatu nzala.’+
13 Angunza bazele ye tembwa,E diambu* ke dina muna yau ko.
Yambula bavila mpe!”
14 Muna kuma kiaki, i wau wuwu kavovele o Yave wa Nzambi a vu:
“Wau vo wantu awaya i wau bavovele,Ikitula mvovo miame se tiya muna nua miau,+O nkangu wau i nkuni,E tiya tukubabomona.”+
15 “E nzo a Isaele, ikunutwasila e zula kituka kwandá,”+ u kavovele o Yave.
“Zula kikalanga tuka kolo.
Zula kiankulu kikilu,Zula kina ye ndinga ina ke nuzeye ko,Ngatu bakula mana bevovanga.+
16 E kutu kiau kia maswanga kina nze ziami kiaziuka;Yau awonso makesa.
17 Bedia nsâlu aku ye mbolo aku.+
Bedia wan’aku amakala yo wan’aku amakento.
Bedia ngombe zaku ye mameme maku.
Bedia nsinga miaku mia vinyu ye nsanda miaku.
Befwasa mbanza zaku zina obundanga e vuvu muna nsosolo.”
18 “Kansi, muna lumbu yayina,” u kavovele o Yave, “kikunumanisa ko.+
19 Vava beyuvula vo: ‘Ekuma Yave wa Nzambi eto katuvangila mambu mama mawonso?’ ofwete kubavutula vo: ‘Wauna nuambembolwela muna sadila nzambi a nzenza muna nsi eno, i una nusadila anzenza muna nsi ina vo ke yeno ko.’”+
20 Samuna e diambu diadi muna nzo a Yakobo,Zayisa dio muna Yuda, oku vo:
21 “Nuwá ediadi, yeno nkangu a uzowa, wakondwa umbakuzi:*+
Bena yo meso kansi yau ke bamoni;+Bena yo matu kansi yau ke bawe.+
22 ‘Nga ke nukumbwena wonga ko e?’ u kavovele o Yave,‘Nga ke nufwete zakama ko ova ngina?
Mono yasia e senge se mwingilu a kalunga,Nsiku a mvu ya mvu una kalendi lutakana ko.
Kana una vo mavuku menikukanga, ke malendi dio sunda ko;Kana una vo mekumbanga, ke malendi dio lutakana ko.+
23 Kansi, nkangu wau akwa ntima miabala ye akolami;Bavengomokene yo landa e nzila zau.+
24 Muna ntima miau ke bevovanga ko vo:
“Yambula twavumina Yave wa Nzambi eto,Ona ovananga mvula muna nsungi andi,Mvula za kintombo ye mvula za masanza,Ona watuvana tumingu twa nsâlu.”+
25 O bi weno ukakidilanga mambu mama malembi vangama;O masumu meno mekunukakidilanga lekwa yambote.+
26 Kadi vena ye yimpumbulu vana kati kwa nkangu ame.
Bekondelelanga nze abaki a nuni ana babatamene.
Belekanga ntambu mia mfwasi,Yo baka wantu.
27 Nze sakala kiazala ye nuni,E nzo zau zizele ye umpuki.+
I dianu bakitukidi amvuama ye akwa nkuma.
28 Bavongele, e nitu zau zitomene lengoka;Bazele yo bi.
Ke bevovelanga wan’a nsona* ko muna mfundu,+Kimana bavua nluta;Ke befundisilanga asukami muna unsongi ko.’”+
29 “Nga kifwete kubafundisa ko muna mambu mama?” u kavovele o Yave.
“Nga kifwete landa kunda ko kwa zula kia mpila yayi?
30 Diambu diasivi ye dia mbubu divangamene mwamu nsi:
31 Angunza besakulanga luvunu,+Anganga bediatidilanga nkangu muna wisa kiau.
O nkangu ame i wau beyangalelanga.+
Kansi, adieyi nuvanga vava mbaninu ilwaka e?”
Mvovo vana yand'a lukaya
^ Yanzala kiakutakenanga nkangu mu teka, sumba lekwa yo tela mambu.
^ Mvovo wa sina: “ke batovokele ko.”
^ Yovo “nkento a ndumba.”
^ Nanga, “Kena kwandi ko.”
^ I sia vo, Diambu dia Nzambi.
^ Mvovo wa sina: “nkangu a uzowa wakondwa ntima.”
^ Yovo “minkondwa se.”
