Yeremiya 51:1-64
51 I wau wuwu kavovele o Yave:
“Itwasa tembwa kia lufwasuKwa Babele+ ye nkangu a Lebe-kamai.*
2 Itwika wantu muna Babele ana bemwanganesa yo,Bemwanganesa yo, besisa e nsi aku e nkatu;Bezunga yo muna ndambu zawonso muna lumbu kia lufwasu.+
3 Yambula nkwa mfumba kalembi fumbika* mfumb’andi.
Ke vakadi muntu ko otelama ye kinkutu kiandi kia sengwa.*
Ke nufwila matoko mandi nkenda ko.+
Nufwasa e vu kia makesa mandi mawonso.
4 Bevondelwa muna nsi ya Akaladi,Bentompolwa muna nzila zandi.+
5 Kadi Isaele ye Yuda ke akento bafwilwa akala ko kuna kwa Nzambi au, o Yave a vu.+
Kansi e nsi au* izele ye ngielele vana ntadisi a Mvauki a Isaele.
6 Nuvaika muna Babele,Nuavuluza mioyo mieno.+
Ke nuvondwa ko mu kuma kia bi wandi.
Kadi eyayi i ntangwa a nlandw’a kunda kia Yave.
Okumvutula dina kavangidi.+
7 Babele ina se mbungw’a wolo vana koko kwa Yave;Okolese nza yawonso.
Esi zula banuini vinyu andi;+I dianu esi zula balaukidi.+
8 Babele ibwidi yo fwasuka vana vau.+
Nudila mu kuma kiandi!+
Nubonga balasamu mu kuma kia ndunzi zandi; nanga olenda sasuka.”
9 “Tutezele wuka Babele, kansi kalendi sasuka ko.
Nunyambula, twendi kweto konso muntu muna nsi andi.+
Kadi mfundis’andi ilweke yakuna zulu;Yazanguka nze matuti.+
10 Yave ututwasidi unsongi.+
Nuiza, yambula twasamuna mavangu ma Yave wa Nzambi eto muna Zione.”+
11 “Nusekesa maswanga,+ nubonga ngubu zavindumuka.*
Yave osikamese mwand’atinu a Madai,+Kadi e kani diandi i fwasa e Babele.
Kadi owau i nlandw’a kunda a Yave, e kunda mu kuma kia tempelo andi.
12 Nutongeka sinsu*+ muna yaka ya Babele.
Nusiamisa mayingidilu, nusia ayingidi.
Nukubika wantu beswekama kimana banuanisa yo.
Kadi Yave olekele ntambu,Olungisa mana kasia nsilu mu kuma kia nkangu a Babele.”+
13 “E nkento ozingilanga vana maza mayingi,+Ye mavua mayingi,+E mbaninu aku ilweke, i mfoko a* nluta miaku.+
14 Yave a vu wadia ndofi muna yandi kibeni* vo:
‘Ikuzadisa yo wantu, wantu ayingi nze makonko,Yau bekaza kadi basundidi.’+
15 Yandi i Mvangi a ntoto muna nkum’andi,Ona wasikidisa ntoto uyimanga mbongo muna ngangu zandi+Yo yalumuna e zulu muna umbakuzi wandi.+
16 Vava kewisanga e nding’andi.
O maza kuna zulu mekumbanga,Otombolanga matuti* tuka kuna nsuka za nza.
Ovaikisanga nsemo* muna mvula,Ovaikisanga e tembwa muna malundilu mandi.+
17 Wantu awonso bevangilanga mambu muna uzowa yo kondwa kwa zayi.
Avangi awonso a lekwa ya sengwa, befusuka e nsoni mu kuma kia teke yau yavalwa;+Kadi e teke yandi yasengwa,* luvunu kwandi,Ke ina ye mwanda ko.*+
18 Ke ina mfunu ko,*+ salu kialuvezo kikilu.
Vava kilwaka e lumbu kiau kia lufundisu, vila ivila.
19 E Kunku kia Yakobo ke kina nze lekwa yayi ko,Kadi yandi wavanga lekwa yawonso,Kumosi yo nkau a vua diandi.+
Yave a vu i nkumbu andi.”+
20 “Ngeye u bota kia* vita oku kwa mono, u nuaninua kia vita,Kadi muna ngeye isinga tufakesela e zula,Muna ngeye isinga fwasila yintinu.
21 Muna ngeye itufakesela mvalu ye nkwa mvalu.
Muna ngeye itufakesela kalu dia vita yo nati a kalu dia vita.
22 Muna ngeye, itufakesela yakala yo nkento.
Muna ngeye itufakesela nunu yo nleke.
Muna ngeye itufakesela toko ye ndumba.
23 Muna ngeye itufakesela mvungudi ye kambi diandi.
Muna ngeye itufakesela mvati a nsengo ye bulu yandi kevatilanga.
Muna ngeye itufakesela ayadi ye mbanda-mbanda.
24 Ivutulwila Babele yo nkangu wawonso wa KaladiMu kuma kia bi wawonso bavanga muna Zione vana meso meno,”+ u kavovele o Yave.
25 “Ngina yaku e kitantu,+ e mongo a mfwasi,” u kavovele o Yave,“O mfwasi a nza yawonso.+
Ilambula koko kwame muna ngeye, ikunengomona kuna yandaIkukitula se mongo wayokwa.”
26 “Wantu ke bebongela diaka tadi dia konko ko muna ngeye ngatu tadi dia nkubilwa,Muna kuma kiaki, osala e nkatu yakwele mvu,”+ u kavovele o Yave.
27 “Nutongeka e sinsu* muna nsi.+
Nusika e mpungi vana vena e zula.
Nutumbika* zula kimana yantelamena.
Nubokelesa yintinu ya Ararate,+ Mini ye Asekenaze kimana yantelamena.+
Nuntumbikila mbanda-mbanda kimana bantelamena.
Nutombolwesa mvalu nze makonko manswenswe.
28 Nutumbika* zula bantelamena,Atinu a Madai,+ ayadi andi ye mbanda-mbanda zandi zawonsoYe nsi zawonso betuminanga.
29 O ntoto uzakama yo nikuka,Kadi e ngindu za Yave mu kuma kia Babele zilunganaMuna kitula nsi a Babele se lekwa kia mwena wonga yo sisa yo e nkatu.+
30 Makesa ma Babele bayambwidi nuana.
Bavuende muna nzo zau zangolo.
E ngolo zau zimene.+
Bakitukidi nze akento.+
E nzo zandi ziyokelo.
E mbindi zandi zitolwelo.+
31 Nati a nsangu otikwini muna wanana yo nati a nsangu ankaka,Ntumwa mosi otikwini muna wanana yo ntumwa ankaka,Muna samuna kwa ntinu a Babele vo mbanz’andi ibakamene muna ndambu zawonso,+
32 E fulu ya saukila muna nkoko ibakamene,+E nzaza za mabu ziyokelo muna tiya,Makesa bamwene o wonga.”
33 Kadi i wau wuwu kavovele o Yave a vu, wa Nzambi a Isaele:
“O mwan’ankento a Babele una nze bundilu.
E ntangwa yakundiatakesa ilweke.
E ntangw’andi ya nkutika ke kolo ko ifwana.”
34 “Nebukandesa* wa Ntinu a Babele, umfwasidi;+Unsidi muna mvuanga.
Unkitwidi nze mvungu wankatu.
Umbinini nze una uvanganga nioka anene;+Ozadisi vumu kiandi ye lekwa yame yambote;Untubidi kwandá.
35 ‘Yambula o nsoki una wavangwa kwa mono ye nitu ame, wavutukila Babele!’ u kavovele musi Zione.+
‘Yambula menga mame mavutukila nkangu wa Kaladi!’ u kavovele o Yerusaleme.”
36 Ozevo, i wau wuwu kavovele o Yave:
“Ivovela e diambu diandi muna mfundu,+Ikulandila e kunda.+
Iyumisa kalunga kwandi ye sima yandi.+
37 Babele ikituka se mazudika ma matadi,+Swekameno dia mbulu,+Lekwa kia mwena wonga ye kia sikila mimpiozi,Ke musala wantu ko.+
38 Yau awonso bekwita nze wan’a nkosi.*
Bekunga nze wan’a nkosi.”
39 “Vava nsatu zau zisaka, ikubakubikila e lambu muna kubakolesa,Kimana bayangalala,+I bosi beleka tulu twakwele mvu,Tuna ke besikamena diaka ko,”+ u kavovele o Yave.
40 “Ikubavonda nze wan’a mameme maneto kuna vondelo,Nze mameme ye nkombo.”
41 “Ekwe Sesake* ibakamene,+Ekwe mpila kabakamene ndiona wasanisinuanga mu nza yawonso!+
Ekwe Babele ikitukidi se lekwa kia mwena wonga vana vena e zula!
42 O kalunga otombokele kuna Babele.
Ofukidi yo muna mavuku mandi mayingi.
43 E mbanza zandi zikitukidi se lekwa kia mwena wonga, nsi yayuma ye makanga.
Nsi ina ke ilendi zingila muntu ko, ke ilendi viokela muntu ko.+
44 Isia sungididi kiame kwa Bele+ muna Babele,Ivaikisa muna nu’andi ina kamina.+
E zula ke ikwenda diaka kwa yandi ko,E yaka kia Babele bwa kibwa.+
45 E nkangu ame, nukatuka vana kati kwandi!+
Nuvuluza mioyo mieno+ muna nsita za makasi ma Yave!+
46 Ke nukendalala ko ngatu mona wonga mu kuma kia nsangu ziwakana muna nsi.
Muna mvu umosi mulwaka nsangu,Muna mvu ulanda mulwaka nsangu zankaka,Za nsoki muna nsi ye za nyadi otelamena nyadi ankaka.
47 Dianu vo, e lumbu mukwiza ina,Ina isia sungididi kiame muna teke yavalwa ya Babele.
E nsi yawonso ifusulwiswa e nsoni,O wantu awonso afwa bebwa vana kati kwandi.+
48 E zulu ye ntoto ye yawonso ina moIyengoloka ye kiese mu kuma kia Babele,+Kadi afwasi bekunlwakila tuka kuna node,”+ u kavovele o Yave.
49 “Ke awana kaka ko bavondwa muna Isaele kabwisisi Babele,+Kansi wantu a nza yawonso babwidi yo vondwa muna Babele.
50 E yeno nuvukidi muna nsosolo, nukwamanana diata, ke nuningami ko!+
Kuna kwandá, nusungamena Yave,Yambula Yerusaleme yakala muna ntima mieno.”+
51 “Tufusulwisu e nsoni, kadi tuwidi mafingu.
O luvezo lufukidi e ndose zeto,Kadi anzenza banuanisi e fulu yavauka ya nzo a Yave.”+
52 “Dianu vo, mukwiza ina e lumbu,” u kavovele o Yave,“Vava isia sungididi kiame muna teke yavalwa,Muna nsi andi yawonso, ana balwala bekunga.”+
53 “Kana nkutu Babele omente kuna zulu,+Kana nkutu osiamisi e nzo zandi zangolo,Afwasi ana ntumini, bekunlwakila,”+ u kavovele o Yave.
54 “Nuwá, muwakane kazu muna Babele,+Zú dia sumbula kiampwena ditukidi muna nsi ya Akaladi.+
55 Kadi Yave mu fwasa kena e Babele,Obutika e nding’andi yanene,E mavuku mandi mekumba nze maza mayingi.
E zú dia nding’au diwakana.
56 Kadi o mfwasi olwakila Babele;+Makesa mandi mebakama,+E mfumba miau mitololwa,Kadi Yave i Nzambi ona ovananga nsendo.+
Kieleka, okumvutulwila.+
57 Kolesa ikolesa mfumu zandi ye akwa ngangu andi,+Ayadi, mbanda-mbanda ye makesa mandi,Beleka tulu twa mvu ya mvu,”+U kavovele o Ntinu, ndiona una ye nkumbu vo Yave a vu.
58 I wau wuwu kavovele o Yave a vu:
“Kanele vo e yaka kia Babele kiayalumuka, kiwulwa emvimba,+Kana una vo mavitu mandi mandá, meyokwa muna tiya.
E nkangu mifuntukina muna nkatu;E zula iyoya mu kuma kia dikila kaka e tiya.”+
59 O wau i nkanikinu kakanikina o Yeremiya wa ngunza kwa Seraya wa mwan’a Neraya+ wa mwan’a Makeseya, vava kayenda kuna Babele yo Sedekiya wa ntinu a Yuda muna mvu wa nyá wa luyalu lwandi. Seraya wakala nkengi a lekwa ya ntinu.
60 Yeremiya wasoneka muna nkanda e mpasi zawonso zalwakila Babele, mambu mama mawonso masonama mu kuma kia Babele.
61 Vana ntandu, Yeremiya wavovesa Seraya vo: “Vava olwaka muna Babele yo mona e mbanza, ofwete tanga mambu mama mawonso muna nding’angolo.
62 I bosi, vova vo: ‘E Yave, ongeye wavova vo e fulu kiaki kifwaswa, ke muzingila diaka muntu ko ngatu sala muntu yovo bulu, kisala e nkatu yakwele mvu.’+
63 Vava omanisa tanga nkanda wau, kanga wo e tadi yo tuba wo vana kati kwa nzadi a Uferate.
64 I bosi, vova vo: ‘I wau wuwu udimukina Babele, ke isoloka diaka ko+ muna kuma kia mpasi itwasa muna yandi; oyau besinga yoya.’”+
Ovava e mvovo mia Yeremiya mifokokele.
Mvovo vana yand'a lukaya
^ Nanga nkumbu ya Kaladi eyi yasonekenua muna sono ya kinsweki.
^ Mvovo wa sina: “diata.”
^ Kinkutu kivuatanga makesa muna kuyitanina muna vita.
^ I sia vo, nsi ya Akaladi.
^ Nanga, nuzadisa e nkutu.
^ Yovo “lunzi dia sinsu.”
^ Mvovo wa sina: “nzongo a.”
^ Yovo “nkal’andi.”
^ Yovo “wisisi.”
^ Nanga, “Oziulanga mielo.”
^ Yovo “teke yazunzwa.”
^ Yovo “fulumwinu.”
^ Yovo “Mpavala kwandi.”
^ Yovo “nkoko a.”
^ Yovo “lunzi dia sinsu.”
^ Mvovo wa sina: “Nuvaula.”
^ Mvovo wa sina: “Nuvaula.”
^ Mvovo wa sina: “Nebukadrezare,” mpila yankaka yasonekena yo.
^ Yovo “wan’a nkosi a mika miayingi muna nsingu.”
^ Eyayi nanga i nkumbu a Babele (Babilone) yasonekwa mu sono ya kinsweki.
