Yeremiya 6:1-30
6 E wan’a Benyamini, nuvaika muna Yerusaleme, nutinina kwandá.
Nusika e mpungi+ muna Tekoa;+Nusia sinsu kia tiya muna Beta-kereme!
Kadi lufwasu lutuka kuna node lufinamene, lufwasu lwampwena.+
2 E mwan’ankento a Zione ofwanane yo nkento ambote-mbote, walutulwa.+
3 Avungudi bekwiza yo makambi mau.
Betunga e saba yau muna ndambu zandi zawonso,+Konso muntu onata twelezi muna madilu mandi.+
4 “Nukubama* nuenda kunuanisa!
Nutelama, twenda twanuanisa muna midi!”
“Tâtu kwa yeto! Kadi o kuma se kufwa,E tombe kia fuku mu wokela se kina!”
5 “Tutelama twanuana muna fuku,Twafwasa e nzo zandi zandá.”+
6 Kadi i wau wuwu kavovele o Yave a vu:
“Nukesa nti, nuatunga kundubulu muna nuanisa Yerusaleme.+
E yayi i mbanza ifwete tumbwa;Lubangamu kaka lwina mo.+
7 Nze una sima kilundilanga maza manzizi,E mbanza yayi i lundilu dia umpumbulu.
Nsoki yo lufwasu luwakananga mo;+Mayela ye vuku kaka ikalanga mo.
8 Wá lulukisu, e Yerusaleme, avo ke wau ko, ikukenonokena yo kubembola;+I kufwasa yo kukitula se nsi yakondwa wantu.”+
9 I wau wuwu kavovele o Yave a vu:
“Bewonzolola ana basala muna Isaele nze una bewonzololanga uva muna mpatu a vinyu.
Sia diaka koko muna nsing’a vinyu, nze una kevanganga muntu ovelanga uva.”
10 “Kwa nani mfwete vovesa yo lukisa?
Nani owá?
O matu mau makakamene,* i dianu balembi sila e sungididi.+
E diambu dia Yave dikitukidi kwa yau se luvezo;+Ke bayangalele dio ko.
11 I dianu vo nzele ye nsita za makasi ma Yave,Kilendi mo zizidila diaka ko.”+
“Bungula mo muna kindende kina muna nzila,+Muna buka kia matoko bakutakane.
Kangama bekangama, yakala yo nkaz’andi,Anunu ye boba.*+
12 E nzo zau zivewa kwa wantu ankaka,Kumosi ye mpatu zau ye akento au.+
Kadi ilambula koko kwame muna nkangu wa nsi,” u kavovele o Yave.
13 “Kadi tuka muna nleke yamuna mbuta, yau awonso besadilanga luvunu mu vua e nluta;+Tuka muna ngunza yamuna nganga, yau awonso bekuyivananga muna luvunu.+
14 Bevavanga wuka mputa za nkangu ame mu nzaki, oku vo,‘Luvuvamu! Luvuvamu!’
Kansi, luvuvamu nkatu.+
15 Nga nsoni bemonanga muna mambu mangemi bevanganga?
Ke bemonanga nsoni ko!
Ke bazeye nkutu mona nsoni ko!+
Muna kuma kiaki, bebwa vana vena awana babwidi kala.
Betá e sakuba vava ikubatwasila e tumbu,” u kavovele o Yave.
16 I wau wuwu kavovele o Yave:
“Nuningama muna mpambu za nzila, nuatala.
Nuyuvula e nzila zankulu,Nuyuvula kana akweyi kwina e nzila yambote, nuakangalela mo,+Nusolola e vundu kieno.”
Kansi, bavovele vo: “Ke tukangalela mo ko.”+
17 “Ntumbikidi ayingidi,+ ana bavovele vo,‘Nutamba matu muna zú dia mpungi!’”+
Oyau bavovele vo: “Ke tutamba matu ko.”+
18 “I dianu vo, nuwa yeno azula!
Nuzaya dio, e yeno nkangu,Edi dikubalwakila.
19 Wá, e nza!
Lufwasu itwasa kwa nkangu wau+Lukala se mfutu a makani mau mambi,Kadi ke bawidi mvovo miame ko,Babembwele nsiku ame.*
20 “Nkia mfunu dina kwa mono avo otwese ndumbu a nti a lebona ituka kuna SebaYe kane* utuka kuna nsi yandá?
O tukau tweno twawonso twangioka kitondele to ko,Kiyangalele yimenga yeno ko.”+
21 Muna kuma kiaki, i wau wuwu kavovele o Yave:
“Masakuba isia kwa nkangu wau,Betá mo sakuba,Mase yo wana,Afinangani ye akundi au,Yau awonso fwa befwa.”+
22 I wau wuwu kavovele o Yave:
“Nutala, nkangu utukidi kuna nsi ya node,Ye zula kiampwena kibundumwinu tuka kuna nsuka za nza.+
23 Bebonga mata ye madionga.
Akwa nsoki, ke befwila muntu nkenda ko.
E nding’au ikumba nze kalunga,Vava bekwizila muna mvalu.+
Bekiatama nze makesa muna kunuanisa, e mwan’ankento a Zione.”
24 Tuwidi e nsangu mu kuma kiaki.
Moko meto mayoyele;+Tumwene ntantuYe nsongo nze nkento owutanga.+
25 Kuvaika ko wenda kuna mpatu,Ngatu kangalela muna nzila,Kadi mbeni una ye nsosolo;E wonga una muna fulu yawonso.
26 E mwan’ankento a nkangu ame,Vuata e ngoto+ yo vindumuka vana ntoto ampolo.
Dila ye ntantu zawonso nze ngeye ofwidilu mwan’aku amosi kaka,+Kadi o mfwasi ku kinsalukisa kekutulwakila.+
27 “Ikitwidi* se mfipi a sengwa vana vena nkangu ame,Ona otoma vavululanga;Toma sia e sungididi, watoma tala e nzil’au.
28 Awonso akwa ntima miabala,+Makumbu i salu kiau.+
Bena nze nsongo ye sengwa;Awonso ampuki.
29 E sakasa* kividi.
O tiya tuvaikisi kaka mbodi.
O nkenzi nkatu-nkatu kefutukanga,+Kadi yimpumbulu ke bavambulwa ko.+
30 Kieleka, o wantu bekubayikila vo palata yabembolwa,Kadi Yave ubabembwele.”+
Mvovo vana yand'a lukaya
^ Mvovo wa sina: “Nuyivaula.”
^ Mvovo wa sina: “O matu mau malembi zengwa.”
^ Mvovo wa sina: “awana bazele ye lumbu yayingi.”
^ Yovo “longi diame.”
^ Tutu diansunga.
^ I sia vo, Yeremiya.
^ Lekwa kia vemonuena e tiya.
