Yeremiya 8:1-22
8 “E ntangwa yayina,” u kavovele o Yave, “e visi y’atinu a Yuda, visi y’akuluntu, visi y’anganga, visi yangunza ye visi ya nkangu a Yerusaleme katulwa ikatulwa muna ziami yau.
2 Bemwanga yo kuna nsi a ntangwa, kuna nsi a ngonde, kuna nsi a vu kiawonso kia zulu kina bazola, kina basadila, kina balanda, kina bavava ye kina bavumbamena.+ Ke bekutakeswa ko ngatu zikwa. Bekala nze mbole vana ntoto.”+
3 “Muna fulu yawonso ina ikubamwanganesa, awana besala o moyo muna kanda diadi diambi, lufwa besola ke moyo ko,” u kavovele o Yave a vu.
4 “Ubavovesa vo: ‘I wau wuwu kavovele o Yave:
“Nga bwa bebwa yo telama diaka?
Avo mosi ovutukidi manima, nga wankaka ke vutuka diaka manima ko e?
5 Ekuma nkangu wau wa Yerusaleme batatamene muna fu kiau kia kondwa kwikizi?
Batatididi kaka luvunu;Ke bazolele vutuka manima ko.+
6 Ngunikini yo wá, kansi ke bavovele mambu mansongi ko.
Ke vena muntu ko ovilukidi o ntima muna bi wandi, ngatu yuvula vo: ‘Nkia diambu mpangidi?’+
Yau awonso bavutukidi mavangu ma ndonga, nze mvalu ulwasumukini kuna vita.
7 E kimbembe nkutu kuna zulu ozeye nsungi andi;*E mbwela ye mvengi a mpunza ye nlengwa* bazeye ntangw’au yavutuka.
Kansi o nkangu ame ke bazeye mfundisa za Yave ko.”’+
8 ‘Aweyi nulenda vovela vo: “Tu akwa ngangu, tuna yo nsiku a Yave”?
Kieleka, e lapi*+ kia luvunu kia asoneki, luvunu kaka kisonekanga.
9 Akwa ngangu bafusulwisu e nsoni.+
Bazakamene yo bakama.
Babembwele diambu dia Yave,Nkia mpila ngangu bena zau?
10 Muna kuma kiaki se yavana akento au kwa wantu ankaka,E mpatu zau kwa avati akaka;+Tuka muna nleke yamuna mbuta, yau awonso besadilanga luvunu mu vua e nluta;+Tuka muna ngunza yamuna nganga, yau awonso bekuyivananga muna luvunu.+
11 Bevavanga wuka mputa za mwan’ankento a nkangu ame mu nzaki, oku vo:
“Luvuvamu! Luvuvamu!”
Kansi, luvuvamu nkatu.+
12 Nga nsoni bemonanga muna mambu mangemi bevanganga?
Ke bemonanga nsoni ko!
Ke bazeye nkutu mona nsoni ko!+
Muna kuma kiaki, bebwa vana vena awana babwidi kala.
Betá e sakuba vava ikubatwasila e tumbu,’+ u kavovele o Yave.
13 ‘Vava ikubakutakesa, ikubafukisa,’ u kavovele o Yave.
‘Ke mukala diaka uva ko muna nsing’a vinyu, ngatu bundu ya nsanda muna nsanda, o makaya melengela.
Bevidisa ina yabavana.’”
14 “Ekuma tuvuandidi ovava?
Yambula twakutakana, twakota muna mbanza zangolo+ kimana twafwila mûna,Kadi o Yave wa Nzambi eto okutufwasa.
Utuvene maza masiwa nlongo miampondi twanua,+Kadi Yave tusumukini.
15 Luvuvamu lwavingilwanga, kansi ke valweke diambu diambote ko,Ntangw’a wukwa, kansi wonga kaka una vo!+
16 E nkufun’a mvalu miandi iwakane tuka kuna Dani.
Muna kazu kia mvalu miandi,E nza yawonso izakamene.
E mbeni zikotele yo fukisa e nsi yayi ye yawonso ina mo,E mbanza ye nkangu andi.”
17 “Kadi ikunutwikila nioka,Nioka za mpondi ezi ke zilendi lemvolwa ko,Bekunutatika kikilu,” u kavovele o Yave.
18 E ntantu zame ke zifokoka ko;Ntim’ame uyelele.
19 E kazu kia mwan’ankento a nkangu ameKitukidi kuna nsi yandá:
“Nga Yave kena muna Zione ko e?
Nga ntinu andi kena mo ko e?”
“Ekuma bankendelekele muna teke yau yavalwa,Ye nzambi zau za nzenza zakondwa o mfunu?”
20 “E nkutika iviokele, e nsungi a mvula ifokokele,Kansi yeto ke twavuluzwa ko!”
21 Mbwene ntantu mu kuma kia mputa za mwan’ankento a nkangu ame;+Nkendalele kibeni.
Mbakamene wonga.
22 Muna Ngiladi ke muna balasamu* ko e?+
Nga ke muna nwuki ko e?+
Ekuma mwan’ankento a nkangu ame kalembi sasukila?+
Mvovo vana yand'a lukaya
^ Yovo “ntangwa yasikidiswa.”
^ Nanga, “seke.”
^ Yovo “pena.”
^ Yovo “bami yalembekela ndunzi.”
