Yeremiya 9:1-26
9 Ekwe kele vo ntu ame wakala nze sima kiazala yo maza,O meso mame makala se nto a mansanga!+
Yadi dila fuku yo mwiniMu kuma kia awana bavondwa muna nkangu ame.
2 Ekwe kele vo yakala ye fulu kia lwakila muna makanga!
Yadi sisa nkangu ame, kimana yabavavukaKadi yau awonso minta zumba,+Buka kia ayekodi.
3 Bafumbikidi tubini twau nga mfumba;Luvunu luwokele mu nsi, ke ziku ko.+
“E mbi au mu wokela kaka ina,Ke bekungwilanga ko,”+ u kavovele o Yave.
4 “Konso muntu kayikeba muna nkwandi,Kana nkutu mpangi, kalendi bundwa vuvu ko.
Kadi ampangi awonso ayekodi,+Akundi awonso akumbi.+
5 Konso muntu ovunanga nkwandi,Kavena mosi ko ovovanga e ludi.
Balonga tubini twau o luvunu.+
Bayoyele mu kuma kia mavangu mambi.
6 Ngeye va kati kwa avuni ozingilanga.
Wau vo akwa luvunu kwau, ke bazolele kunzaya ko,” u kavovele o Yave.
7 Muna kuma kiaki, i wau wuwu kavovele o Yave a vu:
“Kenza ikubakenza yo kubatonta,+Ozevo, adieyi diaka ndenda vanga kwa mwan’ankento a nkangu ame?
8 O lubini lwau i nzanz’a mpondi, vuna luvunanga.
Muna nua miau bevovanga mambu ma luvuvamu kwa muntu yo nkwandi,Kansi kuna nsi a mbundu, bekondelelanga.”
9 “Nga kifwete kubafundisa ko muna kuma kia mambu mama?” u kavovele o Yave.
“Nga kifwete landa kunda ko muna zula kia mpila yayi?+
10 Dila idila yo kendalala kikilu mu kuma kia miongoYo bonga mbembo* mu kuma kia madilu ma nzanza,Kadi mayokelo, dianu vo ke muviokela muntu ko,O mazu ma twelezi ke mewakana diaka ko.
E nuni za zulu ye bulu ya mfuta itinini;+
11 Ikitula Yerusaleme se mazumbu ma matadi+ ye matininu ma mbulu,+Ikitula mbanza za Yuda se mfuta, ke mukala diaka wantu ko.+
12 Nani una ye ngangu zafwana kabakula e diambu diadi?
Kwa nani uvovele o nu’a Yave kasamuna dio?
Ekuma e nsi ifwasilu?
Ekuma iyumini nze makanga,Kimana mwalembi viokela muntu?”
13 Yave ovutwidi vo: “Kadi babembwele nsiku ame* una yasia vovo bena, ke balende wo ko ngatu lemvokela nding’ame.
14 Kansi, babadisi ntima miau+ yo landa e teke ya Bale, nze una balongwa kwa mase mau.+
15 Muna kuma kiaki, i wau wuwu kavovele o Yave a vu, wa Nzambi a Isaele: ‘Idikila nkangu wau malulu yo kubanuika maza masiwa nlongo miampondi.+
16 Ikubamwanganesa muna zula ina balembi zaya oyau yo mase mau,+ itwika nsosolo kuna nim’au yavana ukubafukisa emvimba.’+
17 I wau wuwu kavovele o Yave a vu:
‘Nukala ye umbakuzi.
Nutumisa akento ana beyimbilanga nkunga mia maniongo,*+Nubokelesa akento a ngangu beza,
18 Kimana bazabuka, batuyimbidila nkunga mia maniongo,O meso meto makukula mansangaE ve ya meso meto yakukulwisa maza.+
19 Kadi e nding’a dilu iwakana tuka kuna Zione vo:+
“Tufukisu emvimba!
Tufusulwisu kikilu e nsoni!
Kadi tusisidi e nsi eto, bawudidi e nzo zeto.”+
20 E yeno akento, nuwa e diambu dia Yave.
Yambula matu meno matambulwila diambu dia nu’andi.
Nulonga wan’eno amakento e nkunga miami mia maniongo,Konso muntu kalonga mbembo yayi kwa nkwandi.+
21 Kadi lufwa lutombokele muna zianela zeto;Lukotele muna nzo zeto za zulu zangoloKimana lwavonda wana muna nzilaYe matoko muna ntanda.’*+
22 Vova vo: ‘I wau wuwu kavovele o Yave:
“Mavimbu ma wantu mesotoka nze mbole muna mpatu,Nze ntete mia masa masâkilu ke kolo ko mina kasisidi kuna nima o nsadi,Muntu okutika mio nkatu.”’”+
23 I wau wuwu kavovele o Yave:
“O nkwa ngangu kayisani mu kuma kia ngangu zandi ko;+O nkwa nkuma kayisani mu kuma kia nkum’andi ko;O mvuama kayisani mu kuma kia kimvuama kiandi ko.”+
24 “Kansi, ndiona okuyisana yambula kayisanina muna mambu mama:
Avo una ye umbakuzi yo kunzaya,+Vo mono i Yave, ona osonganga walakazi,* ziku ye unsongi ova nza,+Kadi mambu mama i mau iyangalelanga,”+ u kavovele o Yave.
25 “Nutala! E lumbu ikwiza,” u kavovele o Yave, “itumba awonso ana bazengwa kana una vo ke bazengwa kikilu ko,+
26 Engipito+ ye Yuda+ ye Edome+ yo Aneyamone+ ye Moabe,+ ye awonso ana bazengwa e nsuki, ana bezingilanga muna makanga;+ kadi e zula yawonso yalembi zengwa, e nzo a Isaele yawonso yalembi zengwa muna ntima.”+
Mvovo vana yand'a lukaya
^ Yovo “nkung’a mafwa.”
^ Yovo “longi diame.”
^ Yovo “nkunga mia mafwa.”
^ Yanzala kiakutakenanga nkangu mu teka, sumba lekwa yo tela mambu.
^ Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
