Yesaya 15:1-9
-
Nsangu za mfundisa mu kuma kia Moabe (1-9)
15 Nsangu za mfundisa mu kuma kia Moabe:+
Wau vo ifwasilu mu fuku umosi kaka,E Are+ ya Moabe ikangilu o nua.
Wau vo ifwasilu mu fuku umosi kaka,E Kire+ ya Moabe ikangilu o nua.
2 Oyandi otombokele kuna Nzo* ye kuna Dibone,+Kuna mabata mu dila.
O Moabe odididi mu kuma kia Nebo+ ye Medeba.+
E ntu miawonso mivadilu,+ e nzevo zawonso zizengelo.+
3 Bavuete e ngoto muna nzila zau.
Vana nludi miau ye muna ntanda* miau, yau awonso mu dila bena;Badididi ekolo bekulumukanga.+
4 E Kesebone ye Elale+ mu kaza bena;E zú dia nding’au diwakane yakuna Yaza.+
Ekiaki i kuma makesa ma Moabe mekazilanga.
Oyandi mu zakama kena.*
5 O ntim’ame ukazidi mu kuma kia Moabe.
E mintayila miandi mitinini yakuna Soare+ ye Engelate-silesia.+
Batombokele e ntombok’a Lukiti ye dilu;Muna nzil’a Koronaime babokanene mu kuma kia nkosomoka.+
6 Kadi e maza ma Nimerime mayumini emvimba;E titi yankunzu iyumini,E titi ifokokele, ke vasidi kana ma kimosi kia nkunzu ko.
7 Kiaki i kuma banatini yawonso isuvidi muna ina belundanga ye muna imvuama yau;Basaukidi o ndimb’a nti mia alava.
8 E zú dia kazu diwakane muna zunga kiawonso kia Moabe.+
E dilu kilweke yakuna Engelaime;E dilu kilweke yakuna Bere-elime.
9 Kadi e maza ma Dimone mazele yo menga,Mayingi diaka ngina mau mu kuma kia Dimone:
Nkosi mosi mu kuma kia mintayila mia MoabeYe mu kuma kia awana basidi muna nsi.+
Mvovo vana yand'a lukaya
^ Yovo “Tempelo.”
^ Yanzala kiakutakenanga nkangu mu teka, sumba lekwa yo tela mambu.
^ Yovo “Moyo andi mu zakama wina.”
