Yesaya 16:1-14
-
Nsangu za mfundisa mu kuma kia Moabe zikwamanene (1-14)
16 Nutwika meme dimosi dia koko kwa nyadi a nsi,Tuka kuna Sela muna nzil’a makangaYakuna mongo a mwan’ankento a Zione.
2 Nze nuni iyinganeso vana nzialw’andi,+I una bekala o wan’amakento a Moabe vana masau ma Arenone.+
3 “Vana e longi, lungisa e nzengo.
Kitula e kini kiaku se fuku muna midi.
Sweka ana bamwanganene, kuyekola ana batayidi ko.
4 E Moabe, yambula ana bamwanganene bazingila ova kati kwaku.
Kituka se swekameno kwa yau mu kuma kia mfwasi.+
O mbangiki osuka,O lufwasu lufokoka,Awana bediatakesanga akaka bevila ova ntoto.
5 I bosi, kunda kia kimfumu kitoma sikidiswa muna walakazi.*
Ndiona ovuanda vo muna saba kia Davidi, nkwa ziku kekala;+Mu unsongi kefundisila, mu nzaki kevangila edi diansongi.”+
6 Tuwidi e nsangu za lulendo lwa Moabe—oyandi nkwa lulendo lwasaka+—Tuwidi o kuyitundidika kwandi yo lulendo lwandi ye nsita zandi;+Kansi, e mvovo miandi miankatu ke mivanga diambu ko.
7 Ekiaki i kuma o Moabe kedidila mu kuma kia Moabe;Yau awonso bedila.+
Awana bawendo dila bedila mu kuma kia yimbolo-mbolo ya uva ya Kire-karesete.+
8 Kadi e mpatu za Kesebone+ ziyumini,O nsing’a vinyu a Sibema,+Ayadi a zula badiatakese tayi yandi yazala ye uva zambwaki;*Eyi yalwaka yakuna Yaze;+Eyi yayalumuka muna makanga.
E tayi yandi yayalumuka yo lwaka yakuna kalunga.
9 I dianu ididila mu kuma kia nsing’a vinyu a Sibema nze una ididilanga mu kuma kia Yaze.
Ikuyondeleka yo mansanga mame, e Kesebone ye Elale,+Kadi e nkololo mu kuma kia bundu yaku ya nsungi a mvula ye nkutik’aku zifokokele.*
10 E kiese yo luyangalalu lukatukidi muna mpatu a nti mia bundu,Muna mpatu za vinyu ke mwina ye nkunga mia kiese ko ngatu nkololo.+
Muna makaminu ke mututilwanga diaka uva ko,Kadi mfokwel’e nkololo.+
11 Ekiaki i kuma e vumu kiame kibulukwitidi mu kuma kia Moabe,+Nze nsinga mia kokolo;E ndia miame mpe mibulukwiti mu kuma kia Kire-karesete.+
12 Kana nkutu vo Moabe ukiyoyese vana bata yo kota muna nzo andi avauka mu samba, ke lenda vanga diambu ko.+
13 Emiami i mvovo kateka vova o Yave mu kuma kia Moabe.
14 Owau Yave ovovele vo: “Vitila mvu ntatu miafokoka, nze mvu mia nsadi ofutwanga,* o nkembo a Moabe ukululwa muna mvuanga za mpila zawonso, awana besala akete kikilu bekala ye bakondwa o mfunu.”+
Mvovo vana yand'a lukaya
^ Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
^ Yovo “tayi yandi yambwaki.”
^ Nanga, “Kadi e kazu kia vita kizidi muna bundu yaku ya nsungi a mvula ye nkutik’aku.”
^ Yovo “mitangwa wauna uvanganga o nsadi ofutwanga;” i sia vo, muna kolo kia mvu tatu kikilu.
