Yesaya 25:1-12
25 E Yave, ngeye i Nzambi ame.
Itundidikidi, nkembele nkumbu aku,Kadi ovangidi mambu masivi,+O mambu wakana* tuka kuna nz’ankulu,+Muna kwikizi,+ muna sikididi.
2 Kadi okitwidi mbanza se fuku dia matadi,Okitwidi e mbanza yazungwa e yaka se zumbu.
E mbanza anzenza ke isidi diaka mbanza ko;Ke itungululwa diaka ko.
3 Muna kuma kiaki, nkangu ankuma ukukembelela;E mbanz’a zula ya abangiki ikumona wonga.+
4 Kadi okitukidi se swekameno diangolo kwa ndiona okondelo nsadisi,Se swekameno diangolo kwa nsukami muna mpasi zandi,+Se tininu dia mvul’a mupepe angolo,Ye viozi mu kuma kia mbangazi.+
Vava e mpemok’abangiki ikalanga nze mvula mupepe iwandamanga mu yaka,
5 Nze mbangazi muna ntoto ayuma,Ongeye okululanga mazu ma anzenza.
Wauna e mbangazi ikululwilwanga kwa kini kia tuti,Muna mpila yayi, o nkung’abangiki usukisu.
6 Omu mongo wau,+ Yave a vu okubikila nkangu miawonsoE lambu dia madia mambote,+E lambu dia vinyu yambote,*Dia madia mambote mazala yo nluku,Dia vinyu yambote, yakenzwa.
7 Vana mongo wau, oyandi okatula* fukwa kifukanga nkangu miawonsoO nlele una* vana ntandu a zula yawonso.
8 Oyandi ofokola* lufwa yakwele mvu,+O Mfumu Yave okunguna mansanga muna ndose zawonso.+
Okatula lusembo lwa nkangu andi omu nza yawonso,Kadi yandi kibeni Yave ovovele wo.
9 Muna lumbu kiakina bevova vo:
“Tala! Ondioyu i Nzambi eto!+
Tusidi e vuvu kieto muna yandi,+Oyandi okutuvuluza.+
Ondioyu i Yave!
Tusidi e vuvu kieto muna yandi.
Yambula twamona e kiese yo yangalela muna luvuluzu lwandi.”+
10 Kadi o koko kwa Yave kuvundila vana mongo wau,+E Moabe idiatakeselwa vana fulu kiandi+Nga titi idiatakeselo vana fuku dia mbole.
11 Oyandi owanda yo* muna moko mandiWauna o muntu osiensianga* kewandilanga o maza muna moko mandi mu siensia,Okulula lulendo lwandi+Muna kuwandila muna moko mandi mazeye toma wanda.
12 Oyandi owula e mbanza yazungwa e yaka,Ye yaka yandi yandá ya lutaninu;Obwisa yo vana ntoto, vana mbundukutu kikilu.
Mvovo vana yand'a lukaya
^ Yovo “malongi wavana.”
^ Yovo “vinyu yalundwa ye boto.”
^ Yovo “E fukwa kina.”
^ Mvovo wa sina: “omina.”
^ Mvovo wa sina: “omina.”
^ I sia vo, Moabe.
^ Yovo “otanga mansa.”
