Yesaya 28:1-29
28 Nkenda kwa kolow’a* lusanu* ya minkolwa malavu mia Eferaime+Yo nkembo a vienga kwandi kuna nga luvuma lwalengela,Luna vana ntu a ndimba utoma yimanga e mbongo, wa awana basundilu kwa vinyu!
2 Tala! Yave otuma nkwa ngolo ye nkwa nkuma.
Nze mvul’a tembwa kiangolo ye miandazi yo matadi, tembwa kiangolo kia lufwasu,Nze kimbongela kitwasanga kizalu kiampwena,Muna ngolo zawonso, oyandi otuba e kolowa vana ntoto.
3 E kolow’a lusanu* ya minkolwa malavu mia EferaimeDiatakeswa idiatakeswa.+
4 Yo luvuma lwalengela lwa nkembo a vienga kwandi,Luna vana ntu a ndimba utoma yimanga e mbongo,Ukituka nze bundu yantete ya nsanda vitila nsungi a mvula.
Vava muntu kemona yo, ovela yo dia yo vana vau.
5 Muna lumbu kiakina, Yave a vu okituka se kolow’a nkembo a kimfumu ye kolow’ambote ya mvuma kwa awana besala muna nkangu andi.+
6 Okituka se mwand’a unsongi kwa ndiona ofongele mu fundisa, se nto a nkuma kw’awana beyinganga e mbeni vana vitu.+
7 Anganga ye angunza batungianene mu kuma kia vinyu;Malavu mau mankolwa mabasansalese.
Batungianene mu kuma kia malavu mankolwa,E vinyu ibavidisi e ngindu,Oyau basansalele mu kuma kia malavu mau mankolwa;E mona-meso kiau kibatungianese,Bavangidi vilwa muna mfundisa.+
8 Kadi meza mau mazele ye luki yangemi—Ke vena fulu kikondelo luki ko.
9 Bavovele vo: kwa nani kelonga o zayi,Kwa nani kesasila e nsangu?
Nga kwa awana bataukidi,Awana bakatwilu muna mayene?
10 Kadi i “nkanikinu vana ntandu a nkanikinu, nkanikinu vana ntandu a nkanikinu,Nsiku vana ntandu a nsiku, nsiku vana ntandu a nsiku,*+Ndambu oku, ndambu okuna.”
11 Muna mpila yayi, oyandi ovovesela nkangu wau muna awana bekukumanga* ye muna nding’a kinzenza.+
12 Oyandi wabavovesa vo: “Ekiaki i fulu kiavundila. Nuyambula ona otovokele kavunda; ekiaki i fulu kiavuvamena,” kansi ke bazola wá ko.+
13 Muna kuma kiaki, kuna kwa yau e diambu dia Yave owu dikala:
“Nkanikinu vana ntandu a nkanikinu, nkanikinu vana ntandu a nkanikinu,Nsiku vana ntandu a nsiku, nsiku vana ntandu a nsiku,*+Ndambu oku, ndambu okuna,”Kimana vava bekangala,Betá e sakuba yo bwa manimaBetoloka, befwa mu ntambu yo bakama.+
14 Muna kuma kiaki, nuwá e diambu dia Yave oyeno akwa lusanu,Ayadi a nkangu bena mu Yerusaleme,
15 Kadi oyeno nuvovanga vo:
“Tukangidi e kangu yo Lufwa,+Tuwizanene* ye Ziami.*
Vava kizalu kiangolo kivioka,Ke kikutulwakila ko,Kadi tukitwidi luvunu se tininu dietoTuyiswekele muna luvunu.”+
16 Muna kuma kiaki, i wau wuwu kavovele o Mfumu Yave:
“Tala! Nsidi muna Zione tadi diatontwa se nkubilwa,+E tadi diantalu dia konko+ dia nkubilwa yasikila.+
Konso ona osonga lukwikilu ke mona wonga ko.+
17 Ikitula unsongi se nsing’a tezela+E ndungidi se nsing’a nzaba.*+
E mvul’a matadi ifwasa e tininu dia tuvunu,E maza melanga e fulu kiaswekamena.
18 E kangu dieno yo Lufwa fwaswa difwaswa,E ngwizani eno ye Ziami* ke isikila ko.+
Vava e kizalu kiangolo kivioka,Fwasa kikunufwasa.
19 Konso ntangwa kivioka,Komba kikunukomba;+Kadi kivioka mene ke mene,Muna mwini ye muna fuku.
Wonga kaka ukubafila mu bakula e nsas’a diambu diwakene.”*
20 Kadi e mfulu ikufi kikilu muna yo leka,E vunga dikufi kikilu muna kuyifukila.
21 Kadi Yave otelama nze una katelamena vana Mongo a Perasime;Oyandi ofwema nze una kafwemena vana ndimba una lukufi ye Ngibone,+Kimana kavanga e vangu diandi—e vangu diandi diasivi—Kimana kalungisa e salu kiandi—e salu kiandi kianzenza.+
22 Owau ke nuvezi ko,+Kimana tuvambu tweno twalembi toma bwetwa diaka,Kadi ngwidi kwa Mfumu Yave a vu vo,Okanini fwasa e nsi yawonso.*+
23 Nutamba o matu yo wá e nding’ame;Nusia e sungididi yo wá mana mvovanga.
24 Nga mvati a nsengo ovatanga kaka lumbu kiawonso vitila kakuna e mbongo e?
Nga o ntoto kaka kewulanga yo leleka ntangwa zawonso e?+
25 Vava kelelekanga o ntoto,Nga ke mwanganga wo kumini-andombe ko yo kuna e kumini?
Nga ke kunanga witi ko, milete ye bale muna fulu yauYe sepeleta+ muna mingilu e?
26 Kadi Nzambi okuntumbanga* mu mpila yambote;O Nzambi andi okunlonganga.+
27 Kadi e kumini-andombe ke ibundilwanga mu bundilwa kiameno ko,+O lungungu lwa kalu ke luvindumunuanga vana ntandu a kumini ko.
Kansi, e kumini-andombe mu nti ibundilwanga,E kumini mu nkau.
28 Nga muntu mbwaza kenikanga mu vanga e mbolo?
Ve, oyandi ke bundanga zo ntangwa zawonso ko;+Vava keviokesanga lungungu lwa kalu vana ntandu ye mvalu miandi,Ke nikanga zo ko.+
29 Ediadi mpe kwa Yave a vu ditukidi,Malongi mandi* masiviYe mavangu mandi manene.*+
Mvovo vana yand'a lukaya
^ Yovo “umvuania; lulendo.”
^ Nanga o mvovo wau mbanza kimfumu uyikanga, i sia vo, Samaria.
^ Yovo “umvuania; lulendo.”
^ Mvovo wa sina: “Nsing’a tezela vana ntandu a nsing’a tezela, nsing’a tezela vana ntandu a nsing’a tezela.”
^ Mvovo wa sina: “muna kukuma kwa befo.”
^ Mvovo wa sina: “Nsing’a tezela vana ntandu a nsing’a tezela, nsing’a tezela vana ntandu a nsing’a tezela.”
^ Nanga, “tulunganes’e mona-meso.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Nsinga usadilwanga kwa atungi muna singika e yaka.
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Nanga, “Vava bebakula, oyau bemona kikilu o wonga.”
^ Yovo “ntoto awonso.”
^ Yovo “okunlonganga.”
^ Yovo “Makani mandi.”
^ Yovo “ngangu zandi zanene.”
