Yesaya 35:1-10
35 O makanga ye nsi ayuma iyangalala,+O nzanza umona e kiese yo mena e mvuma nze safoni.+
2 Umena kikilu e mvuma;+Uyangalala yo kaza ye kiese.
Uvewa nkembo a Lebanone,+Kumosi yo wete wa Kamele+ ye Sarone.+
Wantu bemona o nkembo a Yave, o wete wa Nzambi eto.
3 Nukumika o moko mayovoka,Nusiamisa makungunu mezakamanga.+
4 Nuzayisa awana batelameno ntima vo:
“Nukumama. Ke numoni wonga ko.
Tala! O Nzambi eno okwiza landa e nkunda,Nzambi okwiza senda.+
Oyandi okwiza ye okunuvuluza.”+
5 Muna ntangwa yayina, o meso m’ampofo memona,+O matu ma afwa matu mewá.+
6 Muna ntangwa yayina, o makoka metakuzioka nze mvanda,+O lubini lwa mababa lukaza ye kiese.+
Kadi o maza mefwamfumuka muna makanga,E nkoko muna nzanza.
7 O ntoto ayuma ukituka se yanga dia maza diazala ye mabu,O ntoto ayuma ukituka se nto za maza.+
Muna fulu ina ivundilanga e mbulu,+Mukala ye titi yankunzu, matutu ye mawu.
8 Mukala mpe ye bala-bala yampwena,+Elo, nzila ina iyikilwa vo Nzil’a Vauka.
O muntu afunzuka ke diatila mo ko.+
Ikala kaka se ya ndiona okangalelanga muna nzila;O zowa ke vumvulwila mo ko.
9 Omwamuna ke mukala nkosi ko,Ke muviokela kana bulu kimosi kiansisi ko.
Ke besoloka mo ko;+Awana kaka bekûlwa i bekangalela mo.+
10 Awana bekûlwa kwa Yave bevutuka+ yo kwiza kuna Zione ye kazu kiakiese.+
E kiese kiakwele mvu kikala se kolowa vana ntu miau.+
Beyangalala yo mona e kiese,E ntantu ye bumu kifokoka.+
