Yesaya 45:1-25
45 I wau wuwu mpovele omono Yave kwa kuswa kiame, kwa Kurese,+Ona nsimbidi o koko kwalunene+Muna sakidika e zula vana ntadisi andi,+Muna kutumuna e nuaninua ya* atinu,Muna ziula e mielo mia yelo yole oku ntwal’andi,Ozevo, mavitu ke mezikama ko:
2 “Ikwenda kuna ntwal’aku,+Leleka ileleka e kundubulu.
Ikosomona e yelo yansongo,Izengonona e mbindi za sengwa.+
3 Ikuvana tusalu twaswekama muna tombeYo tusalu twaswekwa muna fulu yaswekama,+Kimana wazaya wo vo mono i Yave,Wa Nzambi a Isaele, ona okubokelanga muna nkumbu aku.+
4 Mu kuma kia Yakobo wa selo kiame ye mu kuma kia Isaele ona yasola,Mono ikubokelanga muna nkumbu aku.
Ivene nkumbu a luzitu, kana una vo kunzeye ko.
5 Mono i Yave, ke vena wankaka ko.
Ke vena Nzambi ankaka ko, mono kaka.+
Ikukumika,* kana una vo kunzeye ko,
6 Kimana wantu bazaya wo voTuka kuna kuvaikilanga e ntangwa yakuna kudimukinanga e ntangwa*Ke vena diaka wankaka ko, mono kaka.+
Mono i Yave, ke vena wankaka ko.+
7 Mono itwasanga o ntemo+ ye tombe,+Luvuvamu+ ye mpasi;+Omono Yave, ivanganga mawonso mama.
8 E zulu, nokesa unsongi tuka kuna ntandu;+Yambula matuti mapongola unsongi.
Yambula o ntoto waziuka yo yima luvuluzuYambula wamenesa unsongi muna ntangwa yau imosi.+
Mono Yave nsemene wo.”
9 Nkenda kwa ndiona otantananga* yo Mvangi andi,*Kadi oyandi mpasi belengenze kia tûma kwandiVana vena belengenze ya tûma ina vana ntoto!
Nga o tûma tulenda vova kwa Nwumbi* vo: “Nki ovanganga e?”+
Yovo kina ovangidi kiavova vo: “Ongeye kwina yo moko ko e?”*
10 Nkenda kwa ndiona ovovele kwa se vo: “Ekuma wangutila?”
Ye kwa ngudi vo: “Ekuma wambwenena e nsongo?”
11 I wau wuwu kavovele o Yave, wa Mvauki a Isaele,+ Ndiona wansema:
“Nga oyeno nufwete kunkatikisa mu kuma kia mambu mekwizaYo kumpana nkanikinu mu kuma kia wan’ame+ ye salu ya moko mame?
12 Mono yasema o ntoto,+ yavanga o muntu una vo.+
Yayalumuna e zulu muna moko mame,+Yo vana nkanikinu kwa vu yau yawonso.”+
13 “Mvaikisi muntu muna unsongi wame,+Isingika e nzila zandi zawonso.
Yandi otunga e mbanza ame+Yo vaikisa nkangu ame muna kinkole+ lembi tambula mfutu yovo mbabu,”+ u kavovele o Yave a vu.
14 I wau wuwu kavovele o Yave:
“O nluta wa* Engipito ye kinkita kia* Etiopia ye Aneseba, akwa ntel’andá,Bekwiza kwa ngeye yo kituka se wantu aku.
Bekulanda kuna nima muna tuvambu.
Bekwiza yo kuvumbamena.+
Bevova muna luzitu lwawonso vo: ‘Kieleka, o Nzambi wina yaku,+Ke vena wankaka ko; ke vena Nzambi yankaka ko.’”
15 Kieleka, ngeye i Nzambi ona wina vo ke ntangwa zawonso ko osengomonanga mavangu maku,E Nzambi a Isaele, wa Mvuluzi.+
16 Yau awonso nsoni befusulwiswa yo vezwa;Avangi awonso a teke mu nsoni bekwendela.+
17 Kansi Isaele ovuluzwa kwa Yave muna mpuluza yakwele mvu.+
Ke nufusulwiswa nsoni ko ngatu vezwa yakwele mvu.+
18 Kadi i wau wuwu kavovele o Yave,O Nsemi a zulu,+ wa Nzambi aludi,Ndiona wasema o ntoto yo vanga wo, ona watoma wo sikidisa,+Ona kasema wo nkatu ko, kansi wasema wo kimana wazingilwa kwa wantu:+
“Mono i Yave, ke vena wankaka ko.
19 Kivovele va fulu kiaswekama ko+ ngatu mu nsi a tombe;Kivovele kwa mbongo a Yakobo ko vo:
‘Numpava, kansi ngolo zankatu nuvanga.’
Mono i Yave, ona ovovanga edi diansongi yo samuna edi dialudi.+
20 Nukutakana, nuiza.
Nufinama, oyeno nuvukidi muna zula.+
Awana benatanga e teke yavalwa ke bazeye diambu koBesambanga kwa nzambi ona kalendi kubavuluza ko.+
21 Nusunzula e nsangu zeno, nusunzula mfundu eno.
Yambula basongaziana e ngindu kumosi.
Nani wasakula e diambu diadi tuka kuna nz’ankuluYo zayisa dio tuka kolo?
Nga ke mono Yave ko e?
Ke vena Nzambi yankaka ko, mono kaka;Nzambi a unsongi ye Mvuluzi,+ ke vena wankaka ko, mono kaka.+
22 Nuvutuka kwa mono nuavuluzwa,+ oyeno nsuka zawonso za nza,Kadi mono i Nzambi, ke vena wankaka ko.+
23 Ndidi e ndofi muna mono kibeni;E diambu divaikidi muna nu’ame dialudi,Ke divutuka ko:+
Makungunu mawonso mekumfukamena,O tubini twawonso tudia e ndofi ya ziku+
24 Yo vova vo: ‘Kieleka, muna Yave mwina unsongi yo nkuma wakieleka.
Awonso bamfungidi o makasi bekwiza ye nsoni vana ntadisi andi.
25 Muna Yave, e mbongo yawonso ya Isaele isonga vo ndungidi bena yau,+Muna yandi i bekuyisanina.’”
Mvovo vana yand'a lukaya
^ Mvovo wa sina: “Muna zezesa tuketo twa.”
^ Mvovo wa sina: “Itoma kuzitika.”
^ Yovo “Tuka kuna este yakuna weste.”
^ Yovo “onuananga.”
^ Yovo “kwa Ndiona wansema.”
^ Yovo “kwa Ndiona ovanganga to.”
^ Nanga, “Yovo kina ovangidi kilenda vova vo: “E salu kiaku ke kina yo moko ko e”?”
^ Nanga, “Asadi a.”
^ Nanga, “ye akiti a.”
