Yesaya 50:1-11
50 I wau wuwu kavovele o Yave:
“Nga nkand’a vondela longo+ yavana kwa ngudi eno vava yansindika?
Nga kwa muntu yadia e mfuka yanuteka e?
Tala! Mu kuma kia bi weno+ i nuatekelwa,Mu kuma kia ukolami weno i kasindikilwa o ngudi eno.+
2 Ozevo, ekuma ke vakadila muntu ko vava yayiza?
Ekuma ke vakadila muntu ko kamvutula vava yaboka?+
Nga o koko kwame kwankufi-nkufi muna kûla,Nga kina yo nkuma wa vuluza ko e?+
Tala! Ngiumisi o kalunga muna lusembo lwame;+Ikitulanga e nkoko se makanga.+
E mbizi zau zitanga e nsudi wau vo maza nkatu,Zifwanga mu kuma kia vuina.
3 Ivuikanga e zulu e tombe kina e bu,+Ifukilanga dio e ngoto.”
4 O Mfumu Yave umpene lubini lwa awana balongwa,*+Kimana yazaya una ndenda vovela diambu dialufiaulwisu kwa* ndiona otovokele.+
Okunsikamesanga mene ke mene;Osikamesanga o matu mame kimana yawá nze awana balongwa.+
5 O Mfumu Yave oziwidi matu mame,Omono kikolamene ko.+
Kivilukidi ku sambu diankaka ko.+
6 Ntambidi e nim’ame kwa awana bekungwandangaNtambidi mabundi mame kwa awana bekumvuzanga e nzevo.
Kiswekele lose lwame ko vava mvezelo yo taulwilwa o mete.+
7 Kansi, o Mfumu Yave okunsadisa.+
Muna kuma kiaki, o luvezo ke lukumpanga diambu ko.
Muna diadi, mbadisi o lose lwame nga tadi diangolo,+Nzeye wo vo kifusulwiswa nsoni ko.
8 Ona okundungisanga una ova ndambu.
Nani olenda kundata ku mfundu e?*+
Yambula twatelama kumosi.*
Nani wina yo mfundu mu kuma kiame?
Yambula kamfinama.
9 Tala! O Mfumu Yave okunsadisa.
Nani okungielesa o nkanu e?
Yau awonso befwasuka nga mvuatu.
E nselele zikubadia.
10 Nani vovo nuina ovuminanga YaveYo wá e nding’a selo kiandi?+
Nani odiatilanga muna tombe kiangolo kondwa kwa ntemo e?
Yambula kabunda e vuvu muna nkumbu a Yave yo tadila Nzambi andi.
11 “Tala! Kwa yeno awonso nukwikanga o tiya,Yo vaikisa ntimbu-ntimbu za tiya,Yo diatila muna ntemo a tiya tweno,Vana vena e ntimbu-ntimbu za tiya.
I kiau kiki nutambula ova moko mame:
Mu mpasi zayingi nulavalela.
Mvovo vana yand'a lukaya
^ Nanga, “una ndenda kumikina.”
^ Yovo “lubini lwatoma longwa.”
^ Yovo “olenda zonza yame.”
^ Yovo “Yambula twatalana.”
