Yesaya 56:1-12
56 I wau wuwu kavovele o Yave:
“Nutatidila unsongi,+ nuvanga edi diambote,Kadi e mpuluz’ame ilwaka ke kolo koO unsongi wame usengomoka.+
2 Nkwa kiese ndiona ovanga woYo mwan’a muntu ona otatidila wo vanga,Ndiona olunda e Lumbu kia Vundu yo lembi kio safula+Yo vengomona koko kwandi mu vanga konso diambu diambi.
3 E nzenza isambilanga Yave+ ke ifwete vova ko vo:
‘Kieleka, Yave okumpambula yo nkangu andi.’
O nzimba kafwete vova ko vo: ‘Tala! Omono i nti ayuma.’”
4 Kadi i wau wuwu kavovele o Yave: “E nzimba zilundanga e lumbu yame ya vundu yo sola dina dikungiangidikanga yo tatidila e kangu diame,
5 Ikubavana fulu muna nzo ame yo sungamena e nkumbu zau,Nkumbu isundidi wan’amakala yo wan’amakento.
Ikubavana nkumbu yakwele mvu,Ina ke ivila ko.
6 Vo i nzenza zina ziyikama Yave muna kunsadila,Yo zola e nkumbu a Yave+Yo kala se selo yandi,Awonso belundanga e Lumbu kia Vundu yo lembi kio safulaYe awana betatidilanga e kangu diame,
7 Ikubanata mpe kuna mongo ame avauka+Yo kubamwesa e kiese muna nzo ame a sambu.
O tukau twau twangioka ye yimenga yau itondakana vana ziku diame.
Kadi e nzo ame iyikilwa vo nzo a sambu kwa nkangu miawonso.”+
8 I wau wuwu kavovele o Mfumu Yave, ona okutakesanga esi Isaele ana bamwangana:+
“Ikutakesa diaka wantu ankaka kwa yandi, vana ntandu a awana nkutakese kala.”+
9 Yeno bulu yawonso yamfuta, nuiza dia,Yeno bulu yawonso yamfuta muna mfinda.+
10 Ayingidi andi ampofo kwau,+ ke bemonanga kana diambu dimosi ko.+
Yau awonso mbwa za mababa, ke ziwokanga ko.+
Zitwemanga yo lavalala, zazola leka.
11 Oyau mbwa za loko;Ke ziyukutanga ko.
Oyau mvungudi miakondwa umbakuzi.+
Yau awonso belandanga nzila zau;Konso muntu muna yau ovavanga vua nluta muna luvunu yo vova vo:
12 “Nuiza, yambula yabonga e vinyu,Twanua yavana tukolwa.+
E lumbu kia mbazi kikala nze unu, kisunda nkutu o wete!”
