Yesaya 59:1-21
59 Tala! O koko kwa Yave ke kwankufi ko muna vuluza,+O kutu kwandi mpe ke kwakakama* ko kwalembi wá.+
2 Ve, o bi wa yeno kibeni unuvambwidi yo Nzambi.+
O masumu meno mamfididi mu kunusweka e ndose andi,Kazolele diaka kunuwá ko.+
3 Kadi moko meno mazala yo menga+E nlembo mieno miazala yo bi.
E befo yeno luvunu ivovanga,+ o tubini tweno tufofolanga mambu makondwa unsongi.
4 Ke vena muntu ko obokanga mu kuma kia unsongi,+Ke vena muntu ko wele kuna mbazi a nkanu kavova e ludiBabundidi e vuvu muna mambu ma luvunu+ yo vova mambu makondwa o mfunu.
Bayimiti e mpasi yo wuta o bi.+
5 Batetele maki ma niok’a manga ampondi,Batungidi wanda wa sangangungu.+
Konso ona odia maki mau fwa kefwa,Muna diaki ditetokele muvaikidi mpidi.
6 O wanda wau ke usadilwa se mvuatu ko,E lekwa mpe bevanganga ke ikubasadisa ko.+
E salu yau yambi,Bevanganga mambu mansoki muna moko mau.+
7 Malu mau metikunanga mu vanga o bi,Bezabuziokanga mu bungula menga ma minkondwa-kuma.+
E ngindu zau ngindu zambi;O lufwasu ye mpasi zina omu nzila zau.+
8 Ke basidi zaya nzil’a luvuvamu ko,Muna beviokelanga ke mwina unsongi ko.+
Batekekele nzila zau;Ke vena ona odiatila mo ko ozaya luvuvamu.+
9 Ekiaki i kuma o unsongi utuvavukidi,E ndungidi ke ikutulwakilanga ko.
Tukwamanene vingila ntemo, kansi vakedi kaka tombe;Tuvingidi ntemo, kansi tukwamanene diatila mu tombe kiangolo.+
10 Tubabate muna yaka nga mpofo;Tukwamanene babata nga wantu bakondwa meso.+
Tutele sakuba muna ntangw’a midi nze mu tombe kia fuku;Twina nze wantu afwa vana vena akwa ngolo.
11 Yeto awonso tukwitanga nze useTubumanga nze mayembe.
Tusidi e vuvu muna unsongi, kansi nkatu kwandi;Tusidi e vuvu muna luvuluzu, kansi luvuluzu lutuvavukidi.
12 Kadi mavangu meto ma ukolami se mengi ova ntadisi aku;+Konso sumu dieto disianga kimbangi mu kuma kieto.+
Tutomene zaya o ukolami weto;Tutomene zaya o bi weto.+
13 Tukulwidi o nsiku yo vakulwila Yave o nkalu;Tufididi Nzambi eto e nima.
Tuvovelanga oma ma lubangamu ye ukolami;+Tuyimiti luvunu yo wuninina mvovo mia luvunu mitukidi muna ntima.+
14 O unsongi uvutwilu manima,+E ndungidi ikedi kwandá;+Kadi e ludi* kitele sakuba vana ntanda,*Edi diansongi ke dilenda kota ko.
15 E ludi* kivididi,+Konso ona ovenganga mambu mambi, osanzwa.
Yave omwene dio, okendalele,Kadi ke vakedi unsongi ko.+
16 Omwene vo ke vakedi muntu ko,Osivikidi wau vo ke vakedi muntu ko kabavovela,Muna diadi, o koko kwandi kutwese luvuluzu,*O unsongi wandi umfididi mu vanga diambu.*
17 I bosi, ovuete unsongi nze kinkutu kia sengwa*Ovuete mpu a vita ya luvuluzu* vana ntu andi.+
Ovuete nlandw’a kunda se mvuatu andi+Ovuete o vema nze yunga kiakondwa moko.
18 Oyandi okubasenda mu kuma kia mavangu mau:+
Ofungila atantu andi makasi, otumba e mbeni zandi;+Yo vutulwila ana bezingilanga muna sanga mana mabafwanukini.
19 Tuka kuna kudimukinanga e ntangwa bevumina e nkumbu a YaveTuka kuna kuvaikilanga e ntangwa, o nkembo andiKadi Yave okwiza nze nkoko angungula,Una ukukulwiswanga kwa mwand’andi.
20 “O Nkûdi okwiza+ muna Zione,+Kwa nkangu a Yakobo ana bayambwidi o bi,”+ u kavovele o Yave.
21 “Vo i mono, ediadi i kangu diame ikanga yo yau,”+ u kavovele o Yave. “O mwand’ame una omu ngeye ye mvovo miame mina nsidi omu nu’aku—ke mikatulwa muna nu’aku ko, muna nu’a wan’aku yovo muna nu’a atekolo aku, tuka owau yakwele mvu,” u kavovele o Yave.
Mvovo vana yand'a lukaya
^ Mvovo wa sina: “ke kwazita.”
^ Yovo “ziku.”
^ Yanzala kiakutakenanga nkangu mu teka, sumba lekwa yo tela mambu.
^ Yovo “ziku.”
^ Yovo “kuntwasidi e nsundidi.”
^ Mvovo wa sina: “O unsongi wandi unsadisi.”
^ Kinkutu kivuatanga makesa muna kuyitanina muna vita.
^ Yovo “nsunda.”
