Yesaya 65:1-25
65 “Ngiambwidi vo awana ke bangiuvuidi ko bampava;Ngiambwidi vo awana ke bampavidi ko bansolola.+
Mpovele kwa zula ke kiyikanga nkumbu ame ko vo: ‘Mono oyu, mono oyu!’+
2 Lumbu kiamvimba, ntambidi o moko mame kwa akwa ntim’a mbâdi,+Kwa awana bediatilanga muna nzila zambi,+Yo landa e ngindu za yau kibeni;+
3 O nkangu ukuntiangunanga vana ndose ame,+Utambikanga yimenga muna mpatu+ yo futumuna mwisi a kimenga vana bilikisi.
4 Bevuandanga muna ziami,+Yo leka muna fulu yaswekama,*Bedianga e mbizi za ngulu,+E supu dia lekwa yafunzuka dina muna malonga mau.+
5 Bevovanga vo: ‘Kala vovo wina; kumfinami ko,Kadi omono isundidi o vauka.’*
Oyau bena nga mwisi muna mazunu mame, nga tiya tulemanga lumbu kiamvimba.
6 Tala! Diasonama ova ntadisi ame;Kidingalala ko,Kansi ikubavutulwila,+Ikubavutulwila muna tezo kibafwanukini*
7 Mu kuma kia bi wau yo bi wa mase mau,”+ u kavovele o Yave.
“Wau bafutumwini mwisi a kimenga vana miongoBansakanene vana kundubulu,+E diambu diantete ivanga, i teza o mfutu au una ufwene.”*
8 I wau wuwu kavovele o Yave:
“Wauna e vinyu ampa ibongelwanga muna kangi ya uva zamboteOmosi kavova vo: ‘Kufwasi yo ko, kadi lekwa kiambote kina mo,’*I una ivanga mu kuma kia selo yame;Kifwasa yau awonso ko.+
9 Muna Yakobo ivaikisila e mbongoMuna Yuda ivaikisila ndiona ovua e miongo miame;+Awana nsolele bevua e nsi,E selo yame i mûna bezingila.+
10 Mu kuma kia nkangu ame una ukumpavanga,E Sarone+ ikituka se madilu ma mameme,O Ndimb’a Ako+ ukituka se fulu kia vundila kia ngombe.
11 Kansi oyeno nuina vana kati kw’awana babembwele Yave,+Awana bavilakene o mongo ame avauka,+Awana beyalanga meza mu kuma kia nzambi a MalauYe awana bezadisanga e mbungwa ye vinyu yasangwa mu kuma kia nzambi a Mambu Mateka Kanua.
12 Muna kuma kiaki, ikunuyekola muna nsosolo,+Yeno awonso nuvumbama kimana nuavondwa,+Kadi mbokele, kansi oyeno ke nuvutwidi ko,Mpovele, kansi oyeno ke nuwidi ko;+Nukwamanene vanga mambu mambi ova meso mame,Yo sola mana mekunkendelekanga.”+
13 Kansi, i wau wuwu kavovele o Mfumu Yave:
“Tala! E selo yame bedia, kansi oyeno nufwa e nzala.+
E selo yame benua,+ kansi oyeno numona e vuina.
E selo yame bemona e kiese,+ kansi oyeno nufusuka e nsoni.+
14 Tala! E selo yame beyengoloka mu kuma kia kiese kia ntima,Kansi oyeno nukaza mu kuma kia mpasi za ntimaYe nudila mu kuma kia lukendalalu lwasaka.
15 E nkumbu nusisa isadilwa kw’awana nsolele se sibu,O Mfumu Yave ovonda konso muntu muna yeno,Kansi, e selo yandi oyikila yo mu nkumbu yankaka;+
16 Kimana konso ndiona okuyivavila nsambu ova ntotoKasambulwa kwa Nzambi a ludi,*Konso ndiona odia e ndofi ova ntotoKadila e ndofi muna Nzambi a ludi;*+Kadi e mpasi zantete zivilakanua;Zikatulwa ova meso mame.+
17 Tala! Nsemene zulu diampa ye nz’ampa;+Mambu mantete ke mesungamenua diaka ko,Ngatu kwiza diaka muna ntima.+
18 Dianu vo, nuyangalala yo mona e kiese yakwele mvu muna lekwa nsemene.
Kadi tala! Nsemene Yerusaleme se kuma kia mwena kieseO nkangu andi se kuma kia luyangalalu.+
19 Imona e kiese mu kuma kia Yerusaleme yo yangalala mu kuma kia nkangu ame;+Muna yandi ke muwakana diaka dilu ko yovo kazu kiampasi.”+
20 “Ke kukala diaka nsedia ko ona ozinga lumbu yakete,Ngatu nunu ona ke lungisa lumbu yandi ko.
Kadi konso ona ofwila mu nkam’a mvu obadikilwa vo nleke,O nsumuki ofwa mu kuma kia sibu, kana nkutu vo nkama mvu kena miau.*
21 Betunga nzo yo zingila mo,+Bekuna mpatu za vinyu yo dia e bundu yau.+
22 Ke betunga nzo ko, o muntu ankaka kazingila mo,Ke bekuna mpatu ko, kimana akaka badia.
Kadi e lumbu ya nkangu ame ikala nze lumbu ya nti,+Awana nsolele betoma yangalela e salu ya moko mau.
23 Ke befuntuka nkatu ko,+Ngatu wuta wana bemona e mpasi,Kadi oyau yo wan’auI mbongo yasambulwa kwa Yave.+
24 Vitila baboka, omono ikubavana e mvutu;Ekolo bevovanga, omono ikubawá.
25 E dievua yo mwan’a meme bedila vamosi,O nkosi titi kedia nze ngombe,+O ntoto ukala se madia ma nioka.
Ke bevanga mbi kwa muntu ko yovo kwa bulu ngatu fwasa konso lekwa muna mongo ame wawonso wavauka,”+ u kavovele o Yave.
Mvovo vana yand'a lukaya
^ Nanga, “muna saba ya ayingidi.”
^ Nanga, “Kadi ikusambukisa o vauka kwame.”
^ Mvovo wa sina: “muna tulu yau.”
^ Mvovo wa sina: “muna tulu yau.”
^ Mvovo wa sina: “kadi nsambu zina mo.”
^ Yovo “a kwikizi.” Mvovo wa sina: “Amen.”
^ Yovo “a kwikizi.” Mvovo wa sina: “Amen.”
^ Nanga, “Ndiona ke lungisa nkam’a mvu ko obadikilwa vo wasibwa.”
