Yezekele 1:1-28
1 Muna mvu wa 30, muna lumbu kiatanu kia ngonde ya nyá, ekolo yakala vana ndambu a nkoko a Keba+ kumosi ye awana bayenda mu kinkole,+ e zulu diaziuka, yayantika mona e mona-meso ya Nzambi.
2 Muna lumbu kiatanu kia ngonde, i sia vo, muna mvu watanu tuka ntinu Yoyakine+ kayendela mu kinkole,
3 e diambu dia Yave dizidi kwa mono Yezekele* wa mwan’a Buze wa nganga, vana ndambu a nkoko a Keba muna nsi ya Akaladi.+ I vana o koko kwa Yave kwayizila omu mono.+
4 Ekolo yatalanga, mbwene tembwa kiangolo+ kitukidi kuna node, vakedi tuti diampwena yo nlaku a tiya*+ wazungwa kwa ntemo ampwena, vana kati kwa tiya vakedi ye lekwa kiafwanana ye sengwa kia nkezimi.*+
5 Vana kati kwa tiya vakedi ye vangwa yá yamoyo,+ e mpw’a konso vangwa ikedi nze ya muntu.
6 Konso vangwa kikedi ye ndose yá yo mave mayá.+
7 O malu mau masinanana, e tambi yau ikedi nga kole ya mwan’a ngombe, yakezimanga nze nsongo yalengolwa.+
8 E vangwa ikedi yo moko ma muntu kuna nsi a mave mau, muna ndambu zau yá. Yau ayá bakedi ye ndose yo mave.
9 Mave mau matotakana. Vava yayendanga ke yavilukanga ko; konso vangwa kuntwala kaka kiayendanga.+
10 Owu wakala e mpw’a ndose zau: Konso vangwa muna vangwa yau yá kikedi ye ndose a muntu, ye ndose a nkosi+ kuna lunene, ye ndose a ngombe+ kuna lumonso, konso vangwa kikedi mpe ye ndose+ a ngo-zulu.+
11 I wau wakala e ndose zau. Mave mau mayalumuka vana ntandu au. Konso vangwa kikedi yo mave mole matotakana yo mave mole mafukanga e nitu zau.+
12 Konso vangwa kuntwala kaka kiayendanga, konso kuna o mwanda wamfilanga.+ Ekolo yayendanga ke yavilukanga ko.
13 E vangwa yamoyo ikedi nze makala ma tiya. E lekwa kikedi nze mini kia tiya twanyuyi kiayendanga ku ntwala y’oku nima vana vena e vangwa yamoyo, vana tiya vavaikidinge nsemo.+
14 Vava e vangwa yamoyo yayendanga yo vutuka, yayendanga nze nsemo.
15 Ekolo ntadiding’e vangwa yamoyo, mbwene lungungu vana ntoto, vana ndambu a konso vangwa kiamoyo kia ndose yá.+
16 E mpw’a tungungu ye mpila twavangilwa yakezimanga nze kerusolito, o tungungu twau yá twafwanana. E mpwa ye mpila yavangilwa o tungungu ikedi vika sia vo lungungu lumosi luna muna kati kwa lungungu lwankaka.*
17 Vava tungungu twayendanga, ke twateka vilukanga ko mu kwenda kuna konso ndambu muna ndambu zau yá.
18 O zanguka kwa makangala* mau kwasivi kikilu. O makangala ma tungungu twau yá mazala yo meso muna ndambu zawonso.+
19 Konso ntangwa e vangwa yamoyo yayendanga, o tungungu twayendanga yau e ntwadi. Vava e vangwa yamoyo yatombokanga vana ntoto, o tungungu mpe twatombokanga.+
20 E vangwa yayendanga konso kuna o mwanda wabafilanga, konso kuna kwayendanga o mwanda. O tungungu twatombokanga kumosi yo yau, kadi o mwanda una wasalanga muna vangwa yamoyo* wakala mpe muna tungungu.
21 Vava e vangwa yamoyo yayendanga, o tungungu mpe twayendanga; vava yaningamanga, tungungu mpe twaningamanga; vava yatombokanga vana ntoto, tungungu mpe twatombokanga kumosi yo yau, kadi o mwanda wasalanga muna vangwa yamoyo wakala mpe muna tungungu.
22 Vana ntandu a ntu mia vangwa yamoyo vakedi lekwa kiayalumuka kiakezimanga nga pelo, kiayalumuka vana ntandu a ntu miau.+
23 Kuna nsi a lekwa kiayalumuka, mave mau masinanene o mantalani kuna zulu. Konso vangwa kikedi yo mave mole mu fukila ndambu mosi ya nitu au, mave mole mu fukila e ndambu yankaka.
24 Vava ngwidi e mazu ma mave mau, makedi nga mazu ma maza mangolo, nga nding’a Mpungu-ngolo.+ Vava e vangwa yayendanga, mazu mau makala nga vu kia makesa. Vava yaningamanga, yakululanga mave mau.
25 Vana ntandu a lekwa kiayalumuka kina vana ntandu a ntu miau vatukidi e ndinga. (Vava baningamanga, bakululanga mave mau.)
26 Vana ntandu a lekwa kiayalumuka kiakala vana ntandu a ntu miau vakedi lekwa kina nga tadi dia safire,+ kikedi nze kunda kia kimfumu.+ Vana ntandu a kunda kia kimfumu vakedi ye lekwa kina nga muntu.+
27 Yamona lekwa kialekokanga nze sengwa kia nkezimi,+ nze tiya tuyandangiene tuka vana vakala nze luketo lwandi yakuna ntandu; tuka vana luketo lwandi yakuna yanda, yamona lekwa kiakiala nze tiya.+ Vakedi ntemo wakezimanga muna ndambu zandi zawonso
28 nze ntemo a nkongolo+ muna tuti mu lumbu kia mvula. I una ukedi o ntemo wakezimanga muna ndambu zawonso. Ukedi nze nkembo a Yave.+ Vava mbwene diambu diadi, mbwidi mambukama, ngiantikidi wá e nding’a muntu ovovanga.
Mvovo vana yand'a lukaya
^ Ina ye nsasa vo: “Nzambi Okumikanga.”
^ Sengwa kia wolo wasangana ye palata.
^ Yovo “ye nsemo.”
^ Nanga tungungu tole twafwanana, o lumosi lwakambama vana kati kwa nkwandi.
^ I sia vo, jantas.
^ Mvovo wa sina: “o mwand’a vangwa kiamoyo.”
