Yezekele 15:1-8
-
Yerusaleme, nsing’a vinyu wakondwa mfunu (1-8)
15 E diambu dia Yave dizidi diaka kwa mono, oku vo:
2 “E mwan’a muntu, nga e baya dia nsing’a vinyu dilenda tezaneswa ye baya dia nti miankaka yovo tayi kia nti mia mfinda?
3 Nga o nti ubongelo mo ulenda sadilwa konso salu e? Nga wantu bevangilanga wo e manikinua kia salanganu e?
4 Utubwanga se nkuni vana tiya, o tiya tubomonanga e nsuka zandi zau zole yo zinisa wo vana kati. Ozevo, ulenda sadilwa diaka konso salu e?
5 Vava ukedi wamvimba, ke usadilu konso salu ko. Adieyi tuvova wau uzinisu yo yokwa vana tiya?”
6 “Ozevo, i wau wuwu kavovele o Mfumu Yave: ‘Wauna wina e baya dia nsing’a vinyu vana vena e nti mia mfinda, dina ntubidi vana tiya se nkuni, i una ivanga kwa esi Yerusaleme.+
7 Ibatelamene. Bavukidi vana tiya, kansi o tiya tukubazinisa. Oyeno nuzaya wo vo mono i Yave vava ikubatelamena.’”+
8 “‘Ikitula e nsi se yankatu+ mu kuma kia mavangu mau makondwa kwikizi,’+ u kavovele o Mfumu Yave.”
