Yezekele 2:1-10
2 Oyandi umpovese vo: “E mwan’a muntu,* telama yavovana yaku.”+
2 Vava kavovane yame, o mwanda wizidi omu mono, untelamese+ kimana yawá Ndiona ovovananga yame.
3 Umpovese diaka vo: “E mwan’a muntu, itumini kwa nkangu a Isaele,+ kwa zula ya akolami ina yankolamena.+ Oyau yo mase mau bekunsumukinanga yamu unu kiaki.+
4 Itumini kwa wana, ana bena vo akwa lulendo ye ntima miabala.+ Ubavovesa vo: ‘I wau wuwu kavovele o Mfumu Yave.’
5 Vo i yau, bawá yovo balembi wá—kadi oyau nzo ya akolami+—bezaya wo kieleka vo ngunza wakala ova kati kwau.+
6 “Kansi ongeye, e mwan’a muntu, kubamoni wonga ko,+ kumoni wonga wa mvovo miau ko, kana una vo ozungilu kwa nsende ye mvanga*+ ye ozingilanga vana vena e yinkala-nkala.* Kumoni wonga wa mvovo miau ko,+ kuvumiswa kwa ndose zau ko,+ kadi oyau nzo ya akolami.
7 Ofwete kubazayisa e mvovo miame, bawá yovo balembi wá, kadi oyau nkangu wa akolami.+
8 “Kansi ongeye, e mwan’a muntu, wá mana ikuzayisanga. Kukadi nkolami ko nze nzo yoyo ya akolami. Ziula o nu’aku, dia eki ikuvananga.”+
9 Vava ntadidi, mbwene koko kulambukidi oku ngina.+ Vana koko vakedi nkanda wasonekwa.+
10 Vava kayalumwini o nkanda ova ntadisi ame, ukedi wasonekwa muna ndambu zau zole.+ Mwasonama mbembo,* maniongo ye tâtu.+
Mvovo vana yand'a lukaya
^ “E mwan’a muntu”; e mvovo miami nkumbu 93 miasomana mu nkand’a Yezekele, ekiaki i fulu kiantete.
^ Yovo “nkutu.”
^ Nanga, “kana una vo nkangu akwa lulendo ye bena nze lekwa itatikanga.”
^ Yovo “nkung’a mafwa.”
