Yezekele 28:1-26
28 E diambu dia Yave dizidi diaka kwa mono, oku vo:
2 “E mwan’a muntu, vovesa mfidi a Turo vo: ‘I wau wuwu kavovele o Mfumu Yave:
“Wau vo ntim’aku uzele yo lulendo,+ ovovanga vo:‘Omono i nzambi.
Mvuende vana kunda kia nzambi vana kati kwa kalunga.’+
Kansi ongeye u muntu kwaku, ku nzambi ko,Kana una vo muna ntim’aku okuyibadikilanga vo u nzambi.
3 Tala! Ongeye okuyimwenanga vo osundidi Daniele e ngangu.+
Ke vena mbumba ko iswekama kwa ngeye.
4 E ngangu yo umbakuzi waku ukitwidi se mvuama,Okwamanene wokesa wolo ye palata muna malundilu maku.+
5 E ngangu zaku za kinkita zikitwidi se mvuama kikilu,+O ntim’aku uzele yo lulendo mu kuma kia kimvuama kiaku.”’
6 “‘Ozevo, i wau wuwu kavovele o Mfumu Yave:
“Wau vo muna ntim’aku okuyibadikilanga vo u nzambi,
7 Twasila ikutwasila e nzenza zanuanisa, e zula kisundidi o nsoki muna zula yawonso,+Bevola e nsosolo miau yo fwasa lekwa yawonso yambote wavuila muna ngangu zakuBefwasa o vienga kwaku.+
8 Bekukulula muna wulu,*Lufwa lwambi ofwa vana kati kwa kalunga.+
9 Nga okwamanana vova kwa ndiona okuvonda vo: ‘Omono i nzambi e’?
Vana moko ma awana bekufwasa, ongeye okala se mpasi muntu, ke nzambi ko.”’
10 ‘Ongeye ofwa vana moko ma anzenza nze mindembi zengwa,Kadi mono kibeni mpovele wo,’ u kavovele o Mfumu Yave.”
11 E diambu dia Yave dizidi diaka kwa mono, oku vo:
12 “E mwan’a muntu, bonga e mbembo* mu kuma kia ntinu a Turo, umvovesa vo: ‘I wau wuwu kavovele o Mfumu Yave:
“Ongeye u mbandu alunga wakala,Wazala ye ngangu,+ walunga muna vienga.+
13 Okedi muna Edene, muna mpatu a Nzambi.
Wakiviengeselanga muna matadi mawonso mantalu:
—Rubi, topaze ye yasepi;kerusolito, onise ye yade; safire, tokwase,+ emeraude;Vana vavuandiswanga o matadi momo kumosi ye simbininua yau, ya wolo yakala.
Yakubikwa muna lumbu kina wasemwa.
14 Mono yatumbika se nkelubi a ntanini, wakuswa o mazi.
Ongeye wakala vana mongo avauka a Nzambi,+ wakangalela vana vena matadi matiya.
15 Tuka muna lumbu kina wasemwa, nkwa kwikizi wakala muna ngienda zakuYavana o vilwa wasoloka omu ngeye.+
16 Mu kuma kia ulolo wa yinkita yaku,+Ozele ye mavangu mansoki, oyantikidi sumuka.+
Muna kuma kiaki, ikuyinga vana mongo a Nzambi nze muntu a funzuka, ikufwasa,+Vana kati kwa matadi ma tiya, e nkelubi a ntanini.
17 O ntim’aku uzele yo lulendo mu kuma kia vienga kwaku.+
O nkembo aku usafwidi e ngangu zaku.+
Tuba ikutuba vana ntoto.+
Ikusia vana ntadisi atinu kimana batala.
18 Mu kuma kia ulolo wa makuzuka maku ye yinkita yaku yakondwa o unsongi, osafwidi e nzo zaku zavauka.
Ivaikisa tiya ovo kati kwaku, tukubomona.+
Ikukitula se ntoto ampolo ova ntoto vana meso ma wantu awonso ana bekutalanga.
19 Awonso ana bazeye vana vena o nkangu bekusivika.+
E mfoko aku ku kinsalukisa ikwizila, yampasi ikala,Kukala diaka ko yakwele mvu.”’”+
20 E diambu dia Yave dizidi diaka kwa mono, oku vo:
21 “E mwan’a muntu, vilula e ndose aku kuna Sidone,+ sakula mu kuma kiandi.
22 Vova vo: ‘I wau wuwu kavovele o Mfumu Yave:
“E Sidone, ngina yaku e kitantu, ikembelwa ovo kati kwaku;Wantu bezaya wo vo mono i Yave vava ikufundisa yo vaukila omo ngeye.
23 Ikuntwikila vuku, o menga mekukula muna nzila zandi.
O mavimbu melavalala vana kati kwandi vava o nsosolo utuka muna ndambu zawonso ukunlwakila;Bezaya wo vo mono i Yave.+
24 “‘“E nzo a Isaele ke izungwa diaka kwa nsende zambi ko ye mvanga miampasi,+ awana bekubavezanga; o wantu bezaya wo vo mono i Mfumu Yave.”’
25 “‘I wau wuwu kavovele o Mfumu Yave: “Vava ikutakesa e nzo a Isaele muna nkangu mina bamwangana,+ omono ivaukila muna yau vana meso ma zula.+ Oyau bezingila muna nsi au+ ina yavana kwa Yakobo wa selo kiame.+
26 Bezingila mûna kuna luvuvamu,+ betunga zinzo yo kuna mpatu za vinyu.+ Elo, mu luvuvamu bezingila vava itumba awonso bena muna kinzieta kiau, ana bekubavezanga;+ bezaya wo vo mono i Yave wa Nzambi au.”’”
