Yezekele 31:1-18
-
Engipito ibwidi, o nsedele andá kikilu (1-18)
31 Muna mvu una wa 11,* muna ngonde yantatu, muna lumbu kiantete kia ngonde, e diambu dia Yave dizidi diaka kwa mono, oku vo:
2 “E mwan’a muntu, vovesa Faro wa ntinu a Engipito ye ndong’andi vo:+
‘Nani ofwanane yaku o nene?
3 Vakedi Nsuri mosi, nti a nsedele muna LebanoneYe tayi yambote nze vuangi dia nti miayingi, wandá kikilu;E nsongi andi ilweke yamuna matuti.
4 O maza makudisi wo, e nto za maza zilevese wo kikilu.
E nkoko mizungidi muna ndambu zawonso vana kakunua;E nsuku miau minuikini e nti miawonso mia mfinda.
5 Idianu o lá kwandi kusundidi e nti miawonso mia mfinda.
E nsungu zandi ziwokele, e tayi yandi ilevele kwayingiMu kuma kia ulolo wa maza muna nkoko miandi.
6 E nuni zawonso za zulu zitungidi e nzialwa zau muna nsungu zandi,E bulu yawonso ya mfuta iwutidi kuna nsi a tayi yandi,E zula yawonso yanene ikedi vana viozi kiandi.
7 Ukitukidi se wanene muna vienga ye muna vonga kwa tayi yandi,Kadi e mianzi miandi mikulumukini yamuna maza mayingi.
8 Ke vena nti a nsedele wankaka ko muna mpatu a Nzambi+ wafwanana yo yandi.
Ke vena nti a sipelese wankaka ko wina ye nsungu nze i zandi,Ke vena nti a pelatane ko wina ye tayi nze i yandi.
Ke vena nti ankaka ko muna mpatu a Nzambi ufwananene yandi o wete.
9 Yavanga wo wambote ye ulolo wa makaya,E nti miankaka miawonso mia Edene, e mpatu Nzambi aludi, mimwenene kimpala.’
10 “Ozevo, i wau wuwu kavovele o Mfumu Yave: ‘Wau vo okitukidi se wandá kikilu, e nsongi andi ilweke yamuna matuti, o ntim’andi ukitukidi se wa lulendo mu kuma kia lá kwandi,
11 iyekola wo vana moko ma nyadi a nkwa ngolo a zula.+ Oyandi otumba wo, omono ibembola wo mu kuma kia bi wandi.
12 E nzenza, e zula isundidi o nsoki, izenga wo, besisa wo vana miongo. Makaya mandi mesotoka muna ndimba miawonso, e tayi yandi itoloka yo bwa muna nkoko miawonso mia nsi.+ E nkangu miawonso ova ntoto bekatuka vana viozi kiandi yo bembola wo.
13 E nuni zawonso za zulu zizingila vana vimbu diandi dialavalala, e bulu yawonso ya mfuta izingila vana tayi yandi.+
14 Ediadi divangama kimana vana mbel’a maza valembi kala nti ukula kwayingi yovo ulwakisa e nsongi andi yamuna matuti, ye valembi kala nti watoma nuikwa ufwanana wau muna lá. Kadi, e nti miawonso miyekolwa kwa lufwa, kwa nsi a ntoto, kumosi yo wan’a wantu, ana bekulumukanga muna wulu.’*
15 “I wau wuwu kavovele o Mfumu Yave: ‘Muna lumbu kina ukulumuka muna Ziami,* itwasa kifwidi. Muna kuma kiaki, ifukila o maza masina yo kaka e nkoko miandi kimana o maza mandi mayingi makakama. Ibukika e tombe muna Lebanone mu kuma kiandi, e nti miawonso mia mfinda milengela.
16 Izakamesa e zula muna mazu ma mbwa kebwa, vava ikukulumuna muna Ziami* kumosi ye awonso bekulumukanga muna wulu.* E nti miawonso mia Edene,+ e nti misundidi o wete ye miambote mia Lebanone, miawonso mitoma nuanga o maza, mifiaulwiswa muna nsi a ntoto.
17 Bakulumukini yandi muna Ziami,* kwa awana bafwila muna nsosolo,+ kumosi ye awana bekunyikamanga,* ana bazingilanga vana viozi kiandi vana vena e zula.’+
18 “‘Nkia nti muna nti mia Edene wafwanana yo ngeye muna nkembo yo nene?+ Kansi, ongeye bwa obwa kumosi ye nti mia Edene yamuna nsi a ntoto. Olavalala vamosi ye awana balembi zengwa, kumosi ye awana bafwila muna nsosolo. Ediadi i dibwila Faro kumosi ye ndong’andi,’ u kavovele o Mfumu Yave.”
Mvovo vana yand'a lukaya
^ I sia vo, mvu wa 11 wa kinkole kia Yoyakine wa Ntinu, Yezekele ye Ayuda ankaka. (Tala Yezekele 1:2).
^ Yovo “ziami.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “ziami.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “bakedi se koko kwandi.”
