Yezekele 4:1-17
4 “Vo i ngeye, e mwan’a muntu, bonga bilikisi, sia kio vana ntadisi aku. Bandula mo fwaniswa kia mbanza mosi—Yerusaleme.
2 Zunga e mbanza,+ tunga e yaka muna kinzieta kiandi,+ bumbika e kundubulu mu nuanisa yo,+ sikidisa e ndo muna kinzieta kiandi, zungisa yo masini ma wudila e yaka.+
3 Bonga e mênga kia sengwa, sia kio nze yaka kia sengwa vana kati kwa ngeye ye mbanza. I bosi, tadisa e ndose aku kuna mbanza, e mbanza ikala yazungwa; ongeye ozunga yo. Ekiaki kikala se sinsu kwa nzo a Isaele.+
4 “I bosi, lavalela kuna luvati lwaku lwalumonso, sia e kuzuka dia nzo a Isaele vana ntandu aku.*+ Onata e kuzuka diau muna lumbu yawonso olavalela kuna luvati lwaku lwalumonso.
5 Ikusila lumbu 390, mun’owu wa mvu mia kuzuka diau,+ ongeye onata e kuzuka dia nzo a Isaele.
6 Ofwete lungisa e kolo kiaki kiawonso.
“I bosi, olavalala mu nkumbu azole, olavalela kuna luvati lwaku lwalunene, onata e kuzuka dia nzo a Yuda+ mu lumbu 40. Konso lumbu mvu mosi, konso lumbu mvu mosi, i diau isididi.
7 Otadisa e ndose aku kuna nzinguluk’a Yerusaleme,+ yo koko kwaku kwalembi fukwa, ofwete sakula mu kuma kiandi.
8 “Tala, kanga ikukanga mu nsinga kimana walembi viluka ku ndambu yankaka yavana olungisa e lumbu ya nzung’aku.
9 “Ofwete bonga witi, bale, mambandi, wandu, masambala ye sepeleta, sia yo mu kinzu kimosi, vanga mbolo mu kuma kiaku. Ongeye odia yo muna lumbu yawonso okala walavalala vana luvati, lumbu 390.+
10 Ofwete peza o madia odia, 20 ma sekele* konso lumbu. Odia mo mu ntangwa zasikidiswa.
11 “Mu nzongo onuina o maza, tini kiasambanu kia yini.* Onua mo mu ntangwa zasikidiswa.
12 “Odia e mbolo aku nga mbolo avindumuka ya bale; oyokela yo vana meso mau, osadila doti diayuma dia muntu se nkuni.”
13 Yave ovovele diaka vo: “I wau wuwu o wan’a Isaele bedila e mbolo afunzuka muna zula ina ikubamwanganesa.”+
14 I bosi mvutwidi vo: “Dodokolo, ediodio ke diau ko e Mfumu Yave! Kadi tuka muna kileke kiame yamu wau kisidi kuyifunzula ko muna dia mbizi a bulu kiwanukini kiafwa yovo kivondelo kwa bulu kiankaka,+ omu nu’ame ke musidi kota mbizi a bulu kiafunzuka ko.”+
15 Muna diadi umpovese vo: “Ke diambu ko, ikuyambula wasadila e doti dia ngombe vana fulu kia doti dia muntu, ivana oyokela e mbolo aku.”
16 I bosi, umpovese vo: “E mwan’a muntu, ifwasa madia mawonso* muna Yerusaleme;+ muna nteleko a moyo i bedila e mbolo yatezwa vana balanza;+ muna zaka-zaka i benuina maza muna nzongo.+
17 Ediadi divangama kimana vava vekondwa e mbolo yo maza, batala muntu yo kwandi yo sivika, batanda mu kuma kia bi wau.
Mvovo vana yand'a lukaya
^ I sia vo, kuna lumonso lwa Yezekele.
^ Mvovo wa sina: “tolola itolola o nkau a mbolo.” Nanga nkau wamanikwanga e mbolo zakala nze nlunga uyikanga.
