Yezekele 42:1-20
42 I bosi, undete kuna yanzala kiambazi, kuna node.+ Undete kuna nzo za masuku madila zikedi vana ndambu a yanzala kia lunene lwa tempelo,+ kuna node a nzo ina vana ndambu.+
2 Otezele nzo za masuku madila kuna mwelo a node, yinkoso* 100 muna lá, yinkoso 50 muna lambuka.
3 E nzo zazi zikedi vana kati kwa yanzala kia yinkoso 20+ kina kuna lunene lwa tempelo kuna yanzala kiakati ye fulu kialengwa matadi vana ntoto kuna yanzala kiambazi. E nzila zandi zaviokela zitalanini, zikedi ye banga tatu.
4 Vana kati kwa nzo zau zole za masuku madila+ vakedi nzila ya yinkoso 10 muna lambuka, yinkoso 100 muna lá,* e mielo miau mitadidi kuna node.
5 O masuku madila ma banga kiantandu makeva ke mu masuku ma banga kiayanda ko ye ma banga kiakati, kadi e nzila zaviokela zakevesa mo.
6 Kadi masuku madila makedi mu banga tatu, kansi ke makedi ye malunzi ko nze i malunzi ma yanzala. Ekiaki i kuma o masuku ma banga kiantandu makeveselwa ke mu masuku ma banga kiayanda ko ye ma banga kiakati.
7 E yaka kia matadi kina kuna mbazi, lukufi ye masuku madila mena kuna ndambu a yanzala kiambazi, mana matalanene ye masuku mankaka, kikedi yinkoso 50 muna lá.
8 Kadi o masuku madila mena kuna ndambu a yanzala kiambazi, makedi yinkoso 50 muna lá; kansi o masuku madila mena vana ndambu a nzo avauka, makedi yinkoso 100.
9 O masuku madila makedi yo mwelo kuna este, wakotela tuka kuna yanzala kiambazi.
10 Vakedi masuku madila vana ndambu a* yaka kia matadi kia yanzala kiatala kuna este, lukufi ye yanzala kia lunene lwa tempelo ye nzo.*+
11 Vana ntwal’a masuku madila vakedi nzila yafwanana ye nzil’a masuku madila mena kuna node.+ Zafwanana muna lá ye muna lambuka, e mpaikilu zau ye mpila zavangilwa yafwanana. E mielo miau
12 mikedi nze mielo mia masuku madila mena kuna sude. Vana lubantiku lwa nzila, vana yaka kia matadi kitadidi kuna este, vakedi mwelo una wakotelwanga.+
13 I bosi, umpovese vo: “O masuku madila mena kuna node yo masuku madila mena kuna sude, mana mena vana ntwal’a yanzala kialunene ye kialumonso lwa tempelo,+ i masuku madila mavauka, anganga ana befinamanga Yave i mûna bedilanga tukau tusundidi o vauka.+ I mûna besianga o tukau tusundidi o vauka, lukau lwa mbwaza, lukau lwa sumu yo lukau lwa kuzuka, kadi e fulu kiokio kiavauka.+
14 Anganga avo bakotele, ke bafwete vaika vana fulu kiavauka ko yo kwenda kuna yanzala kiambazi lembi teka vula e mvuatu miau mia salu,+ kadi mvuatu miavauka. Oyau bevuata e mvuatu miankaka mu kwenda kuna kwina o nkangu.”
15 Vava kamene teza muna kati kwa tempelo,* umpaikisidi muna nzil’a vitu dia este,+ otezele e fulu kiakina kiawonso.
16 Otezele ndambu a este muna tutu dia tezela.* Tuka kuna ndambu eyi yakuna ndambu yankaka, kukedi matutu 500 mun’owu wa tutu dia tezela.
17 Otezele ndambu a node, matutu 500 mun’owu wa tutu dia tezela.
18 Otezele ndambu a sude, matutu 500 mun’owu wa tutu dia tezela.
19 Otezele ndambu a weste, matutu 500 mun’owu wa tutu dia tezela.
20 Otezele yo muna ndambu zau yá, ikedi ye yaka+ kia matutu 500 muna lá ye matutu 500 muna lambuka muna kinzieta,+ muna vambula e fulu kiavauka ye fulu kia wantu awonso.+
Mvovo vana yand'a lukaya
^ Mun’owu wa Septuaginta ya Kingerekia: “yinkoso 100 muna lá.” Kansi, e sono ya Kiyibere ivovanga vo: “Nzila ya kinkoso kimosi.” Tala Nku. B14.
^ Mvovo wa sina: “muna lambuka kwa.”
^ Eyayi i nzo iyikilu muna tini kia 1.
^ Mvovo wa sina: “muna nzo a kati.”
