Yezekele 45:1-25
45 “‘Vava nukayanesa e nsi se vua,+ nufwete katula kunku kiavauka muna nsi yo vana kio se lukau kwa Yave.+ Kikala yinkoso* 25.000 muna lá, yinkoso 10.000 muna lambuka.+ E fulu kiokio kiawonso* kikala se kunku kiavauka.
2 Vana kati kwandi vekala ye tini kia ntoto kia ndambu yá zafwanana mu kuma kia fulu kiavauka, kikala ye yinkoso 500 muna lá, yinkoso 500 muna lambuka.+ Kuna konso ndambu kukala ye tini kia 50 ma yinkoso se madilu ma bulu.+
3 Muna kunku kiokio kia nsi, nufwete teza o lá kwa 25.000 yo lambuka kwa 10.000. I mûna mukala e tempelo, ina vo lekwa kisundidi o vauka.
4 Kikala se kunku kiavauka muna nsi mu kuma kia anganga,+ ana besadilanga muna nzo avauka, ana befinamanga mu sadila Yave.+ Kikala se fulu kia nzo zau, se fulu kiavauka mu kuma kia tempelo.
5 “‘Mu kuma kia Anelevi, ana besadilanga muna tempelo, mukala mpe ye kunku kia yinkoso 25.000 muna lá, yinkoso 10.000 muna lambuka.+ Betambula 20 ma masuku madila+ se vua.
6 “‘Nufwete vana e vua kwa mbanza, fulu kia yinkoso 25.000 muna lá (kiafwanana yo lukau lwavauka), yinkoso 5.000 muna lambuka.+ Kikala se kia nzo a Isaele yawonso.
7 “‘Mu kuma kia mfumu, vekala ye kunku kia ntoto kuna ndambu zau zole za lukau lwavauka ye vua kwa mbanza. Kikala vana ndambu a lukau lwavauka ye vana ndambu a vua kwa mbanza. Kikala kuna weste ye kuna este. O lá kwandi tuka kuna mwingilu a weste yakuna mwingilu a este, kufwanana ye kunku kia ntoto kia kanda dimosi.+
8 E kunku kiokio kia ntoto kikala se vua diandi muna Isaele. E mfumu zame ke zibangika diaka nkangu ame ko,+ bekayanesa e nsi kwa nzo a Isaele mun’owu wa makanda mau.’+
9 “I wau wuwu kavovele o Mfumu Yave: ‘E mfumu za Isaele, oyeno nusakisi!’
“‘Nuyambula o nsoki eno yo lubangamu, nuvanga edi diambote ye diansongi.+ Nuyambula o sanza mavua ma nkangu ame,’+ u kavovele o Mfumu Yave.
10 ‘Nufwete sadila balanza za ziku, efa* ya ziku ye bata* dia ziku.+
11 Vafwete kala tezo kiasikididi mu kuma kia efa ye bata. E bata difwete kota tini kiakumi kia kome,* e efa ifwete kota tini kiakumi kia kome. E lekwa ifwete tezelwa muna kome.
12 E sekele* mosi+ i ngera* 20. E sekele 60 i mane* mosi kuna kwa yeno.’*
13 “‘Olwalu i lukau nufwete vana: muna konso kome kia witi, nuvana tini kia sambanu kia efa; muna konso kome kia bale, nuvana tini kia sambanu kia efa.
14 O lukau lwa mazi lufwete zongelwa muna bata. E bata mosi i tini kiakumi kia kore,* e bata kumi i kome mosi, kadi e bata kumi i kome mosi.
15 Nufwete tambika meme dimosi vana vena mameme 200 muna kambi dia Isaele. Yawonso yayi isadilwa muna lukau lwa mbwaza,+ lukau lwawonso lwa ngioka+ ye yimenga ya ungudi,+ muna lomba luyambulwilu lwa masumu ma nkangu,’+ u kavovele o Mfumu Yave.
16 “‘O nkangu awonso a nsi bevana lukau lwalu+ kwa mfumu muna Isaele.
17 Kansi, o mfumu yandi okala ye mbebe ya kubika tukau twawonso twangioka,+ lukau lwa mbwaza+ yo lukau lwa ndua muna ntangw’a nkinzi,+ muna nzangama za ngonde, muna Lumbu ya Vundu+ ye muna nkinzi miawonso mia nzo a Isaele.+ Yandi okubika lukau lwa sumu, lukau lwa mbwaza, lukau lwawonso lwa ngioka ye yimenga ya ungudi, muna lomba luyambulwilu lwa masumu muna wete dia nzo a Isaele.’
18 “I wau wuwu kavovele o Mfumu Yave: ‘Muna ngonde antete, muna lumbu kiantete kia ngonde, ofwete bonga mwan’a ngombe a koko alunga muna kambi, ofwete velelesa e nzo avauka muna sumu.+
19 O nganga obonga fimenga fia lukau lwa sumu yo sia fio muna malunzi ma mwelo a tempelo,+ muna konko yá ya banga kia ziku, muna malunzi ma vitu dia yanzala kiakati.
20 Idiau mpe ovanga muna lumbu kia nsambwadi kia ngonde, mu kuma kia konso muntu osumuka lembi wo kana yovo osumuka lembi wo zaya;+ nufwete lomba luyambulwilu lwa masumu mu kuma kia tempelo.+
21 “‘Muna ngonde yantete, muna lumbu kia 14 kia ngonde, nufwete kembela o nkinzi a Nduta.+ Nudia mbolo zakondwa mfuna mu lumbu nsambwadi.+
22 Muna lumbu kiakina, o mfumu okubika mwan’a ngombe a koko se lukau lwa sumu muna wete dia yandi kibeni ye muna wete dia nkangu awonso a nsi.+
23 Muna lumbu nsambwadi ya nkinzi, konso lumbu, oyandi okubika wan’a ngombe nsambwadi a makoko ye mameme nsambwadi ma makoko malunga se lukau lwamvimba lwa ngioka kwa Yave,+ okubika mpe nkombo a koko konso lumbu se lukau lwa sumu.
24 Oyandi okubika efa mosi mu kuma kia konso mwan’a ngombe a koko ye efa mosi mu kuma kia konso meme dia koko se lukau lwa mbwaza, okubika mpe yini* mosi ya mazi muna konso efa.
25 “‘Muna ngonde a nsambwadi, muna lumbu kia 15 kia ngonde, muna lumbu nsambwadi ya nkinzi,+ oyandi ovana e lekwa yau imosi: lukau lwa sumu, lukau lwa ngioka, lukau lwa mbwaza yo mazi.’”
Mvovo vana yand'a lukaya
^ Yovo “Muna mingilu miandi miawonso.”
^ Mvovo wa sina: “E sekele 20 ye sekele 25 ye sekele 15 i mane mosi kwa yeno.”
