Yezekele 48:1-35
48 “Ezazi i nkumbu za makanda, tuka kuna nsuk’a node: E kunku kia Dani+ kiele muna nzil’a Ketelone yakuna Lebo-Kamati*+ yakuna Kasare-enane, muna mwingilu a Damaseke kuna node, vana ndambu a Kamati;+ kiele tuka kuna mwingilu a este yakuna mwingilu a weste.
2 E kunku kia Asere+ kikedi mwingilu yo Dani, tuka kuna mwingilu a este yakuna mwingilu a weste.
3 E kunku kia Nafetali+ kikedi mwingilu yo Asere, tuka kuna mwingilu a este yakuna mwingilu a weste.
4 E kunku kia Manase+ kikedi mwingilu yo Nafetali, tuka kuna mwingilu a este yakuna mwingilu a weste.
5 E kunku kia Eferaime kikedi mwingilu yo Manase,+ tuka kuna mwingilu a este yakuna mwingilu a weste.
6 E kunku kia Rubeni kikedi mwingilu yo Eferaime,+ tuka kuna mwingilu a este yakuna mwingilu a weste.
7 E kunku kia Yuda kikedi mwingilu yo Rubeni,+ tuka kuna mwingilu a este yakuna mwingilu a weste.
8 Kuna mwingilu a Yuda, tuka kuna mwingilu a este yakuna mwingilu a weste, nufwete katula lukau lukala ye yinkoso* 25.000 muna lambuka,+ lufwanana yo lambuka kwa kunku kia kanda diankaka tuka kuna mwingilu a este yakuna mwingilu a weste. E tempelo ikala vana kati kwandi.
9 “O lukau luna nukatula mu kuma kia Yave, lukala yinkoso 25.000 muna lá, yinkoso 10.000 muna lambuka.
10 Olwalu lukala se lukau lwavauka mu kuma kia anganga.+ Lukala ye yinkoso 25.000 kuna node, yinkoso 10.000 kuna weste, yinkoso 10.000 kuna este ye yinkoso 25.000 kuna sude. Vana kati kwandi i vekala e nzo avauka ya Yave.
11 Lukala se lwa anganga ana bavauka muna wan’a Sadoke,+ ana balungisa e yiyekwa yau mu kuma kiame ye ke bavengomoka ko vava Aneyisaele ye Anelevi bavengomoka.+
12 Oyau bekala ye kunku muna lukau lwa nsi lukatwilu se lekwa kisundidi ovauka, muna mwingilu a Anelevi.
13 “Anelevi bekala ye kunku kia yinkoso 25.000 muna lá, yinkoso 10.000 muna lambuka, vana ndambu a zunga kia anganga. (O lá kwawonso kukala yinkoso 25.000, o lambuka yinkoso 10.000.)
14 Ke bafwete teka ko yovo sobanesa ngatu vana kwa muntu a kanda diankaka konso tini kia kunku kiaki kisundidi o wete kia nsi, kadi lekwa kiavauka kwa Yave.
15 “E ndambu isuva ya yinkoso 5.000 muna lambuka, muna mwingilu wa yinkoso 25.000, ikala se ya wantu awonso a mbanza,+ mu kuma kia zinzo ye madilu. E mbanza ikala vana kati kwandi.+
16 Ekiaki i tezo kia mbanza: o mwingilu a node yinkoso 4.500, o mwingilu a sude yinkoso 4.500, o mwingilu a este yinkoso 4.500, o mwingilu a weste yinkoso 4.500.
17 E fulu kia madilu kia mbanza kikala yinkoso 250 kuna node, yinkoso 250 kuna sude, yinkoso 250 kuna este ye yinkoso 250 kuna weste.
18 “O lá kwa kunku kisuva kufwanana yo lá kwa lukau lwavauka,+ yinkoso 10.000 kuna este, yinkoso 10.000 kuna weste. Kufwanana yo lukau lwavauka, e mbongo andi ikala se madia kwa awana besadilanga muna mbanza.
19 E kunku kiokio kivatwa kwa awana besadilanga muna mbanza, ana betuka muna makanda mawonso ma Isaele.+
20 “O lukau lwawonso lukala ye ndambu yá zafwanana za yinkoso 25.000. Nufwete lo katula se lukau lwavauka kumosi ye vua dia mbanza.
21 “Kina kisuva kuna ndambu zau zole za lukau lwavauka ye vua dia mbanza, kikala se kia mfumu.+ Kikala muna mwingilu a yinkoso 25.000 kuna este ye kuna weste ya lukau. Kikala tezo kimosi ye kunku ina muna ndambu, kikala se kia mfumu. O lukau lwavauka ye nzo avauka ya tempelo ikala vana kati kwandi.
22 “E vua dia Anelevi ye vua dia mbanza dikala vana kati kwa zunga kia mfumu. E zunga kia mfumu kikala vana kati kwa mwingilu a Yuda+ ye mwingilu a Benyamini.
23 “Vo i makanda masidi, e kunku kia Benyamini kitukidi kuna mwingilu a este yakuna mwingilu a weste.+
24 E kunku kia Simeone kikedi muna mwingilu a Benyamini,+ tuka kuna mwingilu a este yakuna mwingilu a weste.
25 E kunku kia Yisakare+ kikedi muna mwingilu a Simeone, tuka kuna mwingilu a este yakuna mwingilu a weste.
26 E kunku kia Zebulune kikedi muna mwingilu a Yisakare,+ tuka kuna mwingilu a este yakuna mwingilu a weste.+
27 E kunku kia Ngadi kikedi muna mwingilu a Zebulune,+ tuka kuna mwingilu a este yakuna mwingilu a weste.
28 O mwingilu a sude una uviokele kuna mwingilu a Ngadi, utukidi kuna Tama+ wele kuna maza ma Meribate-kadese,+ uviokele kuna Ndimba*+ yakuna Mbu Anene.*
29 “Eyayi i nsi nukayanesa se vua kwa makanda ma Isaele,+ eyayi ikala se kunku yau,”+ u kavovele o Mfumu Yave.
30 “Ezazi i mpaikilu za mbanza: Kuna sambu dia node, yinkoso 4.500.+
31 “E mavitu ma mbanza meyikilwa mun’owu wa nkumbu za makanda ma Isaele. Kuna node kukala ye mavitu matatu: vitu dimosi dia Rubeni, vitu dimosi dia Yuda ye vitu dimosi dia Levi.
32 “Kuna sambu dia este, yinkoso 4.500 muna lá, kukala ye mavitu matatu: vitu dimosi dia Yosefe, vitu dimosi dia Benyamini ye vitu dimosi dia Dani.
33 “Kuna sambu dia sude, yinkoso 4.500, kukala ye mavitu matatu: vitu dimosi dia Simeone, vitu dimosi dia Yisakare ye vitu dimosi dia Zebulune.
34 “Kuna sambu dia weste, yinkoso 4.500 muna lá, kukala ye mavitu matatu: vitu dimosi dia Ngadi, vitu dimosi dia Asere ye vitu dimosi dia Nafetali.
35 “E nzinguluka yawonso ya mbanza ikala ye yinkoso 18.000. Tuka muna lumbu kiakina, e nkumbu a mbanza ikala vo Yave Una Mûna.”+
Mvovo vana yand'a lukaya
^ Yovo “fula dia Kamati.”
^ I sia vo, Mediterrâneo.
^ I sia vo, Ndimb’a Engipito.
