Yobi 10:1-22
10 “Mbengene moyo ame.+
Vaikisa ivaikisa ntokani zame.
Vova ivova muna ntantu zame.*
2 Ivovesa Nzambi vo: ‘Kungielesa ko.
Unzayisa, ekuma okuntantanesenanga?
3 Nga nluta obaka muna bangika,Muna veza e salu kia moko maku,+Ekolo otambulwidi luludiku lwa yimpumbulu?
4 Nga meso ma kinitu una mau,Yovo omwenanga una muntu kemwenanga?
5 Nga lumbu yaku ina nze lumbu ya wantu,Yovo mvu miaku nze mvu mia muntu,+
6 Wau ovavanga mbi ameYo kwamanana tomba e sumu diame?+
7 Ozeye wo vo kina ye ngielele ko;+Kavena muntu ko olenda kumpuluza vana moko maku.+
8 Moko maku mangumba yo kumpanga,+Kansi owau ozolele kumfwasa emvimba.
9 Sungamena vo mu tûma wampangila,+Kansi owau umputwidi muna ntoto.+
10 Nga kuntiamwini ko nze kimvuminaYo kunkangamesa nze kezio?
11 Umvuikidi nkanda ye nsuni,Ungikakese ye visi ye mianzi.+
12 Umpene moyo yo kunsonga walakazi;Otanini mwand’ame* muna kundunga-lunga.+
13 Kansi ozolele vanga mambu mama kuna kinsweki.*
Nzeye wo vo mambu mama kwa ngeye matukidi.
14 Kele vo yasumuka, wadi kumbona,+Kwadi loloka sumu diame ko.
15 Avo ngielele ngina yau, tâtu kwa mono!
Kana nkutu vo kina ye kuma ko, kilendi zangula ntu ko,+Kadi nzele ye luvezo ye mpasi.+
16 Avo nzangwidi ntu, okunkonda nze nkosi+Osonga diaka nkum’aku muna kundwanisa.
17 Untwasidi mbangi zampa zamfunda,Owokese makasi maku omu mono,Ekolo mpasi ye mpasi zindwakidi.
18 Nkia kuma wampaikisila muna vumu?+
Diambote kele vo yafwa kwame una kiamonekene kwa muntu ko.
19 Diadi kala vika sia vo kiakala kwame ko;Nga yanatwa tuka muna vumu yamuna ziami.’
20 Nga ke lumbu yandwelo ko nsidi yau?+ Bika kangiambula kuna luvuvamu;Yambula kavengomona meso mandi mu mono kimana yavevoka fioti*+
21 Vitila ngienda kuna kilendi vutukila ko,+Kuna nsi ya tombe kiangolo,*+
22 Kuna nsi ya tombe kiangolo,Nsi ya tombe kin’e bu ye mvuanga,Kûna ntemo una nze tombe kiangolo.”
Mvovo vana yand'a lukaya
^ Mvovo wa sina: “kakatula lubamba lwandi oku ngina.”
^ Yovo “muna ndudi a moyo ame.”
^ Yovo “fulumwinu kiame; moyo ame.”
^ Mvovo wa sina: “oswekele mambu mama muna ntim’aku.”
^ Yovo “yayangalala fiakete.”
