Yobi 21:1-34
21 Yobi ovutwidi vo:
2 “Lutoma wá mana ivova;Mambu mama yambula makala se lufiaulwisu lumpene.
3 Nuvuvika e ntima ekolo ivova;Avo mbanisi vova, i bosi nukunseva.+
4 Nga kwa muntu ntatidi e?
Avo i wau, nga kiadi suka ntima ko e?
5 Nuntala yo sivika;Nukala pi-i.*
6 Avo ngindwidi wo, o ntim’ame uyangamene,E nitu ame yawonso ikankumukini.
7 Ekuma yimpumbulu bezingilanga kaka,+Benunanga yo vuama?*+
8 Wan’au bekalanga kaka vana ndose au,
Yo mona mbongo au.
9 E nzo zau zasikila, ke bemonanga wonga ko,+
Nzambi ke kubawandanga ko muna nkau andi.
10 E ngombe zau za makoko wutisa kaka ziwutisanga;E ngombe zau zankento wuta kaka ziwutanga, ke zisululanga ko.
11 O wan’au amatoko betikunanga kuna mbazi nze kambi,Wan’au beyengolokanga ye kiese.
12 Beyimbilanga ye yingoma-ngoma ye kokolo,Yo yangalela zú dia matutu.+
13 E lumbu ya zingu kiau yakieseBekulumuka muna Ziami* kuna luvuvamu.*
14 Kansi bevovanga kwa Nzambi aludi vo: ‘Utuyambula!’
Katuzolele zaya nzila zaku ko.+
15 Nani i Mpungu-ngolo twansadila?+
Nkia nluta tubaka muna kunsambila?’+
16 Kansi nzeye wo vo ke belendanga lunga-lunga mavua mau ko.+
E ngindu za* yimpumbulu, zimpavukidi.+
17 E minda mia yimpumbulu nkumbu nkwa mizimwa?+
E mpasi nkumbu nkwa zikubabwilanga?
O Nzambi nkumbu nkwa kekubatwasilanga lufwasu muna makasi mandi?
18 Nga bekitukanga nze titi vana vena tembwa,Nze vevele yanatwa kwa kimbongela?
19 Nzambi olundilanga tumbu kia muntu kwa wan’andi.
Kansi, yambula Nzambi kamvutulwila wo kimana kazaya wo.+
20 Yambula meso mandi mamona lufwasu lwandi,
Yambula kanua makasi ma Mpungu-ngolo.+
21 Aweyi ketokanena dina dibwila esi nzo andi kuna nim’a lufwa lwandiAvo lutangu lwa ngonde zandi lukufikilu?*+
22 Wau vo Nzambi ofundisanga akwa tunda+Nani olenda longa Nzambi?*+
23 Muntu ofwa ye nkum’andi wawonso+Ekolo kena mu luvuvamu ye ngemba,+
24 E masina ma malu mandi mavongeleE visi yandi ngolo ina.*
25 Kansi, wankaka ofwila muna lukendalalu lwasaka,*Kasidi yeleka lekwa yambote ko.
26 Kumosi belavalala vana ntoto,+E mimvidi mikubafuka.+
27 Ntomene zaya e ngindu zenoYe kani dieno dia kumpanga e mbi.*+
28 Kadi nuvovele vo: ‘Akweyi ina e nzo ya nkwa tunda,Akweyi kina e saba kina bakala yimpumbulu?’+
29 Nga yeno ke nuyuvuidi minduti-a-nzila ko?
Nga ke nutomene fimpa mvovo miau* ko?
30 Nga muntu ambi ovukiswa muna lumbu kiampasi,Yo taninua muna lumbu kia makasi?
31 Nani okuntumba mu kuma kia nzil’andi,Nani okumvutulwila dina kavangidi?
32 Vava kenatwa kuna ziami,Beyingila ziami kiandi.
33 O ntoto a ndimba uzenza kuna kwa yandi,+Wantu awonso bekunlandanga*+Nze ana balembi tangakana bamvita.
34 Ekuma nukumfiaulwisilanga mu nkatu?+
E mvutu zeno, za luvunu kwandi!”
Mvovo vana yand'a lukaya
^ Mvovo wa sina: “mandi.”
^ Mvovo wa sina: “Nusia koko muna nua.”
^ Yovo “kumama.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “vana vau,” i sia vo, befwa mu nzaki lembi mona e mpasi.
^ Yovo “E longi dia; Makani ma.”
^ Yovo “luzengelo vana kati.”
^ Yovo “Nani olenda longa Nzambi o zayi?”
^ Mvovo wa sina: “o nluku a visi yandi wayondalala.”
^ Yovo “moyo a ndudi.”
^ Nanga, “muna kunkota nsoki.”
^ Mvovo wa sina: “sinsu yau.”
