Yobi 4:1-21
4 Elifaze+ wa Ntemane ovutwidi vo:
2 “Avo muntu ozolele vovana yaku, nga kuwunikina kuna luzindalalu ko e?
Kadi nani olenda dingalala?
3 Dialudi, wantu ayingi walonganga,Yo kumika ana bavavanga lusadisu.
4 E mvovo miaku miatelamesanga ndiona watanga sakuba,Wakumikanga awana se bebwa.*
5 Kansi wau vo e mpasi zinlwakidi, okendalele;*Wau zinlwakidi, ozakamene.
6 O vumi waku muna Nzambi, ke uvene vuvu ko e?
E nzila zaku za ziku,+ nga ke zivene vuvu ko e?
7 Nga wamona kala munkondwa-kuma kafwa?
Nkia ntangwa wamona ansongi bafwaswa?
8 Imonanga vo awana bevatanga mpatu za mambu mambiYe awana bekunanga nsoki, mambu mambi ye nsoki bekutikanga.
9 Muna mpemok’a Nzambi befwila,Muna mpemok’a makasi mandi i besukisilwa.
10 Nkosi okwitidi, mwan’a nkosi otatwidi e ndinga,Kansi kana nkutu meno ma nkosi zangolo* matolokanga.
11 Nkosi yifwidi wau ikondelo bulu kiadia,Wan’a nkosi bamwangane.
12 Diambu banzayisi kuna kinsweki,E nguninina zilweke mu kutu kwame.
13 Muna fuku mbwene mona-meso kitokanese ngindu zame,Vava wantu balele tulu twangolo,
14 E wonga ye zakamu dindwakidi,Dizadisi e visi yame yawonso ye wonga.
15 Mwanda uviokele vana mpolo ame;E mika mia nitu ame mikankumukini.
16 I bosi, uningamene,Kansi kivisidi mpw’andi ko.
Kini* kikedi vana meso mame;Vakedi pi-i, i bosi ngwidi ndinga:
17 ‘Nga mpasi muntu osunda unsongi lutila Nzambi e?
Nga muntu osunda velela lutila Mvangi andi?’
18 Nzambi ke bundanga ntaudi zandi vuvu ko,Mbi kesololanga muna mbasi* zandi.
19 Olutidi wo vanga kw’awana bekalanga muna nzo za nteke,Zina vo e nkubilw’andi ina muna ntoto,+Bekosomonuanga nze nselele.
20 Bekosomonuanga tuka mene yakuna masika;Bevila yakwele mvu, ke muntu ko ozaya wo.
21 Nga ka bena nze saba kikutulwilu nsinga ko e?
Befwa kondwa kwa ngangu.
Mvovo vana yand'a lukaya
^ Mvovo wa sina: “makungunu mayoya.”
^ Mvovo wa sina: “otokanene.”
^ Yovo “wan’a nkosi a mika miayingi muna nsingu.”
^ Yovo “Ninga.”
^ Yovo “anati a nsangu.”
